CHAPTER 24 (unicode)

997 39 14
                                        

အိစက်နူးညံ့လွန်းသည့် နှုတ်ခမ်းတစ်စုံရဲ့ အထိအတွေ့မှာ Zan. အကျောအချဉ်တွေ စိမ့်ခနဲ

"မ"

ကြောက်အားလန့်အားဖြင့် အလင်းရင်ဘတ်ကို တွန်းထားလိုက်မိသည်

စဉ်းစားချိန်မရ

အလိုအလျောက်တုန့်ပြန်မိသွားခြင်းပင်

အလင်းရင်ဘတ်ပေါ်မှ Zan.ညာဘက်လက်လေး မသိမသာတုန်ရီနေသည်

Bath tub ထဲမှာမလို့ အေးနေလို့များလား?

စိတ်လှုပ်ရှားနေလို့ပဲလား?

စိတ်လှုပ်ရှားနေတာ ပိုဖြစ်ဖို့များသည်

ကြည့်ပါလား

အောက်နှုတ်ခမ်းလေးကိုကိုက်ပြီး ကြည့်နေပုံကအနည်းငယ် အရိုင်းဆန်နေသလို

ကိုယ့်နှုတ်ခမ်းကို လျှာလေးနဲ့ မကြာခဏသပ်နေပုံလေးက Zan.စိတ်တွေကို ရူးခါသွားစေသည်

"ဘာလို့လဲ"

အလင်း အမေးအတွက် Zan.မှာအဖြေမရှိ

နှလုံးသားက နံ့နံ့တက် ပျော်ဝင်ချင်နေပေမယ့်ဦးနှောက်အနေနဲ့ လက်ခံဖို့ မတတ်နိုင်ပါ

Zan.ဆီမှ မည်သည့်အသံ တစ်စုံတစ်ရာမှထွက်မလာသည့်အတွက် အလင်း အားမလိုအားမရဖြစ်လာသည်

ဆံပင်တွေမှ တဆင့် စီးကျလာသည့် မျက်နှာပေါ်မှ ရေစက်တွေကို သပ်ချပြီး အသက်ကို ဝအောင်မနည်းရှုနေရသည့် Zan.မျက်ဝန်းတွေရဲ့ အတွင်းဆုံးနေရာထိ အလင်းစိုက်ကြည့်ပြီး တစ်လုံးချင်း ပီ ပီ သ သ

"မ.. ကို.. ပြန်..နမ်း..ပါ.. Zan.."

"ဟင်"

စပါးကြီးမြွေ အညှို့ခံရသူတစ်‌ယောက်ပမာ

Zan တစ်ယောက် အလင်းရှေ့မှာ မလှုပ်မယှက်

အသက်ရှုမိ လိုက်သေးလား? Zan မသိ

ဒါမှမဟုတ်

အသက်ရှုဖို့ကို မေ့သွားတာများလား?

ကိုယ့်ကိုကိုယ် ဝေခွဲမရ

ပြောလိုက်တဲ့ စကားကိုလည်းကြည့်ဦးလေ

မထင်မှတ်ထားသည့် စကား၊ မပြောရဲလောက်ဘူး ထင်ရသည့် စကားကို အေးအေးဆေးဆေး ပြုံးပြုံးလေး ပြောနိုင်တာ

All about loveWhere stories live. Discover now