قعد يضحك مع ابوه الي يسولف عن مواقف مضحكه صارت له زمان
جاء يعقوب يركض ودخل عليهم بفرحه/ يبه عزام تعالوا بسرعه ابو لافي جاء!
قام مطلق {ابو عزام}بسعادة لصديقه الي مسافر له سنتين ما شافه / ابك تقول الصدق ي ولد؟!
رد يعقوب بحماس/ اي يبه اقول الصدق حتى هو قال لي ناد ابوك ي ولد تعال يبه سريع!
أبتسم عزام على حماس ابوه لصديقه!
ــــــــــــــــ
واقف مسفر يسلم على الرجاجيل الديره لف بلهفه وشوق لرفيق دربه مطلق .
لتصبح يد كل واحد منهم خلف ظهر الثاني ليصبح حضنهم لبعض حضن شوق وحنين ليام الماضي!
مطلق بنبرة سعادة واضحة بصوته/ شخبارك عساك بخير وشلونك وراك طولت البعد ي بعد حيي تعال تعال والله عشاكم اليوم عندي انت واهلك
ابتسم مسفر بحب لمطلق/ بخير جعلك بخير وانت شخبارك وش اخبار اهلك عساكم بخير
والله ي بعدي الدنيا تجبرنا على البعد وانا ما في يدي حيله ولاتكلف على حالك ي ابو عزام رايتك بيضه ما يحتاج عشى ولا يحتاج شي!
تكلم ابو عزام بحزم/ انت خوي على عيني وراسي وما فيه كلافه ولا شي هاذا واجبن علي ي ابو لافي..
جاء لافي ومعه اخوه وافي وسلمو على مطلق ثم جوء عيال مطلق وسلموا على مسفر وعياله...
والعشاء طاح اليوم عند ابو عزام...
ــــــــــــــــــــــــــــــــــــ
تعريف بي عائلة ابو لافي
مسفر صديق مطلق الروح بروح كان يسكن في الديره لكن مره من المرات الي كان قبل سنتين تقريباً
{قبل سنتين}
كان ابو لافي جالس في مجلسه كل عاده وقاعد يسولف مع مطلق
دخل عليهم رجال/ السلام عليكم
مسفر ومطلق/وعليكم السلام
الرجال/ من فيكم مسفر؟
استغربوا مسفر ومطلق من نبرة الغرور والقرف الي في صوت الرجال!
مسفر بهدوء/ انا هو مسفر..
الرجال لف على مطلق وتكلم بغرور وقرف من اهل القرى الي يشوفهم حشرات
!/ اطلع ابغى اكلم مسفر على انفراد
تكلم مسفر بغضب/ اعقب واخص اول شي فيه اسلوب في الكلام والي ما يحترم مطلق كنه ما يحترمني ومجلسي يعذره ما بيني وبينك كلام! ويكون بعلمك انا ومطلق شخص واحد فا لا تقعد تصرخ على الفاضي
تكلم الرجل بسخرية/اوه اعز الاصدقاء ههههههههه اقول اسمع بلعلم الي جاك ووصلك لك اسبوع فضي البيت ما ابي اشوف رقعت وجه احد من اهلك هاذا البيت انباع بمبلغ**** لسعد ال فارس
اللهم اني بلغت اللهم فاشهد وطلع الرجال
والصدمه سكتت مطلق ومسفر
وكذا زاد بعد مطلق عن اخوه سعد فوق عن فراقهم الي قبل!
وطبعاً مسفر ترك الديره وراح يعيش في مدينه بعيده وحصل عنده ظروف الي هي تعب بنته غزال بمرض السرطان لكن بفضل الله كان خفيف وبعد سنتين تعافت من المرض الحمدلله والحين جاء بعد ما بنا له بيت وراح يعيش هنا...
ــــــــــــــــ
نكمل تعريف الشخصيات
موضي حرمت مسفر طيبه وتحب الجازي ونوره ودايم مع بعض
أنت تقرأ
ي ابوي مثل حب متعب للريم ما انت لاقي
Romanceبلاكم ي محبين تاخذون القلوب وتخلون لنا الجسد؟ بلاكم ما تعرفون الحب الشريف؟ ... ليكن حب شريف وليكن بحدود! مشاكل ومصاعب وحب كاذب واخر حب عفيف اتمنى تعجبكم الكاتبه/ ريا العتيبي
