ي ابوي مثل حب متعب للريم ما انت لاقي

البارت 23

سلام
معليش على السحبه ذي الفتره فترة اختبارات دعواتكم
ادعموني عشان اكمل لكم بشكل يومي
البارت بيكون طويل أن شاء الله واعتذر عن الغلط الاملائي الي صار في البارت السابق
.
.
.
طول الليل صاحيه شافت جواله يدق باسم عزامي ارتجفت بخوف انتشر في انحاء جسمها الساعه الان 3 غريبه دق!
ما ردت ولا لها رغبه ترد تخشى ان تدمع عيونها وتشكي ما حصل لن يرحمها رغم ان لا ذنب لها حطت يدها على فمها والدموع تسيل شهقت وضمت يدها لفمها بقوه خوف من طلوع صوتها اهه لو كان الانتحار حلال اظن في هاذا الحظه قد انتحرت
.
.
.
مسويات جلست حش جت الساعه 3 ولا لهم نيه ينامون
ضحكت غدير وهي تمسح دموعها من كثر الضحك/ تسوقينها ما كنتي موجوده لما رقصت غزال!
نفخت خدها بعفوية وهي تتكلم بتذمر/اعرف كيف ترقص ترى!
ضمت هتيف غصون وهي تطلع لسانها لغدير/جعلني فداتس ما عليتس منها لا تبكين وانا اختس
دفت غصون هتيف وهي تتكلم بغضب/ سامجههه ما يضحك الجلسه معكم تجيب الهم من غير الذنوب الي من اليوم تجمعونها!
لفت شهد وضمت اختها وبدلع/شوفوني انا وخيتي نحب بعض ما نتهاوش صح عوعو؟
رمشت العنود وبدلع/صح شوشو
سكتوا اول ما سمعوا بكاء قامت حصه بتافف/ذا صقوري صحى من ازعاجكم صادقه غصون الجلسه معكم تجيب الهم لو نايمه ابرك لي
.
.
.
لترفع المساجد باذن الفجر
تحرك بهدوء سبحان الله من يوم وهو صغير يصحى بوقت الصلاة دون اي منبه او شي
يحس بضيق ما يدري ليش بس اكيد يخص اخته تعوذ من الشيطان وقام يوضي وطلع للمسجد القريب يصلي

