ي ابوي مثل حب متعب للريم ما انت لاقي

بارت 30

معليش على السحبه بس كان عندي اختبارات وحتى الشغف فقدته ولا لقيت اي تعزيز اني اكمل بس بحاول اعوضكم بذا البارت
.

.

.
تجمد كل شي فيني الخوف ان يصير شي بسببها شعوره يخوف ابتسمت وانا اسمع صوت ابوي الي توه جاء يقول/ والله ي عقاب لو تقرب الريم لخليك تشوف النجوم في عز الضحى!
رد أعقاب بنرفزه وعدم اعجاب بكلام خاله/ يا خال ترى هاذي حيه بتخرب بيتكم تراها بنت مطلق تعرف من هو مطلق؟
رد ابو متعب بدون اهتمام لكلام عقاب/ تفهمم انت ولا شلون؟
هز عقاب راسه على مضض وهو مو عاجبه ابدا كلام خاله/ تمام فمان الله
طلع
لفتح الباب مسرعه لحظن امي وتندفع دموعي لردف بشهقه/ خفت يمه خفت!
مجرد فكره ان عقاب يرجع وياخذني وينفذ خططهم الخبيثه اللي ما اعرفها علي جننتني فما بالكم لو صارت فعلا!
امي كانت تضمني وتهدني وهي تقول/ ما عليك ي بنتي لحق عليك متعب!
.
.
.
من حين طلعت وهي تبكي تضم امي وتناديها بيمه حسيت بضيقه
ليه تبكي؟
ذا اول سوال جاء ببالي
لانها يوم بكت حسيت اني تضايقت وراها تبكي وتوجع قلبها؟
معقوله شافت الويل من عقاب؟
او عندها عقده من الذكور بسبت لافي؟
او انها خوافه لبعد حد؟
ما يهم يعرف لذولا جواب كثر ما همه الحين
(ما تبكي)
/ وش له تبكين وعندك ابو متعب الي يحمل مصاعب الدنيا لجل ارضك شعندك تبكين وعندك ام مثل ام متعب وراك تبكين وانتي تحت حماية الضابط متعب؟
كانت كلمات معاتبه من متعب لها!!
.
.
.
مرت ايام رمضان مرور جميل جدا على جميع ابطال الرواية
نزلت وهي تشيل نعولها بيدها/ يمهه صبرك ياخي ابغى البس نعاليي!
لترد امي على عجل/ تلبسينها في السيارة امشي الحين متعب ينتظر!
تاففت وانا امشي وراء امي طيب ابغى البس نعالي؟!
ركبت السيارة وحرك متعب لفيت على دريشة السياره اناظر بالعالم وتذكرت كلامهم
.
.
.
جلست جنبها/ يمه الله يسعدك ماله داعي السوق ما ينقصني شي!
تكلمت ام متعب بعتب/ لا بالله ي بنيتي العيد جاء ولا شريتي لوازمه!
جاني صوته وهو يقول/ خوفك من التكلفه ترى ما يطلب الكثير وكل الي عندنا فدا لك ي بنت مطلق!
ناظرت به واستحت اناقش معه وهاذا حنا بسيارة راح نروح لسوق
تكلمت امي وهي تقول/ عمك ابو زياد ما يكف الناس من بلاويه؟
رد عليها متعب بضجر/ ياهه ذا الإنسان مهوب عمي حتى ابوي الي هو اخوه ما سلم منه فكيناا من طاريه بالله!
عقدت حواجبي من ابو زياد هو الي قتل امي و ولده فضحني عند ابوي ولا مجرد تشابه اسماء ؟
وصلنا السوق ونزلنا انا وامي ومتعب
تكلمت بهدوء/يمه حدي فستان واحد ترى قلت لك
تكلمت امي بتسليك/يصير خير..
مشى متعب قدامنا وهو يقول بحذر/لا تبعدون عني!
.
.
تربعت لتقول بحماس/ الفستان طلعع مره يجنن!
ناظر فيها بملل وغيره/كنك اول مره تشترين فستان المره آلاف الي فيها مدحتي الفستان وانا ولا مره مدحتيني!
ناظرت فيه لتضحك بصدمه/غازيي تغار من فستان!؟
تكلم بغرور/بعينك اغار ما بقى غير غدير اغار عليهااا!
شمقت له/ماش.
.
.
.
لتمر الايام يوماً بعد يوم وغداً اول ايام عيد الفطر المبارك