فصل 《التكيف 》
البارت 32
فووت قبل مانبداو للدعم 🤗🍭
قراءة ممتعة🌸🌸
حطت الخالة سلمى وش كاين في يدها و نطقت بهدوء : شوفي سمراء ... سليمة من نهار خلاها راجلها و هيا متعلقة بولادها هكا ... يعني اعذري هدرتها... و نتي راكي امانة في رقبتي حتى نهار ترجعلك الذاكرة ... و لي مانحبوش لبنتي مانحبوش ليك ....اما زاكي فراهو وليدي و اعز و ربي شاهد عليا و على كلامي بصح مانتمناه لحتى وحدة خاصة واذا كانت في مقام بنتي و امانة في رقبتي ... صح راجل و عليه الكلام بصح عيبو لادروغ و لادروغ ماعندهاش حل علابيها سقسيتك ...
شافت فيها سمراء مدة تخمم ... قدرت تعرف من هبة انو لادروغ هي مخدر و عندها خلفية على هدا الموضوع فعاطية الحق للام من هذا الجانب ... نطقت بلاما تحس : يعني لوكان يخطب هبة ماتقبليش ؟!
ضحكت الام باستهزاء :ياحصراااا وين رحتي نتي ... ههههه يعطيك الربح ... زاكي و هبة خاوة ... و شفتيهم كيفاش نهار كامل و هما كي القط و الفار ... فالصح قوليلي هبة و ربيع ... صح راهي مخشنة راسها ... كلما نلمحلها عليه تبدل موضوع بصح مرجعوها ليه ... و حتى هوا باين يحبها ... راو جابلها تلفون تعرفي شحال يسوى و شحال غالي ..كانت سمراء تسمعلها باستغراب .. وقت كملت هدرتها ... هدرت سمراء : بصح مراهمش خاوة ... و اذا حبو بعضاهم معقول توقفو ضدهم علجال هدا السبب ..
شافت فيها الخالة سلمى بجدية و سالت باستجواب :علاش راكي تهدري هكا ؟؟ كاشما كلين بيناتهم و هبة قاتلك ...
هزت سمراء راسها بالنفي : لااا والله قلت برك انا
وقفت ام هبة و معاها الاناء : على كل مكاش دخان بلا نار و الحكاية اكيد راح تبان
💌💌💌💌💌💌💌💌💌💌💌💌
عندك زاكي لي هبط عند ليفرور و دا من عندو التلفون لي كان ناوي يصالح بيه هبة ... بصح كل امالو طاحت فالما وقت هدر مع سمراء ... شاف ربيع جاي من جيهتو ... ماكلفش روحو حتى يتبسم معاه .. عنقو ربيع باشتياق ... عكس زاكي لي كان بارد فترحيبو ... غير جبد ربيع روحو سقساه زاكي : علاش جبت تلفون لهبة ...
قلب ربيع عينيه منو : راو بدااا زاكي ماتكونش معقد و بزيادة كيما راهي بنت عمك راهي بنت خالي ... ديجا نقولك طيرتهالي كامل والله ...اقعد فيها وحدك ...
زير زاكي على يديه و هوا يراقب فيه ... كي اختفى من مرمى نظرو ... خبا التلفون فجيبو و توجه لمكان عملو ... السيبار ...
أنت تقرأ
كرونيك عابرة زمن
Fantasia❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
