ي ابوي مثل حب متعب للريم ما انت لاقي

البارت 18

كان واقف مصدوم ليش يذبحون الريم وش دخلها بميثاء؟
شاف الحريم يدعون عليها ويقذفونها!!
لفيت على اختي غزال الي قالت ( تذبحها عشان تاخذ لافي!)
.
.
.
.
ضميتها وصرخت لما شفت دمها وانا الف بخوف/ ي عيال دممم دممم!
تكلمت وحده من حريم الديره الي تحب ام ميثاء وحبت ميثاء من حبها لمها/ تستاهل اكثر ذي القذره عديمة الكرامه تركض خلف رجال ما يبيها شافته ما يبيها قالت اذبح ميثاء حطت لها سحر مسموم
صرخ ساهي بغضب/ عن الغلط مهوب الريم الي تسوي السحر والحرام مهوب الريم الي تركض خلف الريجيل الريم ما تحب احد فاهمه!!؟
تكلمت الحرمه بغضب وهي تردح وترادد الرجال/ الا الريم تسويها فهاد يقول انها جت له تترجاه يسوي لها سحر رفض بس هي لقت لها ساحره ثانيه والخدامه تقول انها شافت الريم بالمطبخ اليوم والريم يوم شافت الخادمه ارتبكت ترى كل شي واضح وهاذا حنا كشفنها الي
سكتها كف وصراخ نوره وهي ترفع يدها بوجه الحرم/ اسمعي ي ام جود مالنا بطويله الريم معروفه عندنا ترها تربيت الجازي ومطلق لو نشوفها تسويها نكذب عيوننا ونصدقها واطلعي من البيت انتي والي معك!
تكلم مطلق بحزم/ بذمتي كلمه وحده عن الريم انكم ما تشوفون السعاده ولا حتى تشمون ريحتها
تكلمت موضي وهي تشوف محد طلع/ ما تسمعون حنا نقول لكم اطلعوا وانتم جالسين شكل انتم الي ما عندكم كرامه
.
.
.
شالها عزام وهو يشد بحضنها وهو يسمع شهاق اخته الي يقطع القلب والي يقهره انها قاعده تبرر له تكلم بحزم ممزوج بحنان/ ي عيون اخوك انا لو اشوفك ما اصدق عيوني ما لها داعي تبررين لحد انتي واثقه من نفسك وحنا واثقين فيك ليش تبررين لهم ليش؟
شدة على يدها الي على ظهر اخوها وهي تقول/ عزام اسفه ما جاكم مني غير الاذاء
نزلها وقال بهدوء/ هشش بلا هرج زايد ي عيني ولف وهو يأخذ الشاش الطبي من هتيف بس اخذته نوره وهي تقول/ قوم ي عمري روح لبوك انا بعالج جرحها مع البنات
هز راسه/ انتبهي لها يمه اذا صار لها شي ناديني
هزت امه راسها ودخلن البنات وبدن يعالجون جرحها .

