ي ابوي مثل حب متعب للريم ما انت لاقي

البارت 20

معليش على السحبه صلوا على النبي محمد صلى الله عليه وسلم
.
.
.
.

ناظرت جوالها شافت الساعه ١ مساء قامت بتسوي لها اكل لنها جوعانه راحت للمطبخ وقعدت تسوي لها كبسه تحس اشتهت كبسه
دخلت هتيف وهي تتثاوب/ ريمي وش تسوين؟
الريم وهي تشتغل/ والله قمت ما فيني نوم قلت خليني اضبط كبسه يحبها قلبتس
ضحكت هتيف/ اسمعي اجل احسبي حسابهم بعد ترى ابوي كرفهم كرف الويل وبكره عيد ما يقدرون ياكلون بس ابوي بيشغلهم الله يعينهم
الريم وهي تغرف الاكل/ يب صادقه..
..
..
..
جهزت الأكل وطلعت برا في الحوش جت غدير وهتيف وغصون وبعدها جو العيال قعدوا يسولفون وياكلون ويضحكون
جت الساعه ٣ بدو يلبسون ويتجهزون والحوسه ووو
سحب اخوه وصار فوقه وهو يحاول يدخل قبله/ والله ادخل قبلك ترى ابوي قال بالكبر يعني انا اول واحد اتروش
دفه نواف وهو يصرخ/ ي حماررر شوف اخوك المعفن دخل قبلي وقبلك
ضحك ساهي وهو يلبس ملابسه/ عاد يعينكم ذا ما يطلع الا بعد ما يخلص المعركه مع الصابون هههههههه
تافف عزام وهو يدف نواف/ انت وين متروش؟؟؟؟
ضحك ساهي/ شفتكم تتهاوشون ونسيتوو حمام امي وابوي قلت خليني اسبقهم له وهاه شوفني
ما يمديه يكمل الا وعزام ونواف يركضون بسرعه للحمام الثاني
ضحك وكمل شغله
.
.
.
وكان نفس الحاله مع عيال عمتهم صف عند باب حمام بيتهم او الصح
بيت مستأجر لهم فتره فحسب
صرخ مشعل/ والله محد يدخل قسمي ولا يتروش فيه طيرو يلا
خالد بضجر/ ياخي غازي بالحمام والحمام الثاني فيه خواتك نبي حمامك دام انك خلصتو منه
رد بصرار/لاااا يعني لااا
وبدا خالد من جديد في اخوه وفي النهايه دخل بندر بحجة انه صغير وعادي يدخل قسمه
.
.
.
وبدأ العيد تجمعوا الناس في مسجد صلاة العيد الفرحه على كل الاطفال اللي معهم حلاو العيد يوزعونه على باقي الاطفال يركضون يمين يسار
وقفت الريم وهي تعدل عبايتها ونقابها وتكلم شهد/ اول ما تخلص الخطبه بروح اعيد على ريا
ضحكت شهد/ وش معنى ريا اول وحده
ابتسمت بهدوء/ لن مالها ام واب تعيد عليهم حالفه انا اني اول ما اعيد عليه اليوم هي
هزت راسها شهد وهي تفهم شعور الريم في انها تحاول اسعاد ريا
لفوا وهم يسمعون زعاج من جهت الريجيل طلعت الريم ومعاها الحريم لن فجأة الامام سكت ولا كمل الخطبه!
.
.
.
صرخ بصوته العالي وهو ما همه احد مثل الي بايع حياته وما يبي شي غير يرضي حقده الي من سنين / اسمعوا ي رجال جيتكم ومعي سلاحي رجعت بعد ما غبت لي مده لكن رجعتي مهوب رجعت سلام رجعت وانا ناوي اخلي ذا العيد يا عزا ي العيد عيدين!!!
ما كان فيه ردت فعل غير السكوت بعض الأحيان يكون السكوت افضل من الكلام لكن قرر احد الرجال يتكلم ببرود/ وش تبي جاي بسلاحك في مسجد الله وش ناوي عليه ي ابو زياد ؟؟؟؟؟
ما كان اسمه الا ضربة سيف بصدر الريم الي من حين شافته وسمعت صوته وهي ما عاد هي نفسها تذكر ان القت صراحه تنازلات عشان عياله وبناته بس وش جابه وش يبي هو وسلاحه وش يبييي؟؟؟؟؟
.
.
.
تكلم سعود بغضب غريب/ شين وقوي عين وجهك مغسول بمرق على بالك انهم سماحوك قبل يعني الحين راح يسوون نفس الشي ؟؟ روح دام النفس عليك طيبه
رد زياد بفخامة الي معتاد عليها الكل/ العذر مهوب منك ي ولد ابوك الود ودي ما نجي لكن الظروف تلوي ذراع الواحد لوي وفي النهايه هاذا ابوي لو يطلب رقبتي جيته والله كل شي فدن له!!

