كرونيك عابرة زمن

الفصل الرابع «عالم جديد»

قبل مانبداو فوت للدعم 🤗🌷🌷
قراءة ممتعة💜💜
البارت 15 🍉🍉
💟💟💟💟💟

تقلبت على الفراش مالقيت حتى واحد ...حكيت عينيا و تفحصت المكان ... كنت انا برك ... مكانش أثر لهبة ... نضت نتاوب .. غير حليت الباب قابلتني الخالة تنقي فالجلبانة غير شافتني تبسمت و صبحت عليا : صباح النور ... رديتلها الابتسامة و التحية  : صباح الخير شحال الساعة ... سكتت شويا و ردت : الحداش غير ربع ..
حليت عينيا على وسعهم و صحت : رقدت بزاف لوكان نوضتيني ...ضحكت بخفة و قالت : سور تكوني عيتي قلت نخليك ترقدي ... وش كنت حنقولك روحي شوفي زاكي يسحقك ... قبل ماتروحي تلقاي فالحمام حوايج خلاتهملك هبة ... تبسمت معاها و توجهت للحمام غسلت وجهي و بدلت حوايجي و خرجت ... غمضت عيني كي لفحتني نسمة الهوا الباردة ... ترسمت صورتو بين عينيا ... بسرعة مسحت الدمعة لي طاحت .. مانقدرش نكدب غلى روحي ... نحبو ... حبو جزء مني .. مانقدرش بين ليلة و نهار نمحيه ...ولا نتخلى عليه .. كاش واحد يقدر يتخلى على قلبو ... لالا ... و هوا قلبي ... رغم هاد الشي مراحش نولي ... حنعيش على ذكرياتو ... فتحت عينيا .. كي سمعت حمحم ... قابلني مطلع حاجب كانو يسقسي فيا ... تنهدت بتعب و رحت قعدت قدامو ساكتة ..مرت الثواني و حنا ساكتين ... شويا و قطعت هاد الصمت : علاش ناديتلي؟ ...
رد عليا بلا مايشوف فيا : علاش كنتي تبكي ؟.. ميلت راسي و رديت : النساء أولا ... سكت شويا و سألني : وش تخمي تعملي ... دخلت يدي في جيبي بحماس و اعطيتلو الورقة لي كتبتها البارح ...عوج فمو و هوا يقرا فيها
..شاف فيا و هدر : لازملك خدمة بزاف .. اول حاجة لازم تتعرفي على المجتمع ديالنا اومبعد نشوفو مع لوخرين ... شفت فيه و قلت بااستجواب : حتعاوني ؟! ...خربشلي شعري  : همم حنعاونك .. بصح باش نكونو واضحين من لول ...لازم نعرف وش لي خلاك تجي لهنا ... ماشي ساهلة تخلي بلادك ... مابالك بزمانك ... و زيد علاش كنتي تبكي ... شفت فيه و تنهدت ..سكت شويا نحاول نلقى الكلام المختصر المفيد و جاوبتو : تقدر تقول الانسان الوحيد لي وثقت بيه... الوحيد لي كانت يربطني بهداك المكان ... خاني ... صعيبة يازكريا تتخلى على كلش في حياتك علجال شخص تخلى عليك في أول فرصة ... الانسان لي حبيتو من قلبي ... و تحديت كلش علجالو ...تحديت حتى مبادئي في خاطرو ... نهار عرسي خان حطيت يدي على فمي نمنع شهقاتي ... ماحسيت غير بيه معنقني ... شديت على يدي بقوة و جبدت روحي منو ..و قلت : انا ضعيفة ...ضعيفة بزاف ... هوا فرحان و بلاك راو يستنى فمولودو الاول ..ضحكت بإستهزاء و كملت : و انا ماجازت حتى ثانية و ماخممتش فيه حتى في نومي ... عييت ... وقف و امرني : ايا نوضي نروحو نشرو حوايج ... شفت فيه باستغراب كمل يهدر : هبة كي تزعف مني ترضى غير كي نخرجها تشري حوايج ... تبسمت عليه و قتلو : هايا مالا و منها تعرفني على البلاد شوية ... زاكي : استناي نبدل حوايجي تمتم و نجي ... هزيت براسي و رحت نستأذن من الخالة ...