ي ابوي مثل حب متعب للريم ما انت لاقي

البارت 11

معليش على التاخير لكن راح يكون ذا البارت طويل ومشوق باذن الله
.
.
.
.
جاء الليل تقريباً الساعه 12 قام مطلق وفرش فراشه في صندوق السيارة «الحوض» ونسدح وهو اتذكر كلام اخته مضاوي وحريمه نوره و الجازي
يحس كلامهم منطقي وميه بالميه صح بس هو مش يقنعه قلبه الا الان شايل على اخوه
غمض عيونه وهو يتذكر
مضاوي بضيقه/ والله ي ابو عزام الي يصير ما يجوز انت تعرف ان ابوك قبل ما يموت سامحه لا تكون عنيد ي اخوي ابي مصلحتك
ترى اخوك ما جاء يعيش هنا الا عشانك!
رد بهدوء وبرود/ ما عندي اخو ي مضاوي
ردت وهي دموعها على خدها/ الكلام ذا مو وراء قلبك !
مو معقوله عيال اخوك طولك وانت ما تعرفهم حتى عيالك ما يعرفون ان عندهم عم وعيال عم بعد!
نوره بهدوء/ ترى هي صادقه الي فات مات اخوك سندك انت تعرف ان نص شيبان الديره ما يحبونك لنك ناجح خل اخوك معك يكون سند لك ي ابو عزام
رد بهدوء وبرود غريب/ ما همني احد الله رزقني بدل الاخ اعيال اربعه ربي يخليهم لي سند ام ابو فهد مالي به ولا ابي قربه ولا ابي عياله يعرفون عيالي انتم ما شفتوا كيف هي تربيت عياله ؟ الله لا يبلانا.
سكتوا الحريم بعجز مستحيل يقتنع
فتح عينه بعد ما تذكر كلامهم ومسح دمعه نزلت على خده من زمان ما بكاء وش يسوي شوقه لخوه الصغير يذبحه بس كبريائه ما تسمح له!
.
.
.
تجمعوا البنات عند السياره وكل وحده تبغى تجلس عند الباب!
غدير بغضب/ ي بنت توكلي انا عند الباب روحي يلا قبل يجون العيال و يكنسلون الطلعه بسبتك!
ردت العنود بقهر/ ترى انا جيت قبل لا تجين يعني تقلعي ي حلوه انا عند الباب
صرخت الريم بطفش/ لا انتي ولا هي عند الباب لن ي حلوات راح نركب الحوض!
صرخت غدير بحماس/ امانه يسس على بالي العيال راح يركبون بالحوض
تكلمت الريم وهي تضرب راسها بعد ما تذكرت/ كملوا كملوا هواش لن العيال بيركبون في الحوض شكلي نسيت
بدن البنات بصراخ من جديد بعد ما مسحوا في الريم الارض
وقفت الريم جنب هتيف وهي تمسك يدها بألم/ حسبي الله عليهم كسرو يدي
هتيف بهدوء/ اقول هاذا هم وصلوا
جو العيال وركبوا البنات غصب
راحوا في الصراحه تفحيط وصياح ومسجل و وناسه وقف عزام وهو يكلم العيال/ يله نزلوا الفرشه عشان نسحبكم
مشعل بستغراب/ في الليل تسحبنا اقول مو من جدك خلونا نرجع بس ترى لو تعطلت السياره والله لنروح فيها
رد غازي وهو ينزل من الحوض/ اقول فلها ياخي
ساهي بهدوء / ترى ما راح يصير الا المكتوب
يعقوب بلا مبالاة/ ترى الحياة مره وحده عيشها بفله وحماس ونس عمرك ي شيخ
بندر بضحكه/ كفك ي رجال عليك كلام عقلاني
طقوا يعقوب وبندر كفوف بعض وهم يضحكون
خالد بدون نفس/ قال عقلاني قال
ضحك نواف/ انقهر هههههههه
خالد بنرفزه/على زق بس تراك سخيف تلايط مناك بس
راح نواف يساعد في تنزيل الفرشه وهو يضحك
لعبوا العيال اول ثم البنات لين جت الساعه ٢ رجعوا وناموا