ي ابوي مثل حب متعب للريم ما انت لاقي

البارت 12

قبل ست سنوات تقريباً اي قبل حدوث حادثة ابو ثريا اذا ناسين روحوا للبارت الثالث عشان تعرفون ايش حادثت ابو ثريا.
كان الشايب ابو زياد جالس في صدر المجلس عند ابو ثريا كان ابو ثريا وابو زياد أعز الاصدقاء تكلم ابو زياد بفرحه/ والله ذي الساعه المباركه دام البنت وافقت الملكه بكره والزواج بعد شهر
رد ابو ثريا بفرحه /تم انت فصل وحنا نلبس
كانت ساعدتهم كبيره لدرجة ما انتبهوا للعيون الخبيثه الحقوده اللي ما تبي زواج ثريا ومساعد يتم
مساعد ولد ابو زياد.
ثريا بنت ابو ثريا.
يوم الملكه وضع فهاد سحر في القهوة حقت مساعد عشان يسحر مساعد لكن الي ما احد حسب حسابه هو ان ابو زياد اخذ القهوة من ولده وهو يقول/روح جيب لك قهوه راسي صدع
وشرب ذا الفنجلا وهو مو داري عن اي شي عنه
واصابه السحر كره الديره وكره كل شي فيها وترك الديره بعد ما زوج ولده وهاذا هو رجع بعد ما تعالج والي يصدم انه لما سمع عن موت ابو ثريا ما راح العزاء عشانه في الديره!
اما فهاد فا اتوقع اغلبكم عرفه انسان طماع كان يبغى ثريا وبعد ما قدر رجع لريا!
.
.
.
نرجع للحاظر..
تكلم بهدوء/انتهت العزايم أخيراً اسبوع مر وكله عزايم
ضحك نواف وهو يجلس جنب خالد/ي رجال وش فيك طوال ذي الاسبوع وانت تعبي كرشك سكت لما قرصه خالد في رجله لنا جاب العيد وفضح العيال!
تكلم مطلق بغضب/ وش رايحين للعزايم وانا قايل لكم لا ترحون ما تسمعون الكلام انتم هاه؟ وانا احسبكم في شغلكم واثركم تبلعون وتعبون كرشكم ؟ اقوم من الصبح ما اشوف احد قلت ماشاءالله عليهم عيال نشامه وانصدم انكم تصحون عشان بطنكم ذا وانا اقول من وين لكم ذا الكرش ؟
بلع ريقه نواف بعد ما شاف نظرات الشباب الي تهدد!
سكتوا وهم يسمعون هواش مطلق عن كرشهم
.
.
.
ضحكت وهي تجلس جنب هتيف/تكفون بطني هههههههههههههههه اخخ
هتيف وهي تبعد شهد عنها/ابعدي ي دبه تراك ثقيله زحفي
ضحكت من جديد وهي تمسك بطنها/ههههههههههههه احلفي ثقيله تراني خفيفة هههه
هتيف بقرف/الله يرزقك عقل ي مريضه
شهد بضحكه/أمين وياتس ي لبى
غدير بفكره/بنات جبت لكم فكره خرافيه!
البنات كلهم لفوا لغدير بحماس يبون يسمعون وش عندها
ضحكت غدير على شكلهم/هههههههه بالله شوفو شكلكم
مدت الريم شفايفها بزعل/ياخي الملل عمل فينا عمايله!
غدير /اسمعن وش رايكم ناخذ بنات الديره ونروح لريا في بيتها ؟
الريم بحماس/نسهر عندها ؟
العنود/والله فكره
غصون بحماس/واو راح نفلها
غدير بعد ما انتفخ راسها/ترى انا يسموني ام الأفكار وغمزت لهم اعجبكم صح؟
شهد بتسليك/ايه ايه نروح الحين؟
الريم وهي تاقف/لا ي روح امك نبغى نستاذن واذا ما عندهم مشكله نجهز ونروح لها
هتيف وهي توقف فوق الكنبه/بسوي لكم حلى يحبه قلبكم
راحوا البنات عشان يستاذنون...
.
.
.
لافي وهو يجلس في احد مجالس القريه/ وش حالك ي عم
ابو زياد/بخير جعلك بخير شخبارك عساك بخير
لافي بهدوء/بخير دامك بخير وبصوت جمهوري حياكم الله على العشاء اليوم ثم لف على ابو زياد والله المعذره جت متاخر بس تعرف كنا طوال ذا الاسبوع في المخيم
ابو زياد بهدوء/نعرف طيبكم ي ولد مسفر وكثر خيركم ماله داعي العزيمه
لافي بثقه ورجوله/فعايلك تسبق صوتك ي ابو زياد انت تستاهل اكثر ولا ترد طلبي حياك الله على العشاء اليوم انت لك سنين ما جيت الديره ويوم جيت تقول ماله داعي العزيمه
رد ابو زياد بهدوء/على القوء ي ولد مسفر
.
.
.
تعريف الشخصيات
ابو زياد سياف امير الديره وشيخها شخص غامض وله سالفه قديمه مع ابو عزام سالفه خلت اهل مطلق يكرهونه متزوج فاطمه بنت عمه.

فاطمه زوجت سياف انسانه حقوده وتكره الجازي حرمت مطلق .

زياد انسان رائع محترم وحبوب و متواضع يمكن هو و مساعد من اخوانه الي يبلعهم مطلق

مساعد انسان محترم وتم التعريف عنه بصوره بسيطه في البارتات السابقه
زوج ثريا

رهاوي انسانه ما تعرف شخصيتها تحسها متقلبه.

عوق مغروره تحس انها اميره بذي القريه بس حساسه مره.

سرور شخص ما ينبلع ضابط مين قده هاذا تفكيره وهو مغرور.

امواج نفس طينت خواتها وهي دلوعت ابوها بما انها اخر العنقود.
.
.
.
ابتسمت بفرح وهو تبوس راس ابوها/الله يسعدك ياخي فديتك
عقد حواجبه وهو يمثل الغضب/اقول قومي لا اغير رايي ابك الحيه البيضه ذي ما ملت عينتس يوم تكلميني بذي الطريقة
ضحكت الريم دلوعت ابوها/فديت الحيه البيضه وصاحبها
اخذ العصاء ومثل انه بيضربها
قامت تركض وهي تضحك
ابتسم على خبال بنته تحاول تبين لهم انها نست لافي بس هو يشوف بعيونها العكس لو ما احد انتبه هو انتبه كيف ما ينته وهي بنته وروحه و دلوعته ؟!
.
.
.
راحت تركض بما ان ابوها وافق بتروح قبل البنات عشان تساعد ريا اخذت العبايه وبسرعه راحت تركض للباب سمعت صوت شهد تقول/ي حماره انتظري عشان اروح معك
بس مع ذالك كملت ركض وصلت لبيت ريا الي ما كان بعيد عنهم وقفت لما سمعت صوت شخص تعشقه بس هو كسرها يقول لها/وش حالك ي الريم ؟
؟؟؟؟؟؟.