فصل 《التكيف 》
البارت 29
فووت قبل مانبداو للدعم 🤗🍭
قراءة ممتعة🌸🌸
كانو قريب يدخلو للحومة... نطق زاكي : سمراء بلا مانوصيك ماتقولي لمليكة والو لانها مراحش تصدقك متافقين ..هزتلو راسها : متافقين ... غير دخلو للحومة لمحو هبة تحكي فالتلفون و من شكلها تستنتج انها منفعلة ... بخطوات سريعة كانو وصلو عندها
هبة : يا بابا قتلك لالا الصحراء لالا تعرفني مانيش تاع صحراء والله ندوب ...سكتت تسمع في ردو ..هزت راسها بيأس و ردت : انا مراحش نوافق و هدا قراري الاخير و نتا اعمل لي يريحك بصح ماتستنى مني والووو
مجرد ماكملت هدرتها كوبا عليها ..
شافت بتفاجأ وراها وقت هدر زاكي : وشبيه عمي ..
ترسمو على وجها علامات الياس : حابني نخدم فالصحراء ... قالك يخلصو مليح ... والله غير نمو_تلو ف الدقيقة لي نوصل فيها ...
دق قلبو بع_نف من كلامها ... شرد يخمم فهده الاحتمالية ... حس باخت_ناق من الفكرة ... حل قفلة القمجة و نفخ خدودو مخرج اكبر قدر من النفس ... ضيقت هبة عينيها فيه وقت ضربها نفسو لوجها ... و سألت : وين كنتو ؟؟ حلت عينيها بتذكر : سمراااء وش ديري مع هدا ... نسيت كامل بلي مرانيش نهدر معااك ...
وجهت نظرها لسمراء : و نتي ياخاينة حسابي معاك اومبعد ...طلعت بلا ماتسمع اجابتهم ...
شافت سمراء فزاكي و هدرت : لازم تصالحها ...
حك زاكي رقبتو : علبالي و انا نعرف كيفاش نصالحها اطلعي للدار نتي ...ياك شافية عليها ؟!
قلبت عينيها و صاحت : واقيل صدقت اني فقدت الذاكرة و طلعت مخلياتو ...
زربت فخطواتها باش تلحق بهبة ... غير وصلت لعندها جبدتها من يدها : هبة ! صح زعفانة مني ... ربعت هبة يديها و نطقت : وش كنتي تعملي معاه ؟! ماشي المفروض هو عدونا ؟!
هزت سمراء راسها بالنفي : لااا ...هو كان مجرد سوء تفاهم ... و حليناه ... كي عرف روحو غالط لقالي عمل و داني للمول ... بلعت هبة ريقها : معنتها زاد داك للمول الخاين و انا يهدر معايا بتشناف ...
سمراء بمقاطعة :لااااا هو قالي انو راح يصالحك بطريقتو ... لمعو عينين هبة بالحماس : صح !؟؟
هزت سمراء راسها بالايجاب ...صوطات عليها هبة معنقتها ...
سمعو صوت يناديلهم من الفوق و ماكان الا صوت ام هبة ...الخالة سلمى
كملو طلعو الدروج ... غير وصلو للطابق وين تقطن عمتها ... لقاو شاب متكي على الحيط ...
كان شاب بشرتو قمحية ... شعرو كيرلي و مجعد .. عينيه ناعسين ... و من جسمو تعرف بلي رياضي ...خاصة و هوا لابس سروال سورفات و تريكو مزير على لحمو مفصل كل عضلاتوو...
دارت هبة يدها على فمها : ربيييع !! وقتااش جيت ..
ماخلاهاش تكمل هدرتها و خسرلها شعرها ...و من سؤال و جولب فتحو عدة مواضيع ناسيين وجود سمراء ...
انسحبت سمراء من وسطهم بهدوء و هيا تتفكر حديث هبة على عايلتها ... و انو وليد عمتها وسمو ربيع و هدا مايكون غير هوا
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
