ي ابوي مثل حب متعب للريم ما انت لاقي

البارت ١

الكاتبه/  العتيبيه

قالوا لنا عن جمال المدن!
وان فيها كل شي ومتفتحين وهي عكس القرى..
لكن في ديار نجد فيها راح البال ووسيعة الصدر جلست جنب ابوها وهي تبتسم له/ وش حالك يبه ؟عساك بخير؟
ابتسم ابوها وبحب/ فديت قلب ابوها انا يوم شفتس صرت بخير ي قلبي أنتِ..
{تعريف الشخصيات}
الاب مطلق متشدد وعنده قوانين صارمة!
متزوج حرمتين الله رزقه بحريم اجوديات ما يذن بعض مثل الطباين الي نسمع عنهم بالعكس يحبون بعض ومتعلقين ببعض وهو اغنى رجل الديره عنده محال يشتغلون فيها عياله وهو معهم وعنده محل ملابس من تصميم بناته الي يعرفون يخيطون وكل حريم الديره يشترون من عندهم...

الحرمه الاولى جازي الله ما رزقها غير ببنت وحده وراح نعرف السبب بعدين...

الحرمه الثانيه نوره الله رزقها بربع عيال وثلاث بنات...

بنت الجازي الوحيدة ( الريم) عمرها سبع طعش||
بيضه وحلوه وشعرها طويل واسود سواد اليل وعيونها وساع ورموشها كثيفه عليها من جمال البدويات مرحه كثير وتحب السوالف ..

عيال نوره
اكبر واحد
عزام انسان حار بس يحب اهله ما يرضى عليهم شي عمره ثلاث وعشرين سنة يبيع مع ابوه في المحلات طويل بشرته حنطاويه
شعره ناعم وعيونه وسيعه حواجبه كثيفه وكثيرة ورمشه كثيفه عليه نظرات تخوف

هتيف قصيره شوي شعرها لنص ظهرها بيضاء وحلوه لسانها طويل وتأخذ حقها وزود عمرها واحد وعشرين سنة...

نواف انسان يحاول يتحظر ويتبع الموضات وابوه دايم يعصب منه ويدرده برى البيت طويلل مره شعره كثير ويحطه على جنب شنبه كل ما نبت حلقه يحسب ان الموضى كذا عمره تسع طعش سنه

ساهي عمره ثمان طعش هادي جداً قليل الكلام يتكلم كلمه ويسكت تحس وراه هموم بسبب سكوته طويل نحيف و وسيم مع انه ما يهتم في المظاهر...

غدير عمرها سبع طعش حلوه تشبه هتيف. انسانه تحلم كثير وكل يوم لها حلم جديد هي و الريم الروح بروح مع بعض دايم ياكلون مع بعض ينامون مع بعض يلعبون مع بعض..

غصون هادئه وتحب الأجواء الي مثل القهوة والكتب والطبيعة و صوت العصافير!
عمرها خمس طعش لكن عقلها اكبر بكثير...

يعقوب اصغر العائله ملقوف لدرجة لا تصدق عليه كلام اكبر من عمره ويعطي الكل جوه عمره اربع طعش سنه..
.
.
.
.
.
ــــــــــــــــ
في مدن الحجاز
جالس في قصره الكبير  وهو من إغناء سكان منطقة الحجاز
لف لم عياله الي دخلت عليه ومعها الغداء جلست وتجمع عياله على طاولة طعامهم

الاب سعد اخ مطلق يعيش بالحجاز  وفيه
سالفه فرقت بين اخوان متزوج زواج عن حب وليسا تقليدي متفتح ومدلع عياله ومتزوج قبل اخوه مطلق مع ان مطلق اكبر منه..

الام مهاء تحب الخير للناس طيبه وحنونه ويتيمه ومالها غير اخ واحد يعيش مع زوجته في الامارات تحب زوجها سعد وتعشقه لحد الجنون...

الابن الأكبر فهد نسخت ابوه يحب البنات ودايم يقول قلبي يحب البنات اما ابوه ما يقوله شي لنه متزوج عن حب ويبي عياله مثله عمره خمس وعشرين سنة

سعود انسان فاهم الحياة ومثقف وحبوب وهادي وما يتدخل في حياة احد لكن اذا حط شي في راسه لازم يسويه عمره اربع وعشرين سنة.

نرجس وسجى توامه ملقوفين وهم ازعاج البيت ويشبهون بعض عمرهم ثمان طعش ..

معاذ اصغر العائله و يا دوب جاء بعد ما قال لهم الدكتور انه خلاص امهم ما عاد تنجب عمره اربع طعش سنه...
ــــــــــــــــــــ
راح نتعرف على الشخصيات اكثر في أثناء الرواية واتمنى تعجبكم....