ي ابوي مثل حب متعب للريم ما انت لاقي

البارت 28

ضميت نفسي وانا اداري دموعي لا تنزل بسبب هروبي حكم علي الاعدام هاذا هم يعاملوني كني شحاده يمنون عليها طول عمرها الريال الي دفعوه بحقها!
ويمكن حالها احسن من حالي وربي الدمع بعين صرت اعجز اهله كل شي حلو بحياتي فقدته أهلاً وسهلاً بالموت متى ما بغى انا انتظره ولا انتظر الا حسن الخاتمه!
لفيت على الباب الي انفتح بقوه وتتوسطه الجازي الي بيوم ابتسمت لي بنفاق هاذي هي تطلع لي وجهها الثاني وهي تناظرني من فوق لا تحت/ اسمعي ي بنت الكلب هروبك خرب عليك دلالك وهاذا جزاك انزلي الحين نظفي المطبخ واذا خلصتي روحي لمي تقول لك شتسوين!
وقفت وانا اناظر لها بلا مبالاة/ زين الخلاء ( يعني اقلبي وجهك او ابعدي) ي الجازي!
صرخت الجازي بغضب/ لعنبوا بليسك انا تقولين لي انقلعي ؟؟
ناظرت بها بستغرب من الدراما الي تسويها/ لا اقصد الي بجنبك!
تعديتها وهي لسا تنافخ ماني قويه بس لا باس بتظاهر بالقوى!
دخلت المطبخ وانا اشوف كل مواعين المطبخ النظيفة والوسخه محطوطه لي عشان اغسلهم تنهدت وانا احلف اني لطلع من عيونهم تعبي!
طيب كيف؟
سؤال خطر ببالي اي بالله صج كيف باخذ حقي وانا ما عندي سند؟؟
سندي ابوي الي رماني باول الطريق؟!
والا اخواني الي دفعوني بالبير!؟
ولا عيال عمي والشرها على عيونهم؟!
عطيت نظره بنحاء المطبخ صح!
اليوم عزيمه!!
وبه رجال بالمجلس!!
ابتسمت بخبث على فكرتي ليش لا انا ما راح اسمح لهم يهونون لا انا الي راح اخليهم يتمنون الأرض تنشق وتبلعهم!
طلعت بسرعه يم قسم العيال ما كان به احد دخلت بسرعه غرفت واحد منهم وخذيت لي ثوب وشماغ وطلعت واول مره نكون انا والحظ أصحاب!
ما كان به احد!
دخلت جناحي ولبست وتلثمت بشماغ
بقول لكم بفعلتي النيه الي الله يستر عليها ابغى اجي بين الرجال على اساس اني واحد من المعازيم واطلع من بينهم والهروب هدفي!
الحاجه ام الاختراع!
ركضت خارج البيت ورحت يم المجلس عظامي تصك من بعض اكره الذكور الي منهم لافي وساهي وعزام وابوي وعمي وعقاب وغازي وخالد ونواف و مشعل وكل الرجال!
دخلت وانا الي يشوفني يقول طالع من مستشفى المجانين الثوب اطول مني وشماغ مدري شلون قايل دخلت وانا اسلام بهدوء بلعت ريقي وانا اشوف كل الأنظار علي!!
ليه ؟
لن عقلي الغبي ما فكر انا العزيمه عزيمة اهل ما بها ناس غريبين!!
رفعت راسي لشايب واضح الطيب بعينه وهو يقول/ وعليكم السلام والرحمة اقلط ي ولد لا تاقف عندك
ي ربي لطفك وش ذي الورطه
دخلت وانا خطوه قدام وعشر خطوات وراء
لحظه جاي ببالي فلم هندي للحظه استغفرالله افكر اهرب اوقع الشايب بحبي واهرب استغفرالله استغفرالله افكار هنود جلست ولا سلمت لحد العب ي الفشله!
قالي الشايب بحنان/ من انت ولده ي النشمي الظاهر انك مضيع دربك
جاتني الحجه على طبق من ذهب!
لفيت لشايب وانا اضخم صوتي/ ي عمي وانا بنص الطريق تعطلت السياره وجيت امشي ادور على فاعل خير ولا حصلت وجيه ناس نشامه تكفى ابغى اهلي تراني صغير ولا ادل بيتهم!
الحمدلله فادت جلستي مع يعقوب اكبر ممثل ومخترع كذب بالعالم سكت وانا اشوف نظرات الكل علي وخصوصاً عقاب عليه نظرات غريبه بسم الله لا يكون عرفني!
تكلم الشايب بنخوه/ انا ابو متعب ابوه امش لا بارك الله بطريق يردك عن اهلك كم عمرك ي وليدي؟
رديت بمنطق بما اني ولد فا الي يشوفني يقول ١٦ أو ١٧ / ي عمي ١٦!
استغرب ورد/ ١٦ وش موديك عن أرض اهلك كل ذا البعد؟
رديت وانا استعين بكذب يعقوب ودمعت عيوني وبان النبره بصوتي بسبت اشتياقي له هو الوحيد الي بكاء من اخواني شفته وهو يصرخ بسمي يوم يرموني بالبير/ ي عم انا اكبر إخواني امي مالها غيري وابوي ميت!
ربت على كتفي وقال أبو متعب/ ونعم والله ي وليدي ابشر بمن يردك لهلك امش!
مشيت وراه وانا ما توقعت انها تعدي على كذا!
و اول ما طلعنا من المجلس قال الشايب/ انتي البنت اللي يقول عنها عقاب
شهقت شهقه وحطيت يدي على فمي/ هاه؟
ابتسم وهو مكمل مشي/ اعرف اميز البنت من الولد ماني غشيم ي بنيتي مار بذمتي محد يقرب صوبك ومن الحين انتي تحت جناحي
تكلمت بسرعه/ بس انا ي ع..
قطع كلامها وهو يقول بحنان/ كان لي بنت انخطفت وبعد سنتين تقريباً رجعها الي خطفها ومكانت بنت كانت تبكي بن مالها دخل بس الشيطان خلاني اقتلها بدم بارد وليومك ذا ندمان قد شعر راسي لا ليلي ليل ولا نهاري نهار ويوم سمعت سالفتك من عقاب حلفت لجيبك لجناحي معززه مكرمه
بكيت بضعف ياخي ضاعت علومي ضاع كل شي الشايب ذا تعدا حدود الحنان ابتسمت وانا اسمعه يقول/ عيونك لا تبكينها ترى توجع قلبي قبل لا توجع خدك!

