ي ابوي مثل حب متعب للريم ما انت لاقي

البارت 19

معليش ادري اني سحبت بس اعذروني برجع لكم فتره بس واخلص لكم الرواية و اكمل الرواية الثانية تفاعلكم معي يدعمني.....

وصلنا للمزرعه الساعه 11 شفت خالتي وعمتي ومها زوجت عمي وحصه يجهزون اغراض الطبخ وعزام وخالد ينزلون الذبيحه وابوي يكلم بدر ومعاذ ويعقوب وبندر ينزلون الاغراض الباقيه اما حنا البنات فكنا نجهز اغراض الطبخ مع الحريم الكبار ماعدا سجى ونرجس ناظرت عزام شفته معصببب ما الومه كيف زوجته المستقبلية كذا عزام انسان ما يحب البنات الي نفس سجى سمعت انه كان يبغى شهد بنت عمتي الله يعينه
.
.
.
رايح جاي انزل الاغراض لنها كانت كثيره لفيت على ابوي الي جاه اتصال شفته رد وتغير وجهه وكان صاير مصيبه تكفون لاا الي فينا مكفينا سمعته يقول لمي/ ان الله وان اليه راجعون الله يرحمها ويغفر لها
احس بسكين اخترق قلبي لا تكون ماتت ميثاء لفيت للريم شفتها تسولف مع البنات لفيت بس لمحت سعود يناظر فيها بنظرات كرهه امم في النهاية زوجته بس له احدود ما راح اسمح له يغلط عليها اذا كان يحسب ماله سند فهو غلطان!
.
.
.
سكتوا كلهم اول ما قال مطلق/ شيلوا غراضكم بنرجع الديره ميثاء ماتت!
يا ناسس كلهم لفوا على الريم كنهم يقولون لها وش راح ينتظرك كنهم يقولون لها انتي الي ذبحتيها صدق كلامهم غير بس ردت فعلهم الحين غيرررر شي موجع تشوف اهلك وناسك مصدقين فيك الشي الحرام مصدقين انك مسويه!

اول ما سمعت عمي بسرعه دقيت على لافي جاني رده وهو يقول/ ماتت ي سعود ارتاح ما راح اخذ منك الريم
حسيت بغضب شديد وحقد يكبر لفيت للريم بغضب لا يعلم به الا الله وقلت بصوت عالي ومخيف/ وش انتي مخلوقه منه وش تحسين فيه انتي الرجال ما يبيكك ما يبيك تذبحين البنت اليتيمه الي مالها سند عشان حب خايسس رخيصه تركض وراء الرجال حقيقة كلنا نعرفها حسبي الله عليك فرقتي بين الاحباب لافي يحب ميثاء وابوي وعمي يحبون عمي مسفر وسبت الي صار فرقتي بينه انتي شيطان على الارض

كلامه يوجع يذبح حتى لو ان سعود شخص ما يعني لي شي بس الي قهرني اهلي اخواني ابوي خواتي عمتي كلهم محد قال له شي محد قال له هاذي الريم بنتنا ما تسوي الحرام
ذاك اليوم قالوها قدام الناس عشان السمعه والحين وش صاير معقوله صدقوا فيني
تكلم ابوي وكانت كلمته هي القش الي قسم ظهر البعير لقصمين يوم قال بكل برود/  ارواح نعزي ابو لافي وان شاء الله يستقبلنا!

