فصل 《الهروب 》
البارت 40
فوت قبل مانبداو للدعم 🤗🍭
قراءة ممتعة🌸🌸
كانت سمراء تحاول تهدي فالحصان بعدما هاج و فقدت سيطرتها عليه ... شدت فيه بقوة وقت قفز ... لكنو مابرحش مكانو حتى طرحها من عليه ... زيرت على عينيها وقت ترد_خت فالارض بعن_ف ... حست حاجة دافية من ورا راسها ... رفدت يديها بصعوبة تتحسس فيها ... بلعت ريقها ببطئ وقت لقاتو د_م ... بزاف منا تحطينا فمواقف تساءلنا فيهم هده هي النهاية !؟ ... وقتها وعدنا نفسنا نصلحو اشياء كثيرة لو عشنا ... و كانت هي اللحظة لي تساءلت فيها سمراء نفس السؤال ... كانو عينيها يتأملو فالسما ... تشوف كيفاش السحاب يمر عليها ... ورغم انو يمر على النجوم الا انو ما قدرش يخفي لمعتهم ... حست بالعود وقت هبط يشم فيها من رجليها ... جات تشوف فيه لكن راسها ثقل فجأه ... غمضت عينيها بسرعة مستسلمة و كانو كانت تسنى فيها ...
💮💮💮💮💮💮💮💮💮💮💮💮💮
الفجر وشك على البزوغ ... مروان اقترب من الخرجة حتى انو تجاوز المغارات و المناجم ... توغل فالغابة كثر متبع البوصلة ... حس بجهامة متاجهة ليه ...عقد حواجبو وقت سمع صهيل المزاحم لي يقدر يميزو من بين الف صهيل ...
مروان بخفوت : مزاحم !!
ترجل من العود لي راكبو و قرب منو ... يمسح عليه ... و يدور في وجهو فكل الاتجاهات : مزاحم وش تعمل هنا هممم ...
بعد مزاحم عليه بعند ... بلع مروان ريقو ... يعرف حصانو كيما كفو و يعرف طباعو ... او العناد ديما يتصرف بيه بعد حالة الهيجان و التمرد لي فيه ...
مروان : ان شاء الله يطلع لي نخمم فيه غالط ...
تقدم بخطوات حذرة يحوس عليها ...كان مشا مسافة كبيرة نوعا ما ...او يمكن القلق لي ينهش فيه صورلو هذا الشي ...تمتم بقلق : اوووف كوني بخير سمراء كوني بخير ...
بمجرد ما كمل كلامو ... لمحها و هي راقدة هكاك ...جرا ليها بسرعة مايعرفش شحال و هي هكاك ...انحنى لمستواها حاط راسها على حجرو نفخ بارتياح وقت تحسس نبضاتو ..مدامش ارتياحو بزاف كي حس بسائل دافئ فوق حجرو ... ماعرفش وش يتصرف مع انو ياما تعرض لهدا الموقف ... قعدها بخفة يحاول يتفحص مكان الج_رحة ...لكن الضوء لي سطع من وراه و النداء لي رافقو خلاه يتلفت ...
غير شافو امير هتف بر_عب : الامير مروان!!
عض على خدو من الداخل حامل سمراء : مكاش وقت للكلام ...سمراء حالتها حرجة لازم نسعفوها ...
وقف امير مكانو :س...س.سمراء !!
صاح مروان في وجهو : اييه سمرااء خطيبتك ولو ماتحركناش فالحين قادرين نفقدوها ... هز امير راسو بسرعة و نطق : عندك حق لازم نروحو منا تبعني ...
مروان : اربط مزاحم !! ...قلب امير عينيه بقلق من اوامرو لكنو ماعترضش لانو مالقاهش الوقت المناسب ...راح ربطو بخفة و تبعهم ...فهداك الوقت كان مروان ثبت سمراء على العود و ركب معاها ... انطلق امير و من موراه
🌸🌸🌸🌸🌸🌸🌸🌸🌸🌸🌸🌸🌸
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