عقدت حواجبي بستغراب تعجبني شخصية زياد احس فيه شي من القوى وقف بوجه عشرات الرجال وهو لوحده وش انت ي زياد ؟؟؟؟
تكلم فهد بسخريه/ تسلم رجلك زين جيت وقفت عيدهم عليهم
صرخ ابو فهد بغضب/ فهددد وش ذا الحكي؟
تكلم فهد بهدوء/ ولا شي
رفع ابو زياد سلاحه بوجه مطلق خلت الكل ينصدم ابتسم ابو زياد وهو يقول/ عندك خيارين ي ابو عزام يا اني اذبحك انت و ولدك عزام ي انك تزوج بنت الجازي لودي زياد!!
شهق كل الموجودين بصدمه ومنهم زياد الي عقد حواجبه بستغراب وصدمه من كلام ابوه ما كان يعرف نيئة ابوه حس بشفقه كبيره على الريم...
مشت وتخطت الرجال جت بين السلاحه وبين ابوها وتكلمت بغضب موجود بصوته غصه/ خذيت امي بس ما راح تاخذ ابوي واخوي اذا خذيتهم من لي روح ارجع لرض لمتك طول ذي السنين ابعد عننا حنا من بعد الحادث ماعاد نعرف طعم السعاده ولو مرت السعاده تراني ما دريت بها يمكن من كثر ما ذقت من مرارة العيش نسيت طعم السعاده لا تخليني اصير سفاحه مثلك اخذ سلاحي واذبح بدم بارد!!
سكتت لما شافت زياد يوقف قدامه وهو يتكلم بتحدي/ وعشان ابوي اصير سفاح واذبحك لن الي يناظر ابوي اذبحه فما بالك لو يتمادى معه مثل ما انتي تسوين ؟؟؟
اكتفوا بنظرات التحدي لبعض والناس حولهم ينتظرون لحظة اطلاق النار ونهاية احد الاشخاص وتحول العيد الى عزا
لكن تكلم لافي بهدوء/ الريم صارت لزياد مهوب لي مبروك
ولف تارك خلفه شخص مطعون صعب تشوف الكل يرفضك ويرميك وكنك شي ثقيل وهاذا هم يرمونك عند اول فرصه لهم اول شي ولد عمها والحين لافي وصارت لزياد الي تو الحين متهاوش معاها ابوها ليش ساكت ما تكلم اخوانها اهله محد مد ذراعه يسندها تحس ضاقت بها الدنيا هي ماعاد هي الريم الي قبل ليتني معك يمه ليتني جنبك ي الغاليه اههه ي يمه اهه
.
.
.
‏يا أصحابي الي لاقل مواجهي تشرهون
‏أنا أعااااني وشرهتكم تزيد العنا

تقدموا فالرخا وان غبت لا تحرصون
‏وان طحتوا أول من يوقف عليكم أنا .