ليشش ليشش كذا ليشش
عزامم كلمه خرجت من فمي وانا اناظر فيه اطلب فزعته ابغاها يساعدني يدافع عني!
شفته يناظر فيني ثم ابتسم ايوا هاذا عزام رغم انه بس ابتسم الا اني فرحت أنه ما صدق فيني
.
.
.
تكلم وهو يرجع الاغراض بسيارة/ شيل نزل شيل نزل ي ولد تعبت ياخي تراني بشرر هفف
ضحك يعقوب وهو يضرب كتف بندر/ ولد ليت ابوي يسمعك تراه معصب يدور الزله
تكلم بدر بضيقه/ وراء محد منكم دافع عنها؟
احس حرام عليكم!
تكلم يعقوب بهدوء/ سامع ابوي وش قال ؟
لحد يدافع عنها يبغاها تاخذ حقها بيدها يبغاها تثبت لهم انها ما تسوي الحرام وانها ما تنظلم بس قهرني سعودد كيف راح يكون زوجها وهو يسوي كذا؟
تكلم بندر بستغراب/ الحين هي تعرف ان سعود خاطبها
هز يعقوب راسه بلا وسكت....
.
.
.
رجعنا الديره ومر العزاء حرفياً ما طلعت من البيت ابد ولا كلمت احد مر شهرين تقريباً والي يقهر اهل الديره مع راضين يصدقون الشرطة تفاهمت الوضع وقالوا ان ما فيه اي دليل اني انا المذنبه بس ليشش ما يصدقون!
جيت بدخل الصاله سمعت ابوي يقولو عرسها الاسبوع الجاي وبكره الملكه وانتهينا معجبكم حالها كذا ودام انه خطبها فهي له!
سمعت عزام يرد بغضب واضح بصوته/ يبهه لافي ما ينفع لها تكفى
تكلم ابوي بهدوء/ سعود قال انه ما يبيها وانا عرضتها لي لافي وهو وافق
تكلم ساهي بغضب/ تعرض اعز بناتك بذي الطريقة للزواج.؟؟!
قام مطلق بدون رد على عياله
هربت لغرفتي ركض بس رجعت لما سمعت هتيف تبكي عند امها معقوله عرضوا هتيف على لافي ؟؟
ما حبيت ادخل دخلت غرفتي وانا احس بضيقه ما ادري ليش احس ذي الفتره اهلي متغيرني ولا يمكن انا المتغيره غمضت عيوني بقهر من حياتي كلها
و عمتي موضي راحت لديارها مره ثانيه
دخلت غزيل وهي تبكي عندي/ ريوم ابوي وبكت
ما الومها هتيف بتتزوج غصب عنها
غمضت عيوني وانا اضم غزيل لكن صدمني كلامها لما قالت/ ابوي بيزوجك لافي!
لافيييي بيزوجوني لافي؟؟؟!!!؟؟؟؟؟؟؟!!!!
لااااااااااااااااا صرخه طلعت مني غصب عني
.
.
.
جالس جنب سعود رجعنا زي ما كنا اصحاب ذاك اليوم وقف قدام الرجال وقال انه ما يبيها وقتها قال ابوها تبيها ي لافي صدمني اي طبعاً ابيها بس ما عجبني طريقة عرضها لي ليه مهيب بنته؟؟؟
..........
..........
..........
‏يا هيامي لو يشيب الراس و الكف يتجعّد .
أغلقت كتابها وهي كل يوم تكتب عن حبها الي محد درا عنه تذكر ذاك اليوم يوم جت ومعاها اغراض كثيره ويوم وقفت عند باب الحوش شافته ينادي خواته عشان يجون يساعدوني اخخخخ احبهه ي ناس احبه
اخذت القلم وفتحت صفحه جديده وهي ناويه تكتب قصيده وتوصلها له اي كانت الطريقة
اشوفك وطن وتشوفني رحلة استجمام
‏واشوفك عمر وسنين ما هيب منعاده

‏معي قلب واحد لو تقسمه خمس اقسام
‏بحبك بكل اقسامه الخمس وزياده .
.
.
.
.
وفي صباح يعلن ان غداً هو اول ايام عيد الاضحى المبارك
صح ان نفسيتها تعبانه من يوم عرفت ان ابوها عرضها على لافي لكن في النهاية بكره عيد لو ايش ما تخرب نفسيتها قامت وهي تسمع ابوها يهاوش اخوانها عشان الأضحية ويرحب في عمتي وعيالها حماسسسس
طلعت شافت البنات يسلمون على بعض سلمت معهم وجابوا الفطور وافطرو راحت حصه ومضاوي ونوره يحطون حنا على يدهم وحنا ي البنات حطينا حنا على شعرنا قعدنا نسوي خلطات العيد سمعت نواف ينادي راحت له غصون/ خيرر وش تبي؟
نواف بقرف/ يععع حنا قرفف ابعدي لي طريق بجيب ثيابي بوديها الغسال سريعع
غصون بهدوء/ سلامات انا اجيبها لك
نواف بحلاطمه/ لاااا عشان يجي حنا عليها فارقي بس
ردت بهدوء/ مصيرك تغسلها بعدين الحنا براسي مهوب بيدي
بعد نقاش بينهم دخل واخذ ثيابه وحصل اهواش من ابوي الي قايل لهم من امس يجهزون ملابسهم من الليل
.
.
.
تكلم وهو ياخذ ثيابه/ يمهه الشماغ وينن
ضحك وافي/ خذيته على بالي انه شماغي والحين ي طويل العمر عانيه عند الغسال
ابتسم لافي/ فعلت خير الله يسعدك ي شيخ
جاء ابوهم/ يلا ي عيال ارواح للحلاق قبل الزحمه
.
.
.
كانت الديره زحمة وتجهيز للعيد الاضحى الي كان شي جميل الاطفال يركضون بحماس والرجال الي يحلق والي يغسل ثيابه والحريم الي تجهز الخلاطات ووووووو ما لا نهايه
جاء الليل والنوم يطير من الحماس......
...........