All about love

CHAPTER 9 (unicode)

"Zan ကျေးဇူးပြုပြီး ငါ့ကို အမြန် ဖုန်းပြန်ဆက်ပေးပါ အရေးကြီးတယ်"

သော်က ဆီမှာ message အပြင် ကျန် message 3,4 စောင်ပါဝင်နေသည်

missed call တွေဆိုတာ မနည်းမနောမေမေ့ဆီမှ များသည်

တခြား message တွေကိုတော့ မဖတ်ဖြစ်လိုက်

သော်က messageက Zanစိတ်‌တွေကို ပူပန်စေသည်

အမှန်က Zan.ဖေဖေနဲ့မေမေ ရဲ့ နှစ်ပတ်လည်ပြီးတာနဲ့ ပြန်လာမလို့လုပ်‌နေတာကို အရေးကြီးသည့်အလုပ်ကိစ္စ တစ်ခုပေါ်လာခဲ့သည်

ဖေဖေ့ ခိုင်းစေချက်အရ ကိုကို့အစား Zan ဖေဖေ့သင်္ဘောတစ်စီးဖြင့် ဗန်းမော်ထိ မဖြစ်မနေလိုက်သွားခဲ့ရသည်

အဓိကပြဿနာကတော့ သင်္ဘောသားတွေ ဒီဇယ်တွေ ခိုးထုတ်နေတဲ့ကိစ္စကို စုံစမ်းဖော်ထုတ်ပေးရန်ဖြစ်သည်

ပုံမှန်ဆို ဖေဖေ သို့ ကိုကိုလိုက်ရှင်းနေကြပေမယ့် ဒီတခါတော့ Zan.ကို ထည့်လွှတ်လိုက်သည်

‌သ‌င်္ဘောတစ်စီးစီမှာ ထမင်းချက်ပေးသည့် အမျိုးသမီး ၅ယောက် တစ်ဖွဲ့ပါရှိနေတတ်သည့် အတွက် Zan.အတွက်လည်း အဖော် ကောင်းကောင်း ရနိုင်၍ ဖေဖေမှ စိတ်ချလက်ချထည့်လိုက်ခြင်းဖြစ်သည်

လမ်းခရီး တလျောက် ပျင်းစရာကောင်းလိုက်တာဆိုတာ ပြောဖွယ်မရှိ ဘယ်ကြည့်ကြည့် ရေပြင်နဲ့ တောင်တန်းတွေသာ

ဒီ့အပြင် ဖုန်းကပါ မိတစ်ချက် မမိတစ်ချက်ဆိုတော့ တစ်နေ့တစ်နေ့ ဘာလုပ်ရမှန်းကို မသိ

အစီအစဉ်မရှိဘဲ အလောတကြီးလာရတာ ဆိုတော့ ဖတ်ဖို့ စာအုပ်လေးဘာလေးလည်း မဝယ်ခဲ့ရ

လိုင်းမမိတာမျိုးဖြစ်မယ်လို့လည်း ဘယ်သူကထင်မှာတုန်း

တကယ်ပါ အစုန်အဆန် သင်္ဘောပေါ်မှာပဲ တနှစ်ပတ်လုံး အလုပ်လုပ်နေရသည့် သင်္ဘောသားတွေကို ခုမှပဲ ကိုယ်ချင်းစာမိသည်

ဖေဖေ အတင်းခိုင်းလို့သာပေါ့ အလင်းကိုလည်း Zan လွမ်းလှပြီ

အစက Zan.ဆန္ဒ အတိုင်းသားဆိုရင်၂ပတ် မတိုင်ခင် ပြန်လာဖို့ စီစဉ်ထားပေမယ့် ဗန်းမော်ထိမမျှော်လင့်ဘဲ လိုက်သွားရတော့ ဒီနေ့နဲ့ဆို ရန်ကုန်မှ ထွက်လာတာ ၁၃ရက်ပင်ရှိသွားပြီ