All about love

CHAPTER 5 (unicode)

Zan ရဲ့ အားလပ်ချိန်တွေဆိုတာ နေ့ဘက်ဆို နှင်းဆီပင်တွေနဲ့ ညဘက်ဆို စာရေး စာဖတ်တာနဲ့ပဲ ကုန်ဆုံးလေ့ရှိတာ ဒီအိမ်ရောက်လာကတည်း ကဆိုပါတော့

ဟိုကောင်တွေနဲ့ လျောက်လည်လည်း တပတ် ၁ရက် အလွန်ဆုံး ၂ရက်

လူရှုပ်သည့်နေရာတွေဆို အတတ်နိုင်ဆုံး Zanရှောင်ပါသည် အသားမစားတဲ့ vegan ဖြစ်တဲ့Zan က လူနံ့မခံနိုင်ပါ

Show ပွဲ Day Club, Night Club တွေဆိုတာ Zan နဲ့လုံးဝမသက်ဆိုင်သလို ဆူဆူညံ့ညံ့ ရှုပ်ယှက်ခတ်နေတဲ့ နေရာမျိုး Zan သွားလေ့သွားထမရှိ

အဲနေရာတော့ သော်ကနဲ့ Zan အတွဲညီသွားသည်
ညီနဲ့ မြတ်ကတော့ တချိန်လုံးလမ်းသလားနေရတာ ကြိုက်တဲ့သူတွေ

Game တွေ tik tok တွေလည်း Zan စိတ်ဝင်မစား

ကိုကိုကတော့ အမြဲပြောပါတယ် "အသက်ထက် စိတ်ပိုအို,နေသောသူ"တဲ့

ကိုကိုဆိုမှ မနေ့က စိတ်ကောက်သွားတဲ့ နောက်ပိုင်း မတွေ့ရသေး တနေ့တနေ့ သူ့ကောင်မလေးတွေနဲ့ အီနေရတာနဲ့ စာရောလေ့လာဖို့ အချိန်တောင်ရှိရဲ့လားမသိ

ဆေးကျောင်းဆိုရင် သူများတွေ ကုန်းရုန်းစာလုပ်တာတောင် ဆက်ပလီတွေ ဘာသာတော်တော်များများထိကြပေမယ့် ရည်စားတွေ မှိုလိုပေါက်နေတဲ့ ကိုကိုတော့ စာမေးပွဲ ကျတယ်လို့ တခါမှ မကြားဖူးပေ

"မေမေက ပြောနေတယ်နော် ပွေးပဲပွေးမနေနဲ့ အတန်းကြီးလာပြီတဲ့" Zan ဒီလိုသတိပေးတော့

"ကိုကိုက ကဏ္ဍခွဲထားတာ အဘက်ဘက်က ထူးချွန်အောင်လို့" ပြောင်ချော်ချော်ပြောတတ်သည့်ကိုကိုပါ

"Zan"

ကိုကို့အကြောင်းတွေးနေတုန်း တစ်ယောက် ယောက် ပုခုံးလာပုတ်လိုက်မှ

"အရိပ်ပန်း"

ဟိုတနေ့ကမှ စကားလေး ၂ခါလောက်ပြောဖူးသည့် အရိပ်ပန်းဆိုတဲ့ကောင်မလေးက Zan တို့အိမ်ထဲ ဘယ်လိုကနေ ဘယ်လိုရောက်နေမှန်းမသိ Zan အတော်လေးကို လန့်သွားခဲ့တာပါ

"နင်ဘယ်လို..."

"Zan.အိမ်သိလဲ မေးမှာမလား"

"ဟုတ်တယ်"