كرونيك عابرة زمن

الفصل الرابع «عالم جديد»

فوت للدعم قبل مانبداو 💓💓
قراءة ممتعة🌷🌷

البارت 20🍭🍭🍭🍭🍭🍭🍭🍭
غير خرجو من البيت ...ضربتهم نسمة الغابة ... غمضو عينيهم لتنين باستمتاع ... بلا مايشعر قرب نيفو من شعرها ... يستنشق فريحة الياسمين لي طالعة منو ... اما هيا عقدت حواحبها وقت سمعت دقات قلبو ... دورت راسها : علاش قلبك يخبط هك... بلعت باقي كلماتها وقت شافتو قريب منها لهذيك الدرجة ... و هالمرة علاو دقات قلبها هيا ... عدل من روحو وقت انتبه لوضعهم اما هيا فلفت وجها للجهة الثانية ... كان طريق طويل عليهم لثنين ... مافاقتش للمسافة لي قطعوها من شرودها حتى لمحت النهر تبسمت و نطقت : هنا بالظبط كان الحصان ... كانو ذكر حاجة مهمة وقت ذكرت امر الحادتة ... عقد حواجبو : الجندي الثالت وين راه ... شاف فيه ببطئ : استشهد ... و دفنا الج_ثة تاعو فمكان استشهادو ...سكتت شويا تتامل الحزن لي ترسم في عينيه :ربي يرحمو.. تحب تشوفو ؟؟ ... هزلها راسو بالرفض.. و قعد فوق العشب... راحت قعدت بجنبو ... الاتنين ساكتين ... حتى حمحم هوا منهيه : وش صرا فالمملكة هنا ... عوجت فمها : جا واحد نظن حاكم المملكة الغربية ق_تل الحاكم و سيطر على المملكة ...
وجهت نظرها ليه : و نتا ؟؟ النبلاء هنا نعرفهم نتا عمري لا شفتك او وشكون تعدا عليك او وعلاش ؟؟ غير كملت كلامها هز راسو يحاول يركز : هادو كامل اسئلة ... سكت يحاول يرتب الاسئلة في راسو ... دار ليها لقاها ميلت راسها و تشوف ليه بترقب ...بلا ما يحس ترسمت ابتسامة على شفافو من شكلها ... حس بسرعة دقات قلبو .. دور وجهو للناحية الثانية يستغفر ... ثواني و رد : مانيش من النبلاء انا ولي عهد المملكة الشمالية كنت عامل اتفاق مع حاكمكم باش تولي المملكة الشرقية تابعة لينا ... قاطع طريقنا حاكم المملكة الغربية و تعرضولنا قبل مانوصلو ... ماحسبناش حسابهم ... شاف فيها وقت ضحكت على طول صوتها ... تاملها ثواني و سال : باش تغسلي شعرك ؟؟ شافت فيه باستغراب و انطلقت فدورة تانية من الضحك ... شاركها الضحك مستغرب من حالتهم ... لي يشوفهم مايقول هذو الاتنين متورطين و متخبيين ولا يقول انو تلقاو البارح...