فوت قبل مانبداو للدعم 💓🌸
قراءة ممتعة 💜💜
البارت 10🌸
دخلو يمشو بكل هدوء كانت حومة شعبية بامتياز و بما انو كانت الوحدة ... تلقا نص الجيران مقليين(راقدين ) ...
فالجيهة المقابلة ... كان هداك وين ناض ... دا قهوة كحلة و خرج من دار ... تقابل معاهم فالخرجة ... شاف فيهم من الفوق للتحت ... بلعت هبة ريقها بخوف و زيرت على يد سمرا جابتها بجيه ... ميل راسو يشوف فسمرا من لفوق للتحت يقيم في لبستها ... تخبات سمرا بخوف من خزراتو ...تبسم باستهزاء و قال بصوتو الخشين و المبحبح من اثر النعاس... : عندنا هدرة معاك اومبعد هبة ... و تجاوزهم بخطوات رزان ... غير خرج زفرت بارتياح و شافت فسمرا لي مزالها خايفة : ههه ني لقيت وحدة تخافو كتر مني ... بلعت سمرا ريقها و سالت برجفة : ش شكون هاذا ؟؟ ... تبسمت معاها هبة و ردت : خويا زاكي ...عقدت سمرا حواجبها : خوك ؟؟ ماشي قلتي صغير عليك ... خبطت راسها : في عوض خويا ...وليد عمي هوا ... مي كلمتو لي تمشي هايا نطلعو و نزيد نفهمك ...
💟💟💟💟💟💟💟💟💟💟💟طلعنا الدروج و حبسنا فالطابق الاخير ...لي كان السطح ... و كان فيه زوج بيوت ... تقدمت هبة لواحد فيهم و حلت الباب بلعقل دارت ليا و قالت بهمس : اشش ماديريش صوت راهم راقدين ... هزيت براسي و تبعتها ... كان بيت متواضع ... فيه بيت و صالون و كوزينة و الحمام كان فالخارج و كان مشترك ... كانو زوج نسا راقدين فالصالون و تلفزيون شاعل ... تقدمنا للبيت غير دخلت نطقت هبة : دوك نولي ... ماهي دقائق و كانة ولات و في يدها زوج خبزات محشيبن ... حطيت يدي على كرشي و قلت : باش محشي هاد الخبز ... غلقت الباب و قالت : خبز محشي هههه لالا اسمو كاسكروط ...طلعت حواجبي و تبسمت معاها بتكلف ... قعدت قدامي و قالت : نبدا انا ولا نتي ... هزيت كتافي و قلت ابداي نتي ...انا حكايتي طويلة ...هزت راسها و قالت : شوفي يابنتي ... دوك حنا 3 عايلات عايشين فهاذ الباطيمة ... حنا و عمي و عمتي ... عمتي تسكن فالايطاج لي تحتنا ... و عمي الدار لي معانا ... يعني بكري جدي و ماني كانو يسكنو فدار عمي و بما انو هوا لكبير دا دار لكبيرة و حنا دينا الدار هاذي اما عمتي فتزوجت مع وليد الجيران ... كي مات جدي فحادت .. عمي لكبير دا كامل الورث و عاود الزواج و سمح في عايلتو لي هنا و دوك مانعرفو عليه والو ... الحمد الله لي هداه ربي و ماحاوزناش منا ... اما بابا فراهو مع ماني لي مرضت كي مات جدي و بابا هوا لي يسافر معاها لصحرا ...
لي راهم فصالون ماما و مرت عمي يمات زاكي ... اممم شوفي كاين انا و خويا برك ... و عمي عندو زاكي و رانيا ... زاكي 27 سنة هوا متحمل مسؤولية ديالنا ... ولا راجل دار كيما نقولو ... كامل نحترموه و نخافوه و كلمتو هيا لي تجوز ...خرج من المسيد فعام الباك ... باش يخدم مي للأسف خرج طريق او ولا يدروغي بصح مالغري سا ... هوا لي قايم بدار .. و رانيا 20 سنة ... اما عمتي عندها 3 بنات اميرة 25 سنة تخيط ... ماتحبش تقراا ... مليكة ..24 تبيع الحوايج لي تخيطهم ختها ..ميرال 22 سنة مزالها تقرا ... و اخيراا ربيع 26 سنة ... يعرف يلعب بالون برك ... وخلاص ...
بلعت وش كنت ناكل و نطقت : بالرغم اني مافهمتش نص كلامك لكني فهمت المطلوب ...
ضحكت و قالت : هايا دالتك ... اووف قصدي دورك ...
تنهدت بحزن و قلت : خليني نختصرلك ... انا و ولي العهد عشنا قصة حب قوية ... بالرغم من كلش اختارني و ماتخلاش عليا ... تحدا كامل الناس علجالي ... و كان كتب كتابنا اليوم ... غمضت عينيا و قلت : للأسف كنت مخدوعة فيه انا صدقتو من بين كامل الناس صدقتو هوا برك ... و ليوم نتفاجئ انو راح نكون زوجة ثانية ... فقط ... لا حب و لا احترام ... مسحت دموعي و عضيت على شفتي السفلى نمنع شهقاتي ... لي زادو وقت عنقتني هبة ... زيرت عليها و قلت : حاسة قلبي يوجع ... و يحرق ... علاه يتمني مرة تانية ...صدقيني هبة انا ولا شي بلاه ...
طبطبت عليا : علاش ماواجهتيهش ... هزت راسي بنفي و قلت : ماحبيتش نشوف الشفقة ف عينيه ...صعيب شعور الخذلان ...صعيب لدرجة اني غامرت بالهروب منو بهاذ الطريقة
هبة : ماعرفتش وش نقول ... على حساب المسلسلات و التاريخ السلطان يتميز بجواريه ... سمحيلي و لكن استغربت غيرتك هاذي عليه ...
تنهدت و قلت : صح عندو جواريه ..اما من نهار اعترفلي بحبو متلمس حتى جارية تبسمت باستهزاء و قلت : اذا كان وش نعرف صحيح ...
هبة : ماتعبيش روحك ... ارقدي و مع ليامات نلقاو حل ...
عقدت حواجبي و قلت : حل ! الحل الوحيد اني نتكيف مع هاذ الزمان لانو حنستقر هنا ...💟💟💟💟💟💟💟💟💟💟💟
زعما تقدر سمراء تتكيف مع العالم الجديد هذا و الاهم راح تقدر تنسى السلطان ..
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...