فصل 《2023》
قبل مانبدوا فوت للتشجيع🤗🌸
قراءة ممتعة☘🌼
البارت الثامن🌸☑🌸☑🌸☑🌸☑
ثواني و جات تلهت : ديزولي على روتار مي سنييت بلي ني خارجة هايا نروحو ... اممم وش رايك وين نروحو ...وقت الفطور نروحو نفطرو برا ...نهدر بزاف ياك علبالي ... عوجت فمي و قلت : معليش تحكي بالعربية نص كلامك مش مفهموم ...تبسمت معايا ابتسامة صفرا و خرجنا ...
سكت شويا نتأمل ف الناس ...حسيت روحي غريبة ... او هما لي كانو غراب ...شدتني من يدي و قاتلي بهمس: ششش حبسي ماتشوفي فيهم هكاا ... تقول عمرك ولا خرجتي للزنقة ...رددت موراها : زنقة ... قلبت عينيها و قالت : اااه ياربي معامن راني ...تبسمت و قلت : سمراء ... تاملتني ثواني و تبسمت : اسم شباب و انا هبة ... هزيت كتافي و قلت : متشرفين .... صفقت بيدها و قالت بحماس : اهييه وين نروحو دوك ؟؟ ... عضيت على شفتي و قلت : مانعرفش وين تحبي ... هبة بتفكير : اممممم وش رايك نروحو لدارنا باش نكونو ألاز ... سمراء بحيرة : كيفاش ؟؟ هبة بملل : اهه ياربي قصدي براحتنا .... سمرااء : اااه فهمتك معنديش مشكل اصلا ماعنديش مكان نبيت فيه ... حلت هبة عينيها هلى وسعهم و قالت : اووو علاه ماقتيليش بصح مايبانش على حوايجك وو اااه هاو الطرولي اجري اجري نلحقو بيه ... سمراء بحيرة : طرولي ... هبة بمقاطعة و نفاذ صبر : ياو اجري برك يهديك ربيي ...
###: هايا تافورة تافورة ...تطلعي ختي ؟؟ ...
هبة بزربة : اييه اييه حبس ...
###: مراد حبس حبس ...هايا اجري الاخت رانا غالقين طريق ... مدلها يدو شدتها تمتم و جبدت معاها سمراء لي كانت شاردة في شكل البوس ... و علامات الخوف على وجهها ... حطت هبة يدها على صدرها ترد فالنفس ... ضحكت على ملامح الذهول لي في وجه سمراء و قالت : هههه والله ياسمراء تباني هربتي من العصر ماقبل الحديث وشبيك اا بنتي جامي شفتي طرولي هههه ... سمراء بجدية : اول مرة نشوفو يشبه للعربات ... اختفت ضحكة هبة تدريجيا : هههه..هه...ه نتي راكي جدية ؟؟ هزت سمراء راسها و قالت : بالاك وش حنقول يجيك ضرب من الجنون و لكن صحيح ...انا ...هبة باستعجال : واش ... انطقي ... سمراء بتردد : ماننتميش لهاذ الوقت ... سافرت عبر الزمن ... تقدري تشوفي حتى فستاني او المجوهرات لي معاه ...حتلقايها حقيقية ... هزت خبة راسها اكتر من مرة ...شافت في سمراء لي هزتلها راسها تاكدلها وش سمعت ... بلعت هبة ريقها و قالت : اههه فهمتك فهمتك حكت شعرها و قالت : سمرااء ... شكون داك لدار خداوج ...شكون عاونك تهربي ؟؟ عوجت سمراء فمها و قالت : هربت وحدي العم سليمان عندو اشهر و هوا يخدم على هاد الاختراع و للاسف ماقتلوش ... طلعت خبة حواجبها و قالت : امم قوتيلي العم سليمان ... لالا نتي راح تعاونني بزاف ... صحا عندك باباك يماك ...ابتسمت بحزن : بابا متوفي و امي ...امي تخلات عليا ... هبة ببكاء : اااه ياربيي ... دوك انا وش نديير نديك للسبيطار المهابل ولا نرجعك لمايو وش نديرر ... عقدت سمراء حواجبها و قالت : نتيي ... نتي مراكيش مصدقتني ... شافت فيها و هزت راسها بشفقة على حالتها .... حلت سمراء عينيها على وسعهم وقت تفكرت البوصلة و قالت : البوصلة البوصلة وين راهي هي الدليل ... العم سليمان كتب تاريخ صنعها .. شافت فيها هبة باهتمام و قالت : البوصلة ؟! قصدك هاذي و خرجتها من وحد الكيس ... خطفتهالها سمراء بزربة و قالت : هادي هيا شوفي ...تاملتها هبة بقلق و قالت : تعرفي لوكان يكون كلامك صح انا لي راح نهبل ...
أنت تقرأ
كرونيك عابرة زمن
Viễn tưởng❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
