ي ابوي مثل حب متعب للريم ما انت لاقي

البارت 22

البارت بيكون شوي محمس ما سوف اكتب في هذا البارت هذه مجرد مقتطفات في حياه بعض مننا سواء كان عربي ام اجنبي بالكثير مننا يعاني ويحمل الكثير من المشاكل والهموم
لكن لا باس فهي مجرد دنيا فانيه
.
.
.
.
من الغيره والحسد فعل الفحشاء هاذا الي ما كان يحسب حسابه صرخ وهو يشد شعره تذكر الي صار ودمعت عيونه بفعلته الي أغضبت ربه وضيعت بنت الناس!!!!!!!
اخذ طريق خارج السعوديه بكبرها وهو عارف لو دروا عنه بيروح فيهاا
.
.
.
بدا يجهزون كل شي للعرس جلست في غرفتها وهي تشوف الساعه ٥ تكشخت بس كنسلت تروح للعرس اخوها خذ لها مستحيل تفرح له حتى زوجه اخوها ما بلعتها تدري ان اخوها ندمان لكن ما راح تسامحه وهو ما دافع عنها قدام الرجال كذا راح يحسب الرجال ان مالها سند ويذبحها كل ما زالت الجلسه!!
.
.
.
تبكي ودموعها تنزل بغازره والي يشوفها يقول ميت لها احد غالي وليسا يوم زواجها!
جلست نرجس ومعاها هلا وهم يحاولون يهدونها
هلا بضيقه على صحبتها/ ياخيي المكياج يخرب طيب مهوب عشانه خليه عشانك اليوم يوم فرحتك ي غبيههه
صرخت وكان ما عاد فيها تكتم/ ياخيي بسسس ما بقى غير اتزوج غصب عني و واحد بدوي متشدد مقرفف اااااااااه بس الله ياخذه
تكلمت اختها نرجس وهي تحاول تغير جوها/ بسس والله انه مزز هههههههه
سجى بغضب/ من جنبها
.
.
.
معصببببب لخر حد لدرجة انه صفق اخوانه وعيال الديره كلهم وكل ما مر من واحد صفقه تكلم بغضب ماله داعي وهو يشوف معاذ يطيح منه الفنجان/ ي ورععع الله ياخذك قول امين ذا الي فالح فيه روح ساعد نواف لا بارك الله فيك!
قعد معاذ يناظر في غازي بنظرات كانه يقول الله يعين اختي عليك
.
.
.
طلع وراح للبيت وهو ناوي يراضي اخته لرضت عنه بيزين يومه ويروح هم ويهون كل شييي
دق الباب ولا رد تكلم ببحه حزينه/ ريميي تكفين أفتحي ي عين اخوك شوفي حالي يرضيك في يوم زواجي اتضايق عشان انتي متضايقه
لا يوجد رد
تنهد ليردف بحزن/
وشلون اخلي الحزن من حول وجهتس يطوف ؟
وانا به اشوف ماضيَ و مستقبلي
‏ㅤ
‏تعالي في صدري الصامد بـ وجه الظروف
‏واللي تشيلينه من الاحزان خليها علي .

ردت بحزن وكن القصيد بس هو الي يعبر عن الي تحس فيه/وجرَ قلبي جر قوسّ في يد اللي جره
‏يوم جاز له الحن والراس ماهو خالي

