فصل 《التكيف 》
البارت 36
فوت قبل مانبداو للدعم 🤗🍭
قراءة ممتعة🌸🌸
زير زاكي على يدو ... عينيه لمعو بدموع ... هما لي وصلوه لهذا الشي ... عمرو لا لقا واحد فيهم معاه ف مشاكلو و هو لي ديما واقف معاهم ... لو لقاهم ماكاش راح لهذا الميليو ...و دوك نفس الشي ..واحد فيهم مايشوف الجهد لي راهو يبدلو باش يحبس لادروغ .. يعرف بلي عندها حق في هدرتها كام بصح هبة !! ... هبة ياذي روحو و مايآديهاش ... و لو اذاها ..ياذي روحو اضعاااف..كلما يرفد يدو عليها ينتقم مم روحو بالمخدرات ... يعرف انو غالط بصح راهو يحاول يغير من روحو ... تنهد بيأس ... نهاية حبو تسطرت و تكتبت قبل ماتبدا ... و لي صعيب انو كان يعرف انو راح تخلاص هكا ... و مالغري سا كان ديما عندو امل ... تمتم : خلاص هنا تخلاص حكاية هبة ... ماراح يولي بيني و بينها والو من غير كلمة السلام ... مسح دمعتو لي طاحت ... و ماصعبها دمعة الرجال ... جبد قارو يتكيف فيه ... فالنفخة الثالتة سمع صوتها تناديلو بخفوت ... ماحبش يدور ليها ... حس بيدها وقت تحطت على كتافو ... تنهد و نحاها و بمنتهى البرود نطق : غير الخير مالغري نتي مايجيش من عندك خير ...
بلعت اهانتو ليها و ردت ..
هبة :زاكي لازم نحطو نقاط على حروف و نهدرو علبالي بلي غلطت اليوم علابيها جيت نطلب منك السماح انا غرت برك ...
نفخ بجنب كاره ... كلام مرت عمو يتعاود عليه
...قال بملل : تععرفي كرهت من مشاكلك و حكاياتك لي مايخلاصوش ... ادي حكايتك و روحي يرحم باباك ... خليني نعيش حياتي ألاز يا ***
طبعها بخفة و دخل لدارهم مخليها غايصة وين كان واقف ...عيونها محلولين على وسعهم ... كلامو جرحها ...كسرلها قلبها ... عمرها لاتخيلت يقوللها هكا ... و بلا ماتحس سالو دموعها ..تعرف انو مراهوش في عقلو من احمرار عينيه ...بصح الواحد فهديك الحالة يقول الحقيقة ... و هي ماشي قادرة تتقبل حقيقة اانو زاكي كره منها !!
قعدت على ركايبها و دارت يدها على فمها تمنع صوت شهقاتها يخرجو ....
دقائق و سمعت اذان الفجر ... تقوات على روحها ...لازم توقف دوك تجي يماها و تشوفها هكاك و هي مراهيش حابة ... مسحت دموعها و توجهت للحمام تتوضى ...
تلاقات مع سمراء فالطريق تمسح فاثار النعاس ... كملت طريقها مباشرة .. صلاة صلاتها ... و دخلت تحت الفراش مغطية راسها ...
💌💌💌💌💌💌💌💌💌💌💌💌💌
ناض صباح ربي ...حاس راسو راح يطرطق ... غسل وجهو بما بارد ... دا قهوتو و راح يشربها برا ... مذكر مليح حديتو مع مرت عمو ... و مذكر انو هبة جات لعندو اما فواش حكاو او وش صرا ... تمسح كليا من راسو ...ان شاء الله برك مايكونش كاشما خلط فالهدرة ولاا ...
سمع صوت سمراء تصبح عليه ...
سمراء : صباحو ...
هز براسو و كمل يترشف من القهوة تاعو ...
سمراء: هممم مزاجك ماشي فمحلو ... انا قلت وقت تهدر معاك هبة يتعدل ...
دار ليها باهتمام يسأل : وش تهدر معايا ؟!
عقدت حواجبها :ماهدرتش معاك ؟!
زاكي : لالا هدرت ..بصح ماكنتش فعقلي ...
تنهدت سمراء : هبة غارت من علاقتنا و دارت في بالها بلي راح نديلها مكانها عندك علابيها انفعلت هكاك ...
مسح على وجهو : اوووف مانيش مذكر ..ان شاء الله مانكونش زبلتها مع فالهدرة ...
تبسمت سمراء : ماتقلقش روحك كي تجي عشية اهدر معاها ...
هز راسو مايد كلامها : عندك الحق ...اهيه وين حبسنا المرة لي فاتت فالحكاية ...
تبسمت بحزن : وقت رحت لامير ...
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
