All about love

CHAPTER 18 (unicode)

Zan ထင်ပြီး မနားတမ်းပြောချလိုက်သည့် ဇဝါ့ကြောင့် အလင်းရောင် shock ရသွားကာ မလှုပ်မယှက် အခန်းဝမှာ ရပ်နေမိသည်

မည်မျှကြာသွားမှန်း အလင်းရောင် မသိ

ခေါင်းထဲမှာတော့ ညကကိစ္စတွေ အနှေးကွက် ပြကွက်တွေလို အစီအရီ ပြန်ပေါ်လာတော့သည်

သူမ Z ကို အတင်းကာရော နမ်းခဲ့မိတာ၊ Z ရုန်းနေခဲ့တာ၊ နောက်ဆုံး ဒီတိုင်း အလင်းရောင်နားမနေရဲတော့လို့ စောင်လေးပဲခြုံခဲ့ပြီး ထွက်သွားခဲ့တာတွေ တရေးရေးပုံပေါ်လာတော့သည်

အလင်းရောင်လည်း အလန့်တကြား မျက်လုံး အစုံကို မှိတ်ချပစ်လိုက်သည်

ပထမတော့ သူမ ကို တစ်မျိုးထင်ပြီး Z များ ရွံသွားပြီလားလို့တွေးမိပေမယ့်

အလင်းရောင်ကို ညက ဂရုတစိုက်ပြုစုပေးခဲ့တာ၊ဖက်ပြီးအိပ်နေခဲ့တာတွေအရ စိတ်မဆိုးလောက်ဘူးလို့တော့ ထင်ပါရဲ့

"ငါကလည်း ငါပဲ တခါမှ မသောက်ဖူးတဲ့အရက်ကို ဒီလောက်ထိသောက်ပစ်ရလား"

ကိုယ့်ကိုကိုယ် မကျေမချမ်းဖြစ်လာကာ ကိုယ့်ခေါင်းကိုယ် ထုရင်း ပါးစပ်ကလည်း တတွတ် တွတ်

ပြီးမှ အရိပ်ပန်း နဲ့ Z အခြေအနေကို ပြန်သတိရသွားကာ ဘယ်ဘက်ရင်အုံမှ ကျင်ခနဲ

အဲဒါကြောင့်မလို့လည်း မနေ့ညက ဇဝါ့ကို ခေါ်ပြီး အမူး သောက်ပစ်ခဲ့မိတာနေမယ်

ကိုယ်သိပ်ချစ်ရတဲ့သူတစ်ယောက်က တယောက် ယောက်နဲ့ တွဲနေ

အထူးသဖြင့် ကိုယ့်ညီမငယ်နဲ့ တွဲနေတယ်ဆိုတဲ့ သတင်းက မည်သူမဆို ရင်ကွဲပက်လက်ဖြစ်ကြရမှာပင်

ကျွီ...

အိပ်ချင်မူးတူး အခန်းထဲမှ ထွက်လာသည် Zan နှင့် အခန်းဝမှာ တစ်ယောက်ထဲသွေးပြတ်နေသည့်အလင်းရောင်တို့ မျက်နှာချင်းဆိုင် ဆုံမိသောအခါ

"မ"

"Z"

အခေါ်အဝေါ်မှားသွားပြီဆိုတာ သိသိလိုက်ချင်း အလင်းရောင် ပြန်ပြင်ခေါ်လိုက်သည်

"နိုးပြီလား Zan"

"နေမကောင်းဘဲ ဘာရပ်လုပ်နေတာလဲ လာ"