ي ابوي مثل حب متعب للريم ما انت لاقي

البارت 16

واليوم يوم الخميس تجمع شيبان الديره وعيالهم حول الخيام عشان يجهزون لعرس لافي الي باقي عليه يومين تقريباً
كان هاذا يبني وهاذا يجيب الحطب وهاذا ما سك السلم لذاك وهاذا يجيب القهوة والهيل والزعفران و الشاهي والماء والسكر وغيرها كانوا يد بيد
جالسين الشياب يشرفون على الشباب
تكلم مسفر بغضب/ ي ولد اترك عنك العب وروح نزل الحطب من السيارة
تكلم بندر الي كان يلعب مع يعقوب ومعاذ/ ترى نزلنا الحطب وخلصنا شغلنا الاغراض الباقيه العيال يشتغلون فيها!
بدر وهو يسحب بندر ورد بلا مبالاة / خليك من ذا العود المعفن وتعال نكمل لعب قبل لا نخصر
فتح فمه من الصدمه وجاء بيتكلم بس ما يمده هاذا هو بدر ابعد عنهم يلعب .
عزام وهو معدي فوق السلم وتكلم بنرفزه/ خالد وربي لو ما مسكت السلم زين لفقع عينك لا تحركه ياخي
ضحك نواف وهو يمسك السلم/ انا اخو عزام اخوه ابشر بسندك يمسك لك السلم
عزام بغضب/ اقلب وجهك انت بذات ما منك امان!
ضحك خالد وهو يبعد نواف عن السلم/ يلا ابعد ي اخو عزام هههههه
شمق لهم وراح يدور له احد يناقره
.
.
.
تكلم ابو لافي بهدوء/ من زمان وحنا ما جلسنا هل جلسه الصراحه ابي ننام كلنا في المخيم وش قلتم؟
رد ابو عزام بعد ما عجبته الفكره / اجل تم نرسل العيال يجبون لنا الفرش والبطانيات عشان ننام!
ابو لافي بهدوء / اجل عشاكم علي
ما عطى احد فرص على طول دق على وافي وهو يقول
اذبح الذبيحه ي ولد عندنا ضيوف نبي نضيفهم!
.
.
.
مجتمعات البنات يرتبون اغراض ميثى الي واضح مو مستانسه
جت هلا وهمست في اذن غزال/ هي غزول حال ميثى ما اعجبني ترى هي راضيه بلافي بس المشكله بلافي
غزال وهو تبتسم / بخلي قلب لافي ما فيه الا ميثى وبخلي ميثى تحاول!
ردت هلا بستغراب/ كيف تبين ميثى تحاول وهي تعرف ان لافي يحب الريم!
غزال بخبث/ شوفي الحين وراح تعرفين الجواب الي بيرضي فضولك
وقفت غزال وهي تشوف كل بنات الديره موجودات حتى الريم موجوده راحت وفتحت الدرج وطلعت منه صندوق واضح انه حق هدايه!
وقفت عند ميثى وهي تقول/ هاي ي عروس واضح انك متوتره
غمزت لها وهي تكمل/ خذي ذا الصندوق ترى هديه من لافي حبيب القلب
حمر وجه ميثى ومسكت الصندوق
كملت غزال/ افتحيه وقولي لنا وش موجود وكملت بخبث.عاد تصدقين قال لي خليها تفتحه قدام البنات خليهن يعرف مدا حب لافي لميثى وكملت تدعي البراءة/ عاد تحمست اعرف ايش موجود
فتحت ميثى الصندوق وهي مستغربه بس ما اهتمت ابد بالعكس حست بشعور غريب ما تدري ايش هو بس الي تعرفه انه شعور سعاده!
كان في الصندوق عطور فخمه ومعاها طقم ذهب ناعم و ورقه مطبوعه طلعت الورقه
وقتها تكلمت نرجس بحماس/ وش مكتوب بالله قولي احس تحمست وكذا
تكلمت بهدوء وخجل وبسمه خفيفه مرسومه على وجهها وهي تقرأ المكتوب /
«فريدة الطبّع وحَلوة الوصوفّ
ناعَمه ورقيقه كأنها الزهور
هي النادره و الفارقه بالوصوف
لك قلب الافي ي ميثى اعذريني على التقصير بحقك بس يعلم الله انكِ على بالي حتى لو كنت مشغول خذيتي قلبي ي بعد قلبي انتي ومبروك لنا ي بعد حيي
من زوجك لافي »