جام قبل مانبداو للدعم💞
قراءة ممتعة🌸
البارت 11
هبة باصرار : وش قلتي يما ؟؟
تنهدت باستسلام : هيا ولية مانقدرش نخرجها ... حنى انا عندي طفلة ... دارنا مفتوحة ليها حتى يجي باباك و هوا يديسيدي ... و زيدي شاوري وليد عمك
عقدت حواجبها بتذمر : اوووف و دوك هاذا فكل محضر يحضر ...
خنزرت فيها يماها و نهرتها بحدة : هبة مانعاودش هدرتي ...ديجا يفكرك فالشهادة ... راو بعت رانيا موقبيل قالك مور المغرب جوزي ليه ... جات هبة تهدر قاطعتها يماها : اشش حرف مانسمعوش و طيري شوفي بنت الناس اذا ناضت ..
هبة بتذمر : اوووف اووف ..
دورت خطواتها للبيت حلت بلعقل ... لقاتها مزالت راقدة ... غلقتها بهدوء وقت سمعت المغرب ... بلعت ريقها و خرجت متوجهة لدار عمها ...
قابلها خارج من الحمام بتريكوتبو و سربيتا فيدو ينشف بيها وجهو ...
زيرت على يدها و صاحت : اووو زاكي راك مشغول خليني نروح و كي تكمل راني نولي ...
شاف فيها ببرود و اشارلها بحاجبو للكانابي ... توجهت ليه و هيا تخزر في مرت عمها بترجي ...شاف زاكي فيماه و نطق : يما خلينا وحدنا ... عندي هدرة معاها ...
سليمة : ياوليدي بلعقل عليها مزالت صغيرة ...
زفر بغضب : يماا نهدر معاها برك ماتقلقونيش ...
عضت هبة على خدها من الداخل من الخوف ... وقت خرجت يماه من البيت مخليتها معاه ...شوية و هدر : اهيه راني نسمع وش الزبل لي جيتي معاها صباح
هدرت هبة بلعقل : راك على سمرا ..صحبت... قاطعها بعياط : زمرااا ولا سمرااا وش دخلني فجدها من وقتاه وليتي تصاحبي لي كيما هياااا ني نهدر مع جدك جاوبيني ... بلعت ريقها و خرجت صوتها بصعوبة : لالا مراكش فاهم ماعندهاش راح تقعد يامات ... جبدها من يدها موقفها معاه و قال : عاوديي ماسمعتش ... شكون لي يبقى يامات ... غدوا ان شاء الله كي نوض نلقاها راحت ... عقدت هبة حواجبها و نحات يدو بع_نف و صاحت بحدة: ماتروحش صحبتي و دارنا و ... قاطعها وقت ض_ربها بكف على طول يدو ... دارت يدها على فمها تمنع فشاهقاتها تخرج ... دخلت سليمة تجري وقفت وسطهم تعيط علبه ... خرجت هبة من تم بهدوء ... من مشيتها تعرف بلي راهي مقلقة ...غير دخلت قابلتها يماها ... لي غير شافتها خرجت تجري و هيا تقول : وشبيكك علاه تبكي ... ضحكت بسخرية و شافت فبها : و هتذي حاجة جديدة ... خويا لكبير ضربني سور كاشما درت ...ياك هذي هدرتك ... انطقي هاذا كامل من سكاتك ... اهدري دوك انطقي ...
شافت فيها يماها و ردت : زاكي مراهوش مهبول يضربك بلا سبة سور كاشما درتي ...هبة بانفعال : حابين تهبلوني علبالك علاش ض_ربتني ض_ربني علجال سمرااا وش دخلووو فهميني وش دخلووو ولا حاب يكمل لي دارو باباه ... قربت يماها تسكت فيها و هبة تجبد في روحها ...
---
سعلت و حاولت نخرج صوتي و قلت : ه..هبة سمحيلي ... لي صراا بسبتي ... تحبي نتكلم معاه ..قاطعتها هبة : ماشي نتي شافت فيماها و قالت : كاين واحدة غالطة هنا و هكاك و قعدت ساكتة ... ماتسنايش مني نسكت هاذ المرة تاني كي يجي بابا ...دخلت للبيت و غلقت الباب ... شافت الام فيا بلوم ماقدرتش تخفيه و راحت للكوزينة ...
🌸🌸🌸🌸🌸🌸🌸🌸🌸🌸
رايكم فتصرف زاكي و فتصرف ام هبة و فشخصيات الحالية عامة 💓
أنت تقرأ
كرونيك عابرة زمن
Fantasía❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