جاء الصباح الساعه سته قامت وهي تحس بالم بجنبها بس اخف من امس فتحت شباك غرفتها وشافت اهلها يشلون اغارض ويحطونها بسياره وزعاجهم خافت من الفكره الي داهمت عقلها معقوله بيتركون الديره بسبتي اهلهم وحلالهم وشغلهم وكل شي بها عشاني؟؟
تنهدت لما سمعت يعقوب يقول( اغراض العزبه جاهز)
شكلهم بيروحن لكشته او شي من ذا القبيل راحت تروشت وغيرت الشاش وتجهزت وطلعت سمعت اصوات البنات بالمطبخ دخلت تكلمت حصه لما شافتها/ صباح الخير ي حلوو
ردت لها الابتسامه/ صباح النور وش تسوون هنا
غدير بحماس/ بنروح للمزرعه اوهه من زمان عنها
العنود وهي تنشف يدينها من الماء/ بنمشي الساعه ثمان خالي مستعجل علينا
ابتسمت الريم بهدوء عرفت قصد ابوها من ذي الرحله المفاجه كله عشان يبعدها عن الديره ومشاكلها!
.
.
.
صرخ ساهي بغضب/ ترى بيجي ابوي ويهاوشك تدخل الدجاج وهو تو طلع
ضحك غازي وهو يجلس على البلك الموجود عند الشجر/ المشكلة لو ويش مستحيل يدخل الدجاج اخوك ذا ضارب
لف يعقوب الي جاء عندهم وهو ماسك رجله / ذي الدجاجه سريعه ياخي بعدين ترى سمعتكم تسبون
رفع ساهي حواجبه/ وش فيك ماسك رجلك ؟
مد بوزه بقهر /كنت الحقها ما شفت السطل الي قدامي وتهبدته وطحت كله من الدجاج اخخخ يموت وش علي منه
ضحك غازي وهو يقهر يعقوب
.
.
.
جاء ونادا/ هتيف شغلي الدينمو وتعالي هنا عشان اذا قلت طفي تطفين
جاه صوت عنيف البعيد شوي/ طيب
راح وشاف خالد يضحك/ وش فيك تضحك ؟
رفع حاجبه/ حرام اضحك عزومي
دفه بغضب وقرف/ ابعد الله ياخذ بليسك
خالد بدلع/ لا عزومي لا تدعي على بليسي
وقف وهو ياخذ انبوب الماء ولف بسرعه ورش الماء على خالد الي شهق
ضحك وهو يقول/ احسن عشان مره ثانيه ما تتدلع عندي
اخذ خالد صنبور الماء الثاني وقعد يرش على عزام
.
.
.

دخل مطلق داخل البيت وانصدم وهو يشوف
عزام و خالد يلعبون بالماء
صرخ مطلق عليهم بغضب
/ وجع يوجعك انت وياه تلعبون بالمويه اللي ندفع عليها فلوس اذا هاذي سواتكم وش نقول لبندر وبدر ويعقوب؟
نظرو بعض جو ب يهربون بس زحلقوا بالمويه وطاحوا وحصلوا هواش وضرب من مطلق
.
.
.
راح بيدخل داخل في قسم الرجال يبي يغير ملابسها الغرقانه مويه بس تصنمم اول ما شاف اللي قدامه بنت لا ذي ملاك نفس الي شافها قبل سنه تقريباً يعرفها!
.
.
.
كنت بروح اطفي الدينمو اللي طقاقه بالمجلس لكن تصنمت اول ما شفت خالد ولد عمتي ما غيره ركضت وهو عطاني ظهره
.
.
.
قال مطلق النوره تدق على مها زوجه سعد عشان تجي معهم للمزرعه ه هي وعيالها فهد و سعود و معاذ وسجى ونرجس و طبعا مع ابوهم سعد
.
.
.
غدير وهي تجلس جنب ابوها/ يبه طلبتك قول تم
ابتسم مطلق وبحب/ تم
غدير/ تكفى بقول لريا تجي معنا وش قلت؟هز راسه/ ناديه موب مشكله واذا رفضت قولي لها ابوي حالف
وقفت بحماس وطلعت تركض لن العيال عند الباب الثاني يجهزون بس للاسف صدمة غازي الي كان يركض يجيب الاغراض الباقيه صرخت وهربت وهو واقف متصنم يعرف صاحبت الصوت ما غيرها غدير الي مشغله باله من زمانن
.
.
.
جت الساعه 8:00 والكل تجهز يروحون للمزرعه
ركبوا السيارات بحماس ونطلقوا للمزرعه
.
.
.

أحيانًا أقول أن قلبي لن يتحمل حدث معين، ولكنه يتحمله، أشاهده يتحول إلى قطع صغيرة ثم يعيد بناء نفسه دون تدخل مني .
.......
دعمكم