فصل 《التكيف 》
البارت 25
جام قبل مانبداو للدعم 🤗🍭
قراءة ممتعة🌸🌸
نهاية الفلاش باك
مسحت دموعها بخفة .. حنات راسها باش تخفيهم ... عزت على زاكي بزاف ... حسها مجروحة ..مقيوسة ...بالاحرى ضايعة و ماشي فاهمة مشاعرها من شي لي صرالها ... حمحم صوتو و هدر : كاين حمام للنساء قبالة تلقايه تحبي تغسلي وجهك ... هزت راسها و توجهتلو ... دخلت تستكشف المكان بعينيها ... حلت العين تغسل في وجها ... غير طلعت راسها قابلها فالمراية ... شهقت بصدمة و التفت ليه بسرعة ... عينيها يحومو عليه ... دارت يدها على فمها بدهشة ... ماحستش على دموعها كي بداو يطيحو ... حاسة رجفة مشات على طول ظهرها ... همست بخفوت : م..ممروان ... كان الثاني مضيق عينيه فيها ... قرب منها بخطوة ... هبطت راسها تبكي بشهقة تعاتب فيه : علاااش درت فينا هكا ... هان عليك حبنا ... تبسم التاني بجنب : جامي هان و جامي حيهون ... حط يدو على كتفها يهدي فيها : اششش كلش حيكون بخير ... طلعت عينيها ليه و ميلت راسها
سمراء : حاجة مراح تكون مليحة ماتكدبش عليا و على نفسك ... لي بيناتنا صعب ...صعب يتصلح ...
حط يدو على خدها يمسح بابهامو عليه : ماتهدريش تقول ماتعرفينيش ...سكت شويا و كمل : هايا نروح للفيلا و نهدرو ... غمضت عينيها مليح تعصر فيهم من الدموع ... هذه المرة وقت تلاقاو عينهم ماحستش انو ضاعت فيهم ... كاين حاجة ناقصة فيهم ... ماشي هدا مروان لي حباتو ... كيفاش !! ...هوا بشحمو و لحمو امامها ... عينيه ... او موطنها الدافئ ...لي وقت تشوفهم شعور الانتماء يتغلغلها ... البيت لي مهما بعدت عليه تلقى روحها فكل مرة توليلو ... اليوم حسسوها انها غريبة ...فراغ خوفها فيهم ... عقدت حواحبها و سالت بنبهة ..
سمراء : وين ...
تبسم بوسع : للفيلا ...
بمجرد ماسمعت وش هدر دفعاتو عليها ... زاربة فخطواتها ... غير فتحت الباب ...تحطت يدو عليها ...
بعدت يدها و ضرباتو بالمرفق ديالها باقوى ماعندها ... شد نيفو من قوة الضربة لي تلقاها ... خاصة انو جاتو على غيلة ... دارت على صوت زاكي وقت صاح باستغراب : سمراء !! وش راكي ديري فتوالات تاع رجال ...
جرات ليه تحاول تشرحلو : انا ..انا شفت مروان الداخل ... شفتو نقسملك انو شفتوو.. لكنو ... لكنو غريب غريب عليا ... عينيه .. ماشي هما ...كاين حاحة متغيرة فيه ... وقت شافتو خرج صاحت : هاوليك شوفو ...اما الثاني غير شافها تاشر من جيهتو خاف و هرب ... جات سمراء رايحة موراه .. منعها زاكي : سمراء ...حبسي هداك ماشي مروان ...هزت راسها بلالا : هوا هوا انا شفتو ...
صاح زاكي بحدة ...وقت جدبت انتباه الباقيين بعياطها : سمرااا مجرد تشابه و امشي قدامي للدار جات تحكي قاطعها : للدار
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
