فصل 《الهروب 》
البارت 44
فوت قبل مانبداو للدعم 🤗🍭
قراءة ممتعة🌸🌸
دخل عندو يتمشى ببطئ ... غير وصل عندو تكلم ..
مروان : راح نعقدو اتفاق ... ام سمراء مقابل انك تعترف باخطائك و نكملو واش جينا نعملو من الاول ...
شاف فيه امير يحاول يقرا الهزل من ملامحو ...لما مالقاهش ضحك بقوة
امير : ههههههههههههههههههههه ...هههه مافهمتش ...
تبسم معاه مروان : نفهموك ... راح تطلق سراح ام سمراء و فالمقابل انا راح نعطيك فرصة تعترف بأخطائك بالاضافة الى انو راح ندخل المملكة الشرقية تحت حمايتي كيما كنا متافقين مع المرحوم عمك ...فهمت ولا مزال استيعابك ثقيل ...
عوج امير فمو بإستهزاء : ولاا ...
عاود مروان نفس الكلام باستفسار : ولاا؟! ...
امير : واذا ماقبلتش و ماعجبنيش اتفاقك وش راح تعمل ...
رسم مروان علامات التفاجئ و صاح بنبرة مفتعلة : اوووووه امير توقعت تكون اذكى من هكا ... الصراحة كل مرة تفاجئني بغبائك ... جهد شخصي ولا وراثة ؟!
قلب امير عينيه بتقلاق و قرر يتجاهلو ... عوج مروان فمو : السكوت علامة الرضا ... ..
هز امير راسو : مستحيييل نقبل و لو على رقبتي ...
تنهد مروان بتعب : صحا ... راح نكون حضاري اكتر ...راح نطرح عليك اسئلة و المكافأة ختك نورهان لانها في ضيافتنا هده الفترة ....
امير: ياكلب ... وش دخل نورهان فالوسط ؟؟؟ خليها خارج الموضوع ماتتحاقرش لهده الدرجة ...
مروان : صدقني اذا كانت فالحقارة فقدما تحاقرت مراحش نكون قدك ...اطمن واحد مايخدلك مكانك في هدا المجال ...السؤال الاول غيلاس شحال اعطاك ماتفهمش سؤالي غلط !! نتا انسان رخيص مفروغ منها لحقت تقتل عمك علجال السلطة ... بصح على حسب وش سمعت انك تحب سمراء و انها خطيبتك ... و سمعت انو غيلاس ...
زير مروان على يدو مكمل : حابها كجارية او بمعنى اصح بائعة هوى ...
ضحك امير بخفة : و شكون قالك اصلا انو غيلاس لي يحوس عليها من اصلو ... انا لي نحوس عليها و استعملت غيلاس كواجهة ...
قعد مروان امامو : نفهم منك انو نتا لي خطفت امها ...
هز امير راسو : ولا انا لي خطفت امها ...امها راهي فالقصر برضايتها ...معززة مكرمة ... و اخترعنا هده الكدبة باش نجيبو سمراء و نتزوجو ...
مروان بتفكير : اممم معنتها امها مشجعة زواجكم ...
سكت ثواني و نطق ... مروان : مستحيل تكون بهده الدرجة من الغباء
امير : وعلاش مهتم بسمراء لهده الدرجة ؟!
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
