فصل الثالت«الاستقرار»
فوت للدعم ✌️🌸
قراءة ممتعة🍭💜
البارت 12
تنهدت و خرجت متوجهة ليه قابلني يتكيف ... باين من شكلو انو سمع الشج_ار ... غير سمع خطواتي واجهني و تافأف ... تقدمت منو بخوف و قلت : تسمحلي من وقتك ... شاف فيا و قيمني من لفوق للتحت ... و بانت على وجهو ملامح الاستياء ... زيرت على يدي و هدرت : ماتلومش هبة على كلامها ... صدقني هيا تحبك ... شاف فيا باهتمام ... كملت : باين من كلامها صباح عليك ... و مانيش حابة نكون سبب في شج_اركم ... غدوا ان شاء الله نغادر ... حبيت نعرف علاه ردة فعلك كانت ع_نيفة هكا ...و انا اول مرة نشوفك ...
مسح على وجهو و سال : منين تعرفيها ..
تبسمت نرد : من المستشفى اليوم تعرفت عليها ... مدينة ليها بحياتي ...لولاها لا كنت فالشارع ... مانعرف عليى ولا شيء ...
طلع حاجب و قال : تعرفتي عليها ليوم و تقول عليك صحبتي ؟؟ هزيت كتافي و جاوبت بتلقائية : باش تدخل لقلب واحد ماشي لازم تعاشرو ... يكفي انك ترتاحلو ... ولا راح يكون ولف و اعتياد ...و هكا انا و هبة ... ارتحتلها و رتاحتلي ... شاف فيا مدة و قال : علاش ماعندكش وين تروحي ... بلعت ريقي نفكر اذا نقولو ولا لالا ... فالاخير قررت نقول لعل و عسى يخليني نبقى هنا : لانو مانيش منا ... زاكي : من وين ؟؟ وش جيتي ديري هنا ؟
فركت يديا و قربت منو خطوات و نطقت : هربت ...هربت من زماني ... بلاك تشوفني مجنونة ... لكن هاذ الشي حقيقة ... السفر عبر الزمن ... شوف ..وريتلو البوصلة ... شدها مني يتفحص فيها و انا نتفحص فيه باستغراب من ردة فعلو ... رجعهالي و سكت ... عقدت حواجبي و قلت : مصدقني ؟؟ هز راسو ببطئ ... حليت عينيا على وسعهم و قلت : ك...كيفاش ..
عوج فمو و قال : من المواضيع لي ثير اهتمامي ... علابيها بحتت فيه و نعرف انو ممكن ... و كاين عدة طرق لهاد الشي ... مثلا بهاد البوصلة تقدري ترجعي للزمن لي كنتي فيه بصح ماتقدري تولي يالوكان ثانية من اللحظة لي جيتي فيها ... نعطيك معلومة ثانية ..السفر عبر الزمن يشبه للسفر للفضاء او ما ابعد منو ... يعني مدة لي تستغرقيها باش توصلي هنا هيا ست اشهر و كي تولي نفس الشي
شفت فيه بذهول و قلت : وااو ... موسوعة مايبانش على شكلك ...
تبسم باستهزاء : حتى نتي مايبانش عليك بواش لابسة ... ترسمت ملامح الانزعاج على وجهي موافقاتو الرأي : شفت حاسة نفسي راجل ... حتى اني مارقدتش مليح ..ضحك بخفة : متشرفين زمرااا ... شفت فيه باستياء : سمراء مش زمراا مانيش دم ...ضحك على طول صوتو و راح ...تاملتو حتى دخل و رجعت للدار ... لقيت ام هبة حطت العشا ..تجاهلت نظراتها و دخلت لعند هبة...
كانت متخبية تحت بطانية خفيفة ... تنهدت و قربت منها : هبة معليش نتكلمو ؟؟ ... كملت وقت ماردتش عليا و قلت بحزن مصطنع : الشي لي عملتيه معايا عايلتي ماعملوهش ... انا ممتنة بزاف ليك على كلشي ... متأسفة اني عملتلك مشاكل و مانيش حابة نكون فسبب المزيد من المشاكل علابيها راح نروح دوك ...
قفزت هبة من مكانها : معندك وين تروحي تبقاي هنا ماشي علجال متخلف كيما هوا تروحي ... مراحش نقبل ...ضحكت بخفة : شفتي انا ذكية ...
شافت فيا بعدم تصديق و صاحت : يااااا كيفاش جوزتها عليااا شوفي الكلبة البقرة ...
ضحكت على طول صوتي ... شافت فيا بغيظ لمدة و شاركتني الضحك ... حبسنا وقت سمعنا امها تناديلنا للعشاء ...
شفت فيها بجدية و قلت : هايا نروحو ... هزت راسها بالنفي : ني شبعانة روحي وحدك ... هزيت كتافي بعناد : تجي ولا حتى انا مانروحش ...
تافأفت بعدم رضا : بفف اوكي امشي .. ااه احبسي قلت لماما بلي راكي فاقدة الذاكرة علابيها جبتك معايا ... هزيت براسي و خرجنا ... شافت فينا يماها برضا و قعدت تاكل معانا فهدوء ..
💟💟💟💟💟💟💟💟💟💟💟
أنت تقرأ
كرونيك عابرة زمن
Fantasy❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ ⚜أنت تتعرف في البيت على العالم💕 💕وفي السفر على نفسك⚜ رحلة البحت عن الحب عبر الزمن ... هل يمكن ان يكون نصفك الأخر في زمن من غير زمانك ...هل لديك الجرأة للسفر اليه لتخلي عن نفسك في سبيله ؟؟ من زمن القصور...
