ي ابوي مثل حب متعب للريم ما انت لاقي

البارت ٤

ومع اذان الفجر وقف بيروح يؤضي ويصلي صلاة الفجر..
سمع ابوه كالعادة ينادي على الصلاه/ الصلاه خيراً من النوم يلاا صلاااه لف مطلق وهو يشوف عزام صاحي/ صحي اخوانك ي عزام وامش قبل تفوتك صلاة الجماعة!
عزام/ ابشر يبه..
قاموا كلهم وراحوا للمسجد..
ــــــــــــــــ
قرر يروح يصلي في المسجد القريب من بيتهم ولف لبوه بهدوء/يلا يبه صلاه
رد بهدوء/ يلا..
ــــــــــــــــ
سبحان الله!
التربيه اختلفت بين الاخوان رغم انهم قد تربوا مع بعض لكن صدق من قال [ من عاشر قومن أربعين يوماً صار منهم]
لم يكن سعد مهتم بصلاة أولاده عكس اخوه مطلق الي عنده الدين اهم شي.
ــــــــــــ
صحت مثل العاده وصلت وراحت تسوي قهوه لبوها.
شافت غدير جايه يمها على غير العادة
غدير وهي تنعس/ صباح الخير ي اختي الحبيبه
ابتسمت الريم لختها غدير/ صباح النور والسرور وش صاير بدنيه جايه لهنا عندي اكيد عندس سالفه كايده!
ضحكت غدير/ لا ولا شي بس اشتقت لس ي اختي العزيزه
دخل يعقوب الي دايم يتأخر على الصلاه بسبب نومه الثقيل!
يعقوب يركض بسرعه/ يا ويلي ويلاه من ابوي وصاح وقعد يلف في المطبخ يدور على نعاله وانتم كرامه..
دخلت غصون وبي ابتسامه هادئه/ ابوي برأ ي يعقوب
وقف قلب يعقوب...
ــــــــــــــــ
ساهي بعجز من اخوه/ ترى صبيت عليها جركل ماء بس شسوي فيه ما يحس!
ضحكت نواف/ الله لا يوريك قاعد طوال الليل وهو يسولف مع نفسه!
ابوهم بغضب/ اصص ولا حرف فضحتونا تضحكون على اخوكم هذا بدل ما تسحبونه لين هنا تعرفون ان اخوكم نومه ثقيل استغفرالله بس
بعد الصلاه...
دخل سعود وابوه بيصلون ودخل خلفهم يعقوب الي كان يلهث من التعب بعد ما مسح غصون في الأرض..
لف مطلق بيهاوش يعقوب لكن تجمد وهو يشوف اخوه ومعه ثلاث عيال واقفين معه...
ــــــــــــــــــــــــــــــــ
بعد السنين الكثيره وبعد الليالي الموجعه بعد فراق أحباب اتى اليوم الذي جمع بين اخوان فرقت بينهم الكثير
من المشاكل ولكن للاسف رغم قرب كل من الاخوان الا ان قلوبهم بعيده عن بعض...
ــــــــــــــــــــــــ
مر من عند اخوه و كانه لما يراه او يعرفه!
ــــــــــــــــــــــــ
وفي الساعة عشره الصباح كان فيه رشاش مطر خفيف
جت تركض هي واختها يبون يطلبون من ابوهم يروحون للفرس
كان جالس يتقهوه هو وحريمه
ما درا الا وبناته الريم و غدير عنده...
الريم وهي تتمصلح/ هلا بابوي الغالي والله اشتقت لك وش حالك يبه
تكمل غدير/ والله الشوق جابنا انا واختي الغاليه
ابتسم مطلق وبحب/ قولو الي عندكم بدون ما لف ودوران
هتيف وهي تدخل/ هييي انتي والي معك ما هو على كيفكم المطبخ والبيت عليكم ما فيه روحه!
تكلمت الريم بضجر/  هتوف وش دخلس ي ملقوفه ؟
هتيف بغضب وهي تردح/ تبين تروحين تركضين يمين ويسار وانا انظف بدالك ؟
غدير ببرود/ اي عادي خلي الحلوه ذي تستريح وانتي وش عندس؟
ما عندس شي اجل قومي الله لا يهينك ونظفي بداله وغصون بدالي
نوره ام عزام بهدوء/ خلاص المطبخ ما فيه شي الحين والغداء فيه عند ام ثامر بنروح له!
تكلم مطلق بستغراب/ غداء وش له الغداء ؟
دخل ساهي وخلفه اخونه ورد بعد ما سمع سؤال ابوه/ ابد والله الغداء عشان الجار الجديد يقولون له ابو فهد
تكلم عزام بقرف/ والله ما بلعته أحسه متحظر ومدري كيف يعني
تكلم نواف الي معجبه الوضع/ الا والله انهم جويي.
تكلم مطلق أخيراً وبغضب/ والله ثم والله الي اشوفه مقرب من ذولا الناس ما راح يحصل خير!
وصرخ/ مفهوم ؟
الكل هز راسه با ايه مفهوم..
ــــــــــــــــــــ
جالسه تتصل باختها وبعد ما ردت/ سلام عليكم وينس ي القطوع لك وحشه
ضحكت اختها/ وش اسوي لتس ي عمري انتي وشخبارتس
ردت بهدوء/ بخير نحمد الله
امم ثريا بتروحين الغداء اليوم ؟
ثريا بهدوء/ لا والله تعبانه موب رايحه
ردت بهدوء/ تمام يلا بقفل الحين...
حين قفلت سمعت الباب يطق عليها فتحت الباب وابتسمت وهي تضم غدير والريم
تكلمت غدير بحماس وسعاده/ ترى العصر بسحب بنات الديره كلهم معي بنروح الإسطبل حق الخيل
تكلمت بحماس/ الله حماس
الريم وهي تضحك/ كنت عارفه انس بتتحمسين اكثر وحده
ضحكت ريا وسكتت
وبعدين تكلمت/ بيرحون معنا ؟
ردت غدير بستغراب/ مين قصدك؟
ردت ريا بهدوء/ امم مدري سمعت ان الي جاء سكن هنا معه بنتين فا سالت اذا بيرحون معنا!
الريم بهدوء/ لا ما نعرفهم بعدين أن شاء الله.
هزت راسها وسكتت
.
.
واتفقوا البنات كلهم يروحن الإسطبل العصر وبما ان الجو جميل ما فيه مشكله في التنزه مع بعض..
ــــــــــــــــــــ
في الغداء في بيت أبو ثامر جاء كل من في الديره ما عدا مطلق الي رفض يروح وسبب اتوقع انه معروف لكم...
ــــــــــــــــــــــــــــ
يحاول يلقي طريقه يسحر فيها عائله ابو عزام خصوصا ان هذه العائله بتفيده لو سحرهم يمكن يفيدونه بفلوس يذكر انه حاول يسحر مطلق لكن كانت هذه العائله محافظه على الاذكرها والقران ما يطفي في البيت عشان كذا ما قدر فهاد يسحر مطلق..
ــــــــــــــــــــ
قامت غدير بعد ما صلت العصر وسحبت اختها الريم وخواتها هتيف وغصون ورايحين يمشون من بيت لبيت في الديره ويسحبون بناتهم
اخذوا غزال بنت مسفر وأخذوا ريا وأخذوا اخت ثامر هلا واخوات صالح ميساء و ميثى كانوا يسولفون طوال الطريق  وما انتبهوا للعيون الخبيثه اللي تناظرهم وتخطط على شيء كايد!
ــــــــ