حست فيه لما قام خذا شوي وطلع وقفت بهدوء وهي تحس بجوععع امس من الحياء ما كلت راحت المطبخ شافت زود عشاهم في الثلاجة خذت سندوتش صغير عشان تاكله قبل يجي حرت السندوتش ولما لفت شهقت يخوف وهي تشوفه واقف عند الباب عقد حواجبه بستغراب/بسم الله وش تسوين هنا
شاف معها سندوتش و واضح انها منحرجه عض شفايفه مع غباه وقال بسرعه عشان يروح الاحراج/ترى بنروح اليوم لمكه يكون حلو نبدا حياتنا بعباده سكت وعض شفايفه كان بيكحلها لكن شكله عماها كيف تروح مكه وهي معها العذر الشرعي قال بسرعه للمره الثانيه عشان يطير الاحراج/ولا اقول نروح لهلنا اليوم وبكره ندوج في السعوديه وبعد كم يوم نروح مكه
عطاها ظهره لما شاف أنها متوتره/جهزي نفسك
وطلع
.
.
.
جلس وبطفش/عيالل شاهي أبيي
جلس ساهي/يالله صباح خير وش تبي بشاهي وانت ما افطرت؟
وقف بندر وبنذاله/بعلم امي عليه هاذا كبير وعقله صغير
وقف خالد بسرعه ورما اخوه بالمركاء(التكايه) ثم جاء فوقه وبتهديد/ وش كنت بتقول لمي؟
بندر وهو يصيح/ بدررر افزعع
جاء بدر يركض مسوي فزعه مسكه خالد بكل سهوله وحطه فوق بندر وجاء فوقهم وضحك ضحكه شريره/ هههههههه يفزع اجل تسوقها انت وهو ياخي الخلاء بس
لف على نواف وبترجي/ تكفى ي نواف تكفى ي ولد خالي ترى تكفى تهز الرجاجيل
انتفخ راس نواف/ سم وانا ولد مطلق وش بغيت
ابتسم خالد/ شاهي من يد أختك الي تضبطه تكفى خواتي الشاهي حقهم ماش يلاا
ضحك نواف وهو يتكلم بجديه/ عيدها مره ثانيه عشان اشوتك احمد ربك اني نواف مهوب عزام وما ضنتي هتيف بتسوي لك!
ابتسم ومع نفسه هتيف اجل
ناظر في بندر الي شوي ويبكي/ ابي اتنفس ي ورع
.
.
.
الساعه 11 كانت تتسنن للضحى دق الباب فتحته لنه كان ابوها دخل مطلق بهدوء وجلس وناظر بنته/تعالي هنا ي بعدي
ترددت كلمة بعدي على سمعها ماهي اول مره تسمعها بس اول مره توجعها!
جلست جنب ابوها وبهدوء وتوتر/سم يبه؟
ناظر فيه وبحنان/وش يوجعك ي الريم وش يوجعك ي عين ابوك؟
يوجعني كثيررر ي يبه ليتني اصرخ بحضنك واقول وش سوى لافي ليتني ي يبههه وبهدوء وصوت ملي بوجع/بخيرر
اكذب
ماني بخير
اكذب
الخير بجهه وانا بجهه!
بكيت وهو يضمني مسح دموع خانتني ونزلت مسحها وابتسم/كبرتي ي بنت اليوم بنسوي التحاليل للزواج زواجك بعد شهر!
شهرررر تحاليل لا يبهه لااا موتي قرب بيزفوني للقبر مو لزيادد ي ربي لطفك وصبرك ورحمتك بكت وهي تضم ابوها بكاها يقطع الحجر فما بالك با ابوها؟
.
.
.
تكلمت وهي تكمل شغلها/ قسم بالله لو ما سكتن لا انادي مطلق عليكم مهوب حاله بيجي عزام الحين والغداء ما خلص!
تاففت شهد وبضجر/ي خاله ودنا نطلع برا بس العيال مستولين على الحوش!
ضحكت غدير وهي تنزل من الدرج بحماس/فكره وش رايكم نمر ريا ونرجس؟
العنود بملل/لا
لفت لها هتيف/لو يلويك ي عجوز
العنود بملل/ويلويك معي
تنهدت موضي وبطفش/انقلعن انقلعن قلنا نبيهن يساعدنا قلبن المطبخ ساحت حرب الخلاء لا بارك الله فيكم من بنات
جا يعقوب يركض مدرعم ودخل وبحماسس/يمهههههه
صرخت نوره وهي تحط يدها على قلبها/اعوذ بالله لا إله إلا الله فجعت قلبي وش فيك تهابد؟
يعقوب وهو للحين متحمس/عزامممم جااا
نطلت نوره الملعقه الي بيدها ورحت له بحماس وسعاده كنها لها سنين ما شافته
كانت الريم طالعه من غرفتها شافت خواتها واهلها يركضون لفت على يعقوب وبهدوء/شسالفه؟
ناظرها يعقوب وجاء عندها وبهدوء/وينك عن العالم انتي ومسك يدها امشي عزام جاا
.
.
.
نزل من السيارة شاف عمه و ابوه جوو يمهه راح سلم عليهم لف شاف سجى نزلت بهدوء سلمت عليهم مسك يدها وتوترت وقال وهو يبتسم/بنروح نسلم على العجايز اول ثم نجيكم
تكلم سعد بهدوء/رح الله يستر عليك
.
.
.
جالسين تكلم فهد وهو نص الجلسه محد بالعه/ اقول جاء البدوي
رد سعود عليه بهدوء/جاء عندك مانع لا سمح الله ؟
ناظر في اخوه وعطاه نظره
تكلم غازي وهو يصب القهوه للعيال/شكله سحب علينا!
ضحك ساهي/انصحكم تتزوجون اجل
ابتسم غازي وكن الفكره راقت له
.
.
.
شافت خواتها يسلمون عليه وبحماس ومعاهم يعقوب ذا وش الي حاشره هنا
لفيت له وجات عيني بعينه ارتبكت وتوترت احسه يعرف وش فيني ي ربيييي جاا يمي ضمني وهو يحط راسه على كتفي/اشتقت مرهه ما اشتقتي لي؟
حطيت يدي على ظهره/اشتقت والله لك ولغيرك!
ضمها اكثر وكنه فهم من تقصد امهااا ما غيرها
.
.
.
.
معليش على الأخطاء....