‏مايشوف من السماء لوكان كبر الذره
‏نايشه ضيم الزمان وفاقد له وليفّ

‏والفراق اكبر مصيبه والجفيا مره
‏تهدم الظن الكبير وتوجع الرجالي .
سكت وهو يسمع البكاء المخلوط مع قصيدها!
.
.
.
اذن المغرب البيت فضاء ما فيه احد ابدأ سمعت الباب يدق طلعت من غرفتها ونزلت تحت وفتحت الباب وهي ما تدري من يدق الباب تحسب وحده من خواتها لن غدير قالت انها بترجع بعد كم ساعه
صرخت وهي تشوف لافي يدخل ولا يعطيها فرصه تهرب او تعرف ايش هو يبي بالضبط  الشيطان لعب به لف يده على خصرها وهو يضمها ويقبل رقبتها لتنتشر قبلات في جميع انحاء جسمها وهو ناسي رب العباد حراممم ما يجوز صرخت وهي تشوف انه يتمادى ولكن من يسمع لها من يسمع نداها اي حب هاذا اي حب شريف يتكلمون عنه ؟
كان يريد جسدها لا قلبها اي رجل هو كلا ليسا رجل انه شبه الرجال القذره بكت وهي تلف الشرشف الي كان على الكنبه وهي تشوفه يخرج هارب ليش ما تكمل وتاخذ روحي ما يكفيك انك خذيت شرفي وش عذري من ابوي اخواني وش عذري من ربيييييي ؟؟
.
.
.
جت الساعه 10 وزفوا عزام على سجى وكل واحد منهم مو طايق الثاني!
مشو العيال يم البيت
غازي وهو يعقد حواجبه/ غريبه الجو اليوم مره بارد شو السالفه؟
ضحك ساهي وهو يحط يده على كتف غازي/ صراحه نسيت اسئله تبغاني اسئله؟
دف غازي ساهي وهو يكمل طريقه/ هاهاهاهاها ما يضحك ي سخيف!
جلس نواف بنص الطريق ليتكلم بتذمر/ تعبت يا اخي خلاص ما عاد فيني حيل امشي حتى خطوه ثانيه اللي في قلبك خير يشيل يوصلني الفراشي انا عجزت طلع الشيب في راسي ما ودكم تساعدوني؟
كمل العيال طريق والا احد التفت له ولا اعطاه وجه
ضحك مشعل وهو يشوف نواف ماله نيه يقوم/ شكل مالك نيه تقوم هات هات يدك بس
ما تردد نواف ابدا على طول مد يده لمشعل
ليصلون للبيت ينامون دون اي حرف واحد
.
.
.
ادخلوا الشقه اللي راح ينامون فيها بعد ما اخذ طريق من ديرتهم للخبر وهو مره متوتر ما يدري ايش يسوي واللي هو متاكد منه انه ما بلع سجى ولا سجى بلعته
لف على الفجر وهو يشوفها متوتره لكن شكلها تحاول تظهر العكس تكلم بهدوء/ غيري ملابسك وضي عشان نصلي ثم نتعشى!
هزت راسها سجى هدوء دون اي حرف
دخلت سجى الغرفه اخذت منشفتها وبجامه ناعمه تناسب جسمها المنسق اخذت دش على الطاير طلعت ولبست البيجامه وهي ما تدري وين راح بعد ما حطت الكريم والعطورات طلعت وهي تسب في داخلها وتتمنى ما تشوفه في الصاله للاسف خاب تمنيها لانه طلع بوجهها وهو كان ناوي يناديها
ناظر فيها باعجاب وهو يحاول يخفي اعجابه/ ااا كنت بناديك بس دامك جيتي امشي نصلي
هزت راسها لتردف بصوتها النعام الهادي الملي باحراج هي مستغربه منه/ امم انا ما اصلي.
عقد حواجبه بستغراب ثم استوعب كلامها مسك ابتسامته عشان لا يحرجها وهز راسه/ اجل انتظريني بصلي ونجي نتعشى
.
.
.
.
تصلي وهي تستغفر اللي صار لها ابدا مو بهين مو براضيه تفتح غرفتها لخواتها اللي يبغاني يسولفون معها عن اللي صار بالعرس تحس انها قذره تستحي تطلب من الله شيء تخجل لدرجه لا تصدق الله لا يسامحك ي لافي الله ياخذك الله لا يردك
.
.
.
ادور لعيني نوم لوكانه سلف
من بارحة لأولى وأنا أودي وأجيب

طواري منها شعر رأسي وقف
تزاحم الضيقات بالصدر الرحيب

نفتح ملف الهم ونقفل ملف
يالله بجاهك من تريدية النصيب