All about love

CHAPTER 15 (unicode)

အခုပဲ နွေးထွေးမှုတွေပေး တော်ကြာ ကျုပ်တွေ ခင်ဗျားတွေဖြစ်လိုက်နှင့် Zan.ကို အလင်းရောင် နားမလည်စွာလှမ်းကြည့်နေမိသည်

Z ဘာတွေဖြစ်နေတာလဲ ဟင်

မ ကို အဲလောက်ထိတောင်မုန်းနေတာလား

မ ကိုမုန်းရမှ Z ပျော်တယ်ဆိုလုပ်ပါ

မ က Zဆီမှာ အစကတည်းက ကျရှုံးနှင့်ပြီးသူပါ

"မမ ရိပ်ဆီလာတာလား"

အလင်းရောင်နောက်ကျောဆီမှ ထွက်ပေါ်လာသည့် အသံလေးကြောင့် ဝေ့တက်လာသည့် မျက်ရည်စ တို့ကို မျက်တောင်လေးတွေဖြင့် အမြန် ပုတ်ခတ်ဖယ်ရှားလိုက်သည်

မိမိလက်ကို လာတွဲပြီး အသံစာစာလေးနှင့် ပြောနေသည့် အရိပ်ပန်းကို ချစ်စနိုးလေးငုံ့ကြည့်ပြီး

"မဟုတ်ဘူး ရိပ်လေး"

"ဟင်"

စိတ်မကောင်းဖြစ်သွားသည့် ညီမငယ်လေးကို အလင်းရောင် ခေါင်းလေးတစ်ချက်ပွတ်‌လိုက်ပြီး

"Zan.ဆီက pad လာတောင်းတာ မမ period ဖြစ်နေတာ ခုမှ သိလို့"

အရိပ်ပန်းနားကပ်ကာ ရယ်ကျဲကျဲလေးပြောလာသည့် မမကိုကြည့်ပြီး အရိပ်ပန်း မျက်စောင်းထိုးပစ်လိုက်သည်

"မမတို့ကတော့ ဖြစ်ရမယ် ဒီအသက်ရွယ်တောင်ရောက်နေပြီ မမဇဝါဆီမှာမပါဘူးလား သူကအမြဲဆောင်နေကျကို"

ဟုတ်ပါသည် အလင်းရောင် ကို့ယို့ကားယားနိုင်တိုင်း အိတ်ထဲမှာ စုံနဖာစီထည့်ကာ ကျောင်းလာတတ်သည့် ဇဝါ ဖြေရှင်းပေးနေကြပါ

"ဇဝါ ဒီနေ့ကျောင်းမလာဘူး ရိပ်လေးရဲ့ အဲဒါကြောင့် ပြဿနာ ခုလောက်ထိတက်တာပေါ့"

"ရိပ်မှာအပိုပါတယ်" ဆိုပြီး သူ့ ကျောပိုးလွယ်အိတ်ကလေးထဲက တစ်ခုထုတ်ပေးလေသည်

အရိပ်ပန်းတို့ အခန်းဝမှာ စကား‌ရပ်ပြောနေကြသည်ကို pad လေးတစ်ခုကိုင်ပြီး ထွက်လာသည့် Zan ကြားသွားသောအခါ

"ဪ အရိပ်ပန်းဆီက ရသွားပြီပဲ အဲဒါဆို ဒါမလိုတော့ဘူးမလား"

လက်ထဲမှ pad ကို Zan ပြန်သိမ်းမည်လုပ်နေတာမို့အလင်းရောင် အမြန်ဆွဲယူပြီး