All about love

CHAPTER 8 (unicode)

"Z"

ဒုတိယံမိ အလင်းရောင် ခေါ်လိုက်တော့
ဖြေးဖြေးချင်းပြန်လှည့်လာသည့် ထိုလူသားလေးဆီမှ အလင်းရောင် ကြားတယ်ဆိုရုံလေး အသံလေးထွက်လာသည်

"အလင်း"

ဒါဆိုသေချာပါပြီ Zဆိုတာ

Zဆိုတာနဲ့ အလင်းရောင် ရင်ခုန်သံတွေ ထိန်းမရ သိမ်းမရ ဗြောင်းဆန်ကုန်သည်

Z မျက်နှာလေး မြင်ရဖို့ တစက္ကန့်တောင် အလင်းရောင် ထပ်မစောင့်‌ချင်တော့

အလင်းရောင်နဲ့ မျက်နှာချင်းဆိုင်ရှိမည့် အချိန်ကိုသာ ရင်တထိတ်ထိတ်နဲ့ စောင့်ကြည့်နေမိသည်

တကယ်လည်း မျက်နှာချင်းဆိုင်တွေ့လိုက်ရရော

အလင်းရောင် မျှော်လင့်ချက်တွေ မြေပြင်ပေါ် ဘုတ်ခနဲကျသွားသလို ရင်ထဲမှာ ဟာသွားသည်

အကြောင်းကတော့ အလင်းရောင်ထက် သိပ်ကိုလည်သည့် သူ, မျက်နှာဖုံး အနက်ကို ခပ်တည်တည် တပ်ထားခြင်းကြောင့်ပင်

ရုတ်တရက် ကူရာမဲ့သလို အလင်းရောင် အရမ်းဝမ်းနည်းလာသည်

"Z ကျွန်မကို ဘာလို့ အဲလိုဆက်ဆံတာလဲ ဟင်
ကျွန်မ...ကျွန်မ..." ဆက်မပြောနိုင်တော့ဘဲ အသံတွေတိမ်ဝင်သွားသည်

ဝမ်းနည်းသည့်စိတ်ကြောင့် မျက်ရည်တွေ အလိုလိုကျလာသည်

"ဟာ...အလင်း မငိုပါနဲ့ အလင်းရယ် ကျွန်တော် အလင်း အမုန်းကို ရင်မဆိုင်ရဲလို့ပါ"

Z အသံက သိသိသာသာ တုန်ရီနေသလို သူ ချော့ကာမှ အလင်းရောင် မျက်ရည်တွေ ပိုကျလာတော့သည်

(ရက်စက်လိုက်တာ Zရယ်)

သူ,အလင်းရောင်ကို မျက်ရည်တွေတယုတယ သုတ်ပေးနေပေမယ့်

အလင်းရောင် Z ကို မုန်းချင်လာပြီ

အနာပေးလိုက် ဆေးပေးလိုက်နှင့် လူကို ရူးအောင်လုပ်နေသည့် Zပါ

"ဘာလို့လဲ? ဘာလို့လဲ Z

ကျွန်မက Zကို ဘာလို့မုန်းရမှာလဲ"

အဖြေ မရနိုင်မှန်းသိလျက်နဲ့ အလင်းရောင်,မရမက မေးခွန်းထုတ်နေမိပြန်သည်