ي ابوي مثل حب متعب للريم ما انت لاقي

البارت ٣

واقف يجمع أغراضه بيلحق على الوقت لف على ولده الي يهاوش خواته!
سعود بتهديد/ ما فيه طلعه الا بعد ما تغيري ذي العبايه!
نرجس بزعل/ مو على كيفك وش دخلك ترى بابا راضي عني!
سجى تكمل النبره معها/ ترى ما يخصك بابا وفهد موافقين!
تكلم بغضب/ بس انا مو موافق ي قطع كلامه ابوه الي جاء من خلف سعود/ وقطع يقطع لسانك ترفع صوتك على خواتك كله من صديقك لافي لكن اسمع ي سعود خواتك ما لك دخل فيهم
جاء بيرد سعود بس سكت لما تكلم ابوه بنبره حاده/ فاهمه؟
رد بهدوء وبرود/ فاهم يبه فاهم!
تكلم ابوه بامر/ قدامي ساعد اخوانك في الشنط بسرعه ما عاد باقي وقت

راح يجيب الشنط هو وفهد ومعاذ ...
ــــــــــــــــــــ
طلع ساهي يركض وهو يضحك وخلفه نواف الغاضب
عزام وهو واقف عند باب حوشهم ويناظر اخوانه ويضحك/ وط رجلك ي ساهي هههههههه سكت لما شاف ام فهاد!

امممم نسيت اقول لكم ام فهاد ذي لها سالفه سببت كره كل من في الديره لها!
خلونا نعرف وش السالفة ومين ام فهاد ذي!
.
.
.
في يوم من الايام في مكان في احد ديار نجد قبل خمس سنوات.
فهاد بغضب من عمه/ ي عمي انا ابغى بنتك على سنه الله ورسوله ليش ترفض ؟
انا ولد عمها واحق من الغريب!
تكلم ابو ثريا بغضب/ الغريب ذا احسن منك ولا انت وش بتكون ؟
فهم فهاد وش يقصد عمه/ بس انا مو مثل امي وابوي!
صرخ ابو ثريا بغضب/ الا نفسهم واخص منهم!
ناظره فاهد ثم تكلم اجل اسمع ي كلب هين هين ي حمار  والله لتندم تشوف
وطلع فهاد من عند عمه!
جت ثريا واختها ريا يركضون لبوهم وهم يبكون
ثريا بحزن وهي تبكي وتشهق/ يبه اخاف يسوي لك شي وتلحق امي!
الحقيقة توجع ادري وهاذا شي اوجعهم امهم ماتت بسبب سحر مدبر لها من ام فهاد!
ايه نعم ام فهاد ساحره وابو فهاد بعد!
وفهاد يمشي بدرب امه وابوه
وبعد فتره تزوجت ثريا رجال ولا مثله رجال { مساعد} رجال معروف بديره ونعم به

بعدها مات ابو ثريا بحادث سير مدبر!
.
.
.
وبقت ريا وحيده تعيش برعب في بيت ابوها والكل يدري بضعف وعجز ذا البنت مع ذالك قاموت الكل
ــــــــــــــــــــــــــــــــ
الديره كلها اسمعوا بان في سكان جدد راح يجون ويعيشوا هنا بس ما حد يدري من هم الناس بالضبط!
ــــــــــــــــــــــــــــ
متجمعين شباب الديره في مجلس احد رجال الديره..
تكلم عزام بهدوء/ اليوم شفت  ام فهاد قسم بالله قلبي كان بيوقف يا عيال شكلها يروع انا يوم شفتها سكرت الباب وطيت رجلي ..
ضحك وافي وهو يقول/ هذا وانت ما شفت شيء احمد ربك انا عايش جنبها كل يوم في الليل اسمع اصوات من بيتهم
رد لافي يثبت كلام اخوه وافي/ اي والله صادق انه قسم بالله نتجمع في غرفه وحده ونقرا المعوذات وما يجينا النوم الا بعد ايش!
ضحك نواف وهو يمسح شعره بغرور/ لو انا مكانكم ما راح اخاف!
تكلم يعقوب بلقافه/ اقول اعقب ي الكذوب اجل اليوم الصباح ليش تلحق ساهي؟
ضحك ساهي وعزام ويعقوب على ملامح نواف الغاضب الي رد بغضب/ انت وش جابك هنا يا حمار روح العب مع الورعان اللي هناك تراك جاي مع أشخاص اكبر منك!
وقف يعقوب وهو يضحك/ اوه اوه مسوي فيها انك معصب دز امها بس..
ركض يعقوب يوم شاف نواف يركض خلفه!
ــــــــــــــــ
جهزوا اغراضهم وركبوا السياره ونطلقوا فهد وابوه وامه في سياره وسعود ومعاذ وسجى ونرجس في سياره.

في سياره سعود

لف سعود وهو يشوف خواته كل
وحده معها جوال تضحك!
تكلم بهدوء يوضح لخواته الديره اللي راح يروحون لها/ اسمعي يا سجى واسمعي ي نرجس
الديره اللي بنروح لها ما هي نفس مدينتنا ما فيها نفس مدينتنا كل شيء فيها يختلف حتى عاداتهم وتقاليدهم فاذا شافوكم راح ينقدون عليكم!
وانا طبعا ما راح اسمح لهم يتكلمون عن خواتي سواء خير او شر!
تكلمت نرجس بعدم مبالاه/ما يهمنا خليهم يقولون اللي يقولون!
تنهد بضيق وسكت!
ــــــــــــــــــــــــــــــــ
عند الشباب ما تحلى الجلسه الا بعد ما يسمعون قصيده غزليه من لافي!

تكلم لافي وهو يناظر القمر وبحب/
مثل القمرا تخاطفها السحايب
ضيّها واضح و المسافه بعيده

رد ساهي/ الله عليك
تكلم وافي بفخر/ صح لسانك ي اخو وافي!
ضحك نواف وهو يقلد وافي/ صح لسانك ي اخو وافي ههههههههه اللي يشوفك يقول ان لافي محرر فلسطين ترا بس قال له قصيده من بيتين !
تفشل وافي ورد بغضب/ وش دخلك
امتلا المجلس بي انواع السوالف والنكت والضحك والقصيد والقصص....
ــــــــــــــــــــ
وصل سعد واهله للديره الساعه 11:00 في الليل وقتها اغلب الديره ناموا دخلو بهدوء لبيتهم دون انتباه احد من سكان الديره..