ي ابوي مثل حب متعب للريم ما انت لاقي

البارت 26

حلمت فيك البارح كنك تناديني
‏سمعت صوتك يناديني ولبيته

‏وفزيت مفزوع والا وينك و ويني
‏وآثاريك حلم على الواقع تمنيته):
ــــــــــــــــــــــــــــــــــــــــــــــــ
ومرت الايام وما كان به شي يذكر حتى حفل الزفاف مر وكان حلووو كم تمنيت اكون مكان العروس اللهم لا حسد لكن انا ناقصه عن البنات فا من المستحيل اتزوج!!
اكرمتني خالتي فدوى( ام عقاب)
صدقتني بدون دليل وقفت معي لما اهلي وقفوا ضدي اذكر لما جلست معي ودار بيننا كلام يهمني!!
تكلمت
ام عقاب وهي تحط يدها على كتفي/ اسمعي ي امي ابغى اتعرف على اهلك بدون لا يدرون عني حاجه اقرب منهم واخذ علومهم و اقيس نبضهم!
واعرف كل شي عنهم
رديت عليها بحزن/ اخاف اعلومهم ما تصرني اخاف بالكلام يوجعوني!!
هزت ام عقاب راسه وهي تتكلم بحنان قلب علي المواجع/ ما عليك ي بنتي ما راح يصير الا يرضيك

علمتها عن اهلي وكل ما ذكرت احد بهم مدحته وطلعته بافضل صوره !!!
.
.
.
مر ما يقارب شهر واختي بكل حلم تجيني اليوم عرس كل خواتي رغم اعتراض وانتقاد اهل الديره وهم يقولون ( بنتكم ما قف ترابها وانتم تزوجون بناتكم؟)
ويرد عليهم ابوي ( ما راح توقف حياتنا على موتها وما راح اوقف نصيب خواتها عشانها ماتت!)
وما كان على لسان اهل الديره غير( ي قو قلبك قواه!)
منجد اي ابو ذا؟؟؟
دخلت على امي الي تظبط خواتي وكل شوي وحده تبكي
تكلمت ببحه/ يمهه ابوي يبيك!
لفت امي لي وهي بها لمعت فرح!/ يالله جايه الحين روح ي يعوقب لبيت عمك خل زوجت عمك تجي ترى طولت علي!
هزيت راسي بهدوء وانا احس بغصه اختي طريقة موتها جمره بقلبي طول ذي الفتره كنت حبيس حزني اشتقت لها ليتها حيه ليتني قدرت امنع ابوي يسوي لها شي هاذا هم امي وابوي فرحانين بزواج بناتهم ونسو الريم!!
ابوي يهلي ويرحب بناس والبسمه شاقه حلقه وساهي يضحك مع ذا ومع ذاك ونواف كاشخ ونافخ راسه وامي تضحك وتغني
والي يشوفهم بيقول ما كن احد مات لهم!
لا تقولون انت معقد ي يعقوب ومدري ايش وطبيعي يفرحون ببناتهم!!
لا ي بعدي قبر اختي ما جف ترابه للحين اذا هم ما حترموا موتها فانا بحترمها!!
.
.
.
نزلت مع درج متحمسه البنات سجلوني بجامعه ما تصدقون ان اهلي حارميني منها في البداية رفضت لكن وافقت لما قالت لي الجازي ان ذا مستقبلك ومن هاذا الهرج فرحتي لا توصف كملت طريقي بنية ادخل المطبخ لكن سمعت صوت بصاله وشدني الكلام الي به!
تكلم عقاب بغضب شديد وهو يوقف قدام امه/ صدقيني بتتعرضين للمشاكل يمكن تسوقها علينا وقالت القصه من راسه صحيح لها شهر عندنا ولا شفنا عليها الزله لكن يمكن هي من تحت إلى تحت للحين ما نعرف أصلها من فصلها ورفضها انك تعرفين اهلها بالبداية وش تفسيره ؟
تكلمت امه بهدوء ممزوج بنبره عجزت افهمها/ ذي بنت مطلق والجازي ي عقاب
شهق عقاب كن امه قالت له شي يصدم تكلم بدهشه/ بذمتكك!
هزت امه راسها وتكلمت بنفس النبره الغريبه/ عرفتها من شكلها بها وجهه الجازي بس مصغر وتاكدت اليوم يوم قالت لي اسم امها وابوها !
سالها بتعجب/ وش بتسوين بها
ابتسمت بخبث/ كلشي بوقته حلووو

