فصل 《الهروب 》
البارت45
فوت قبل مانبداو للدعم 🤗🍭
قراءة ممتعة🌸🌸
ميل مروان راسو : ماشي قضية اهتمام ...رد جميل ... مانظنش انك تعرفو على كل حال ...
خرج متجاهل صياحو ... لقا سمراء تسنى فيه برا ..
قدام العود ...
تقدملها : يالله اركبي .. هزت راسها و ركبت ...شافتلو باستغراب وقت حط رجلو باش يركب هو الاخر ... و نطقت : تركب معايا ...
كمل امتطى الحصان حط يديه على الحزام و نطق : و نخليك تروحي وحدك ... بعد لي صرا البارح مستحيل تركبي حصان مرة تانية ... عقدت حواجبها : نعرف للفروسية على فكرة ... تنهد و نطق : قلقتيني عليك البارح سمراء ... دق قلبها من كلامو ... دارت ليه شويا : ماراحش تبقى معايا عمرك كامل .. سكتت شويا و استرسلت : ظهرت صح ولي العهد للملكة الشمالية ... مزاد ولا حرف على كلامها ... حاب يتاكد قبل من اقوال امير و بعدها يقرر اذا ياخد هطوة فعلاقتهم ولا لالا ...
توقف امام وحد المغارة ... و نزل مدلها يدو ... حطت يظها فيدو و قفزت ...
تنهدت : وش هي خطتك ...
عوج فمو و نطق بتلقائية : ماتعودتش نشارك الخطط دياولي ...
عقدت حواجبها و ردت باستهزاء : اووو يعني ماديريش فيا تقة بطريقة غير مباشرة ...
مروان : وش دخل التقة فهدرتنا ...
كانت مربعة يديها تشوف ليه بجمود ...قلب عينيه منها : يعني دايرة في بالك انو راح نقولك لو شفتي فيا هكا ...
تبسمت معاه ابتسامة صفرا .. قرصها من نيفها : مانوصيكش على روحك ...
امتطى الحصان و اختفى من مرمى نظرها
بعد مدة معتبرة كانت مقابل القصر ... ترجل من حصانو و قرب من الحارس و نطقبصوت اجش : حاب نقابل الحاكم غيلاس ... ضحك الحارس باستهزاء : اوامر تانية ... شافلو مروان ببرود : قولو ولي عهد المملكة الشمالية مروان حاب يقابلك ... تاملو الحارس تواني و هز راسو ...
بعد ماجازت ربع ساعة كان رجع ...اشار لرفيقو فالحرس باش يخليه يدخل ... تمشى مروان بخطوات واثقة ... ماشي خايف من لي جاي ... غير دخل على غيلاس ... ضحك التاني بهمجية و هدر : ههههههههههههه ظهرت صح محارب ولي العهد مروان ...
مروان بهدوء : نعتبر هدا اعتراف صريح بجري_متك ؟! ..
توقف غيلاس على الضحك : وش مبتغاك ... علاش جيت عندي ...جيت عند المو_ت برجليك ...
مروان : وش تسمي تصرفك ... جرأة ولا تهور ...
قلب غيلاس عينيه : بلا مواعظ و محاظرات ... تقدر تسميه تمضية وقت ...
شافلو مروان بقرف : بعت خبر للمملكة الشمالية و الجنوبية بلي صرا محاولة اغتيالك ليا و اغتيالك للحاكم المملكة الشرقية و استيلاءك على مملكتو ... نتا انتهكت امن الممالك الاربعة و مسيت بوحدتهم و هدا الشي مايتساتمحش عليه ...
غيلاس بجمود : يعني ! جاي تخبرني وقتاش موعد موتي ...
مروان : مازال ماتخدنا قرار ... راني نخبر فيك كيفاش مضيت وقتك ... على كل ... رامي نحوس على وحد المرا ...
عقد غيلاس حواجبو : مرا ...هههههه اااه يا مروان ..الشي لي يعجبني فيك انك شجاع و جريئ... من جيهة تبلغني بفرمان مو_تي و من جيهة تسالني على مرا ... و بما اني نحب هدا الطبع فيك فراح نعاونك ههههههههه لكن نحب نقولك حاجة قبل ..
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
