ي ابوي مثل حب متعب للريم ما انت لاقي

البارت 33

ادري سحبت كثير لكن الفتره ذي فترت اختبارات ابي دعاكم اول ما اخلص الاختبارات راح انزل بارتين بنفس اليوم كتعويض لكم وبارت ذا كتبته على السريع عشان ما تكون السحبه طويله
صلوا على النبي
.
.
.
‏اصبر على ماجاك وأقبل بما جاك
‏وحبل الرجا خلّه مباري لحبلك

‏لو تضرب الدنيا من هناك لهناك
‏مالك من الدنيا سوى ماكتب لك
..
..
..
مرت ايام تتبعها ايام
بغيت اقول لكم شصار معي انا وتقى!
تقابلت معها بعد شهر عسل وحرفياً كان شهر كامل ولا هوب اسبوع لا كان شهر ويوم حاسبه اليوم بعد المهم كان اخوي يعقوب يجيني بتهريب محد يعلم عنه قال لي ان عزام جاه ولد سماها راجح بن عزام استغربت كونه ما سمى الولد على اسم ابوي !
المهم وقال لي عن زواج خواتي الي كان بعد موتي على قولتهم بشهر تقريباً
وحمل هتيف
وطلب ساهي بزواج من ريا
سالت عن ريا وينها ؟!
قال لي جو اهل امها وخذوها
يعني انتهت ريا من حياتي للاسف..
الحين مر عيد الفطر وعيد الاضحى وحنا بنص شهر واحد...
دخلت المطبخ وانا في بالي اسوي قهوه عربيه ذي ادمنتها لدرجه لا تصدق سمعت اصواتهم في الحوش متعب وابوه وامه واخر شي تقى!
زواجي من متعب حسب ما قيل نهاية شهر اثنين يعني تقريباً ما بقى شي الحين يشوفني واشوفه وبيننا كلام لكن قليل جداً ولا حتى راضاني عن زواجه علي قبل يتزوجني حتى لو ما يحبني يحترم طيب الإنسان له مشاعر اذا ما يدري للحين ماخذه بخاطري عليه ما برر لي ولا وضح لي اما بنسه لتقى غيورره لدرجه لا تصدق بس احس بها طيبه او يمكن مجرد احساس حتى احس بامان اتجاهها بس الحسنه الوحيدة انها مو من بنات ام عقاب احس ذا جانب ايجابي بنسبه لي خلصت القهوه لتقطع افكاري وسمعت ابوي يقول/ ي بري حالي تعالي معنى
ابوي او ابو متعب انسان مقرب لي وصار اقرب من بعد زواجي من ولده صار يناديني (ي بري حالي)
صح ما شفت منه اي زعل من زواج ولده بس يمكن زعل منه بعيد عني الله اعلم
رديت بهدوء/ سم يبه هذاني جيت
طلعت لهم والقهوة معي
رحب ابوي بي وهو يقول/ تو ما نور المكان ي بري حالي هلا تردفها هلا
ابتسمت حتى حسيت خدودي صارت حمراء!
ناظرت بتقى الي كشرت تقول/ وش خليت لنا ي عمي؟
وضحكت ابوي كانت رده عليها
سمعت امي تقول/ وراك مسويه لك قهوه وهنا به قهوه ؟
تكلمت بهدوء وانا اجلس جنبها/ احبها بالهيل ي يمه وذي ما عليها هيل ابد
هزت امي راسها بهدوء
لفيت على همس تقى لمتعب ولفيت بسرعه اناظر ابوي وامي مستحيل اخليهم يحسون اني اغار!
بس يوجع هو حتى ما عبرني ولا رحب بي
.
.
.
ابتسمت بعبط وهي تمسح الطحين من وجهها لفت اول ما شافته دخل كشر وهو يرد السلام ليردف/ وش مسويه بنفسك؟
ابتسمت وانا اكمل شغل/ حلا للحلوين
شفته يقرب لي وهو معقد حواجبه وحط يده على جبهتي/ فيك شي ؟
حرارتك طبيعيه!
ضحكت وانا ابعد يده/ ما فيه شي بس احس فيني طاقه ايجابيه
ميل شفايفه بابتسامة واضحه/ عجيب امرك
ضحكت وانا اشوفه يطلع/ سعودي لا تروح مكان عشان نأكل مع بعض!
هز راسه وهو طالع ليردف/ عاني في الغرفه اذا خلصتي ناديني
.
.
.
متربع حول امه وابوه وولده بحضنه وجنبه زوجته ليضحك على يعقوب الي له ثلاث شهور متغير للأفضل
ليتكلم يعقوب بطقطقه/ عاد تعرفه ما خلا احد بحاله يلحق  الرايح والجاي
ليتكلم نواف بضجر/ مجنون ما عليه شرهه!
ضحك يعقوب والواضح ان الوضع جاز له/ ياخي صح انه مجنون لكن والله انه كفو برد حرتي ببندر وغيرها والله ذا المجنون فله وراك ما تحبه؟
ضحك عزام بصوت عالي ناظر يعقوب/ ي ولد تذكر ذاك اليوم يوم رمى الحجر بنص راسه وغيرها يوم يرمي عليه دمل البهم وغيرها يوم يخرب كشخته الي يتباهى بها وتقول ليش تكرهه هههههههههههههههه ؟
وقف نواف بملل وقهر/ ما يضحك ي فله انت وياه!
.
.
.
من اخر اللي بقوله واختصار الكلام
خوفي اني اخسرك مرحله طفتها

من شفت ماعاد في وجهك حيا واحترام
عيوبك اللي ما كنت اشوفها .. شفتها

الخاطر ان طاب من حاجه عليها السلام
لو انها اغلا من عيوني علي عفتها
.
.
.
.
بكره فيه عزيمه عند بالبر اي كشته عمع اهل ام عقاب واهل ابو زياد!
ي ربي صبرك مدري وش ارح اسوي مالي رغبه اشوف وجههم ومتعب مسوي لي فيها يقول/ما تقعد لحالها بالبيت تروح معنى وش يضرها اذا راحت ؟
عجيب امره ذا الكلام قاله لمه لجل تقوله لي عاجز يقول لي ذا الكلام
لبست العباه وخذت الاغراض وراحت يمهم شافت متعب وتقى بسياره مستحيل تروح معهم!
لفيت لبوي وانا اقول/ يبه بخاطري اروح معك
تكلم ابوي بسرعه/ حيالك اركبي لو ما شالتك السياره تشيلك عيونا
ابتسمت على ذا الشايب الي ما يضيع فرصه الا يتغزل بها
وركبنا وعلى البر مشيناا
.
.
.