كل ذا الكلام صدمني من فدوى ذي شتبي مني معقول ضيافتهم لي كانت من باب المصلحه ؟
هه وش اتوقع من الغريب دام القريب سواء اعبر؟
اهرب؟!!
فكره مرت ببالي وانا اركض لغرفتي ليش ما اهرب قبل لا يسوون فيني شي ؟
على قولتهم اتغداء بهم قبل يتعشون فيني
طيب وين اروح ؟
ما اعرف احد!
مسحت دمعتي كل البيبان سكرت بوجهي وش سويت انا عشان صير فيني كذا؟
اللهم لا اعتراض لكن بعض الأحيان افكر انتحر بس ما به احد يستحق اغضب ربي عشانه!
قررت بهرب والي يصير يصير!
لفيت على ام عقاب الي دخلت وهي تبتسم لي ي سبحان الله لها وجهين ذي المنافقه!
الي يشوف حنانها مستحيل يتوقع انها كذا!
رديت لها الابتسامه من باب المجامله/ هلا خالتي!
تكلمت وهي تجلس جنبي/ ي بعدي سجلتك بالجامعة ان شاء الله تعجبك وبعد اغراض الجامعه شرت لك الهنوف كل شي تحتاجينه
هزيت راسي تسليك/ شكراً خالتي يعطيك العافيه .
اوبس احسني منافقه زيها
بس معليش لكل فعل ردة فعل!
.
.
.

جلست بعجز احلام وكاوبيس تجيني بشكل مستمر وكلها عن بنتي الريم من يوم ما ماتت وهي تجيني في احلامي تطلبني اجيها رحت مره اخر الليل في يوم عزاها اليوم الثاني!
رحت للبير ولا حصلتها فكرت انها تحللت بسرعه ليومكم ذا ما اتهنى بنومي كانت تصرخ بسمي واسم ولدي عزام حتى لافي كانت تناديه بالحلم
قعدت اسولف مع نوره وانا اطرد افكاري الغريبه سمعتها تسأل عن مسفر!
نوره بهدوء/ غريبه خلا ولده يسافر خارج السعوديه!
مطلق بحده/ هو ولد وما فيها شي لو سافر!
تكلمت نوره بترقيعه/ لا انا قصدي وش يوديه للكفار اخاف يلعبون بعقله!
تكلم بنفس الحده/ كبير هو يعرف يتصرف!
هزت راسها بتسليك وهي تبتسم مجاملة!
.
..
...
تزوجت وخالد انسان لا يعلا عليه ما جاب قدامي سالفة اختي غير لما قال بالبداية ( الي صار للريم ماله دخل بحياتي انا وانتي واتمنى تنسينها ويصير كل اهتمامك انا وبس) ما عجبني كلامه بس معه حق الريم ماتت رحمت الله عليهاا
لفيت له وهو كاشخ ونافخ ريشه وتكلم بابتسامه/ خلصتي؟
هزيت راسي اليوم به عزيمه كبيره بالديره/ اي جهزت توكلنا على الله
مسك يدي وطلعنا من بيتنا....
.
.
.
ياخي للحين يدي توجعني اتذكر لما سحبني غازي وهو يقول بطريقة غريبه/ اسمعي ي غدير ما تطلعين الا باذني وجوال من الحين ما فيه غير الكشاف واذا طلعتي تلبسين عبايه وقفاز ولا يبان منك اظفر!
طيب يدي الله يسعدك شوي ويقطعها هزيت راسي تسليك اهم شي يدي فكها وراء يحسبني واحد من اخوياه ؟
.
.
.
الفرق بين وبينه كثير تقريباً عمري ١٧ وهو اكبر بكثير أساساً ما اشوفه الا وقت النوم وما بيننا كلام مجرد احترام يجيب اغراض المطبخ الصباح قبل اصحاء من نومي وبعض الاحيان يجيب اكل من المطعم وجبه وحده لي ما عمره اكل معي!
يحسبني بحط له سم مثلن او بقتله ماش اهم شي انه ما نساني وجاب لي اغراض!
.
.
.