الله ي حليله!
نزلنا عند بيته الي كان عباره عن بيت محترم وعلى قد الحال وقال بهدوء/ من الحين ذا البيت بيتك وما به غير ام متعب لحالها ولدنا مسافر بالحد الجنوبي!
ابتسمت بهدوء/ الله يخليكم له ي عم!
لف لي وهو يبتسم/ ي يبه افضل متشفق على ذي الكلمه ي بنتي!
ابتسمت بهدوء و وجع لذكر حنان ابوي/ ابشر يبه!
ابتسم وشقت الابتسامه وجه كنه ملك كل الدنيا ونزلت دمعه تشكي وجع الايام/ الله يسعدك زي ما اسعدتي قلبي!
دخلنا البيت حتى استقبلتني العجوز الطيبه بكل سرور
ونمت بأحضان هاذا الحنان
.
.
.
صرخت ام عقاب وهو تقول/ لعنبوا بليسكم البنت هربت!
عم البيت بالزعاج وهم يدورون عليها لكن قال الليث بهدوء/ البنت راحت خلوها بحالها!
وسكتوا لكن به واحد ماله نيه يسكت!
..
.
..
.
..
كل ما هبتَ على قلبي نسانيس الليالي
‏قمت احسّب ماكسبت من الحياه وماخسرته

‏واتذكر مكسبي واللي غدا من راس مالي
‏واتذكر كل حلم ما هدمته لا عمرته

‏واتذكر كم غدالي من صديق وكم بقالي
‏وكم صديق حافظ بـ كرتهَ وصد وضاع كرته .
.
.
.
.
ومرت سبع شهور وحل شهر رمضان
جيت اركض وانا علي جلابيه من صنع امي( ام متعب) انسانه اطيب من قلبها مافيه سهرت علي وقت تعبي لا نفاق ولا غيره اطيب منها ما فيه وابوي ( ابو متعب) يدلعني ولا شي يخليه بخاطري
كانت أفضل سبع شهور بحياتي
ابتسمت وانا اشوف امي تقول/ وش بلاك تناقزين اهجدي!
ضحكت وانا اجلس جنبها/ احس بسعادة غريبه ي يمه اوهه من زمان ما حست به شكله شوق لرمضان!
ابتسمت ام متعب وهي تنشر الحنا بيدها/ والله شوقي لذا الشهر صار ازود تصدقين ذا الشهر الي اشوف به ولدي ي الريم!
لفت الريم لها وابتسمت/ ما عليك ي خالتي بيجي وتقر عينك به!
هزت راسها وهي تقول/ قومي نادي ابوك بوطي ( بنزل)  العشاء الحين
هزيت راسي/ ابشريي على هالخشم!
رحت بنادي ابوي الي كان يجلس بالحوش فرحتي بان بكره اول يوم بشهر رمضان المبارك شي ماله حدود يوهه ي فرحتي طلعت وانا بس اتحجب قدام ذا الشايب الطيب وقلت وانا واقفه عند الباب/ ي يبهه!
لف لي شاب وهو معقد حواجبه لف عني بسرعه وانا دخلت ركض/ يمه يمه ي قلبي به رجال برأ عند ابوي
تهلل وجه امي وهي توقف/ الله يحيهه ويحي طاريه ابك ذا متعب ي الريم
رحت بخطوات سريعة بنسبه لها خطوات كلها شوق لولدها..

ادعموني وشكراً