ي ابوي مثل حب متعب للريم ما انت لاقي

البارت 34

اقبلي يا طب قلبي وارتياعي
‏اقبلي عقب المسافات الطويلة

‏واحضنيني ي جميلة من ضياعي
‏الضياع اللي ما خلا لي وسيلة

‏مرحبابك من ذراعي لذراعي
‏جابك الله علم وإنتي حلم ليلة

‏مدعين الحب والشوق الصناعي
‏كل أبوهم فدوتن لك يا جميلة

نزلت من السيارة وانا احس بسعادة لولا مره اكشت بالبر بدون اهلي!
للحين متعب وزوجته ما جو!
انقهرت منهم اكيد مدفونون بالغزل والرومانسيه استغفرت بنفسي وجلست جنب ابوي بعد ما فرشت الفرشه وقلت بهدوء/ وين الناس محد جاء غيرنا ؟
ردت امي الي جت تمشي ومعها التكايه حقته/ متعب وزوجته دقيت عليهم ويقولون ان عقاب تعطلت سيارته وراح لهم!
عقدت حواجبي بزهق مو مكفيه تقى يجون بنات ام عقاب معه!
ياهه يالقهر
جلست امي وهي تسولف مع ابوي وقفت لجلس على الرمل وبديت العب به اول كشته لي بدون اهلي اذكر لما كشتنا وعطلت بنا السياره وحنا مع غازي حزتها جانا سعود ولافي يساعدونا مطيت شفايفي بقرف من طاري لافي انسان غثيث بمعنى الكلمه رفعت راسي على مجموعة سيارات جت!
زياد وأهله!!!
عقاب واهله
واخر شي متعب وتقى.
تنهدت بضيق كيف ببلع ذولاا ؟؟؟
نزلوا كلهم يااا وش كثرهم
.
.
.
نزلنا من السيارة وكانت عيوني تبحث عنها اول شي تهرب مني وتروح مع ابوي والحين جالسه على الرمل لحالها اعرف انها ما راح تبلع الي برحله الي بتستمر اسبوع ما قلنا لها عشان لا تعصي الكلام
مشيت يم امي وابوي ونزلت بعض الأغراض ومشيت يمها الفراغ الي بيننا بمحيه جلست جنبها برمل بعد ما رديت السلام تنهدت لما شفتها ما اهتمت لي قلت بهدوء/ ليش جالسه لحالك ؟
ناظرت فيني بعدين ردت بنفس الهدوء/ بغيت اجلس على الرمل
هزيت راسي وانا ادور سالفه نهرج فيها مع بعض
بس للاسف طار كل شي براسي!
.
.
.
.
اذن المغرب وقف الليث وهو يقول بحماس/ نلعب كوره؟
وقفت الهنوف اخته وهي تايد الفكره/ قدام اجل خلونا ننقسم لفرق!
كنت جالسه اناظر بهم يتوزعون كيف بنات مع عيال يلعبون كوره؟
محد اهتم لي ابد بس امي قالت/ قومي يا بنتي العبي معهم عادي
استحيت ارد كلام اميي وقمت معهم
بداوا يتوزعون الغريب ان تقى ما كانت تلعب معهم لفيت على امي الي سالت/ وراء ي تقى ما تلعبين؟
رد متعب وهو يرمي الكوره لعقاب/ ما ينفع تلعب تقتي حامل
صدمه!!!!!
كن احد صب علي ماء!
صار مالي نفس العب بس استحيت بعد ما حطوني في التوزيعات للعب
بدينا نلعب وانا كل ما جاتني الكوره بعدت عنها
شفت الهنوف ترمي الكره يمي وهي تصيح باسمي/ ريممم خذيها قبل يأخذه متعب
كان متعب قريب مني يبي ياخذ الكوره مني وعناد فيه رميتها برا الملعب الي مسوينه والمرامي عباره عن نعول
صرخه الهنوف فيني بقهر وهي تشتمت بكل انواع الشتائم/ حسبي الله عليك ضيعتي هدف لنا ي هطف!
بدو البنات يسبوني نفس الهنوف وكان الفريق بنات ضد العيال واللي فازوا طبعا العيال
طول المباراه كان عقاب يحاول ان الكوره تجي  براسي حقود !
.

.

.

‏ساهرٍ ليلي ولا لي عن الوحشه نديم
‏غير طيفك لاسرا هام قلبي واستهامّ

جالس يفكر بكلام يعقوب اخوه له
يوم قال يعقوب لعزام وهو معصب/ تراني للمعلوميه اقابلها بسريه ما حد يدري عني وبعد كم يوم تراك بتروح معي وابوي لا يدري

وافقت على كلام يعقوب وان شاء الله بعد كم يوم بقابل اختي ونحاول نخلي ابوي يسامحها وترجع المياه الى مجراها الحقيقي ونفهم بعد وش اللي صار معها بالضبط لانها ما قالت الليعقوب شيء
.
.
.
بعد ما تعشينا كان في اكثر من خيمه وكانت الخيمه الكبيره للعيال مع ابو زياد وابوي والخيمه الثانيه كانت لنا حنا البنات مع العجايز الكبار
والخيمه الثالثه والاخيره كانت فيها اغراضنا والقش كامل
بعد ما نام الكل  حسيت اني ما فيني نوم قررت اني اطلع شوي بره لان الجو كان حلو
ولاني سمعت صوت المطر اللي كان بسيط طلعت برا  وجلست شوي وانا ناظر بالجو
حسيت فيهم يجلس جنبي عرفت من ريحه عطر اللي حافظتها زين!
متعب وهو يجلس جنبها/ وراك ما نمتي الوقت تاخر؟
رديت بهدوء وانا احس بتوتر من قربه/ ما جاني النوم والجو عجبني
حط يده على كتفي وقرب مني اكثر وهو يقول لي بدون مقدمات/ ي ريمي انا ادري انك زعلانه علي لاني تزوجت عليك بدون مبررات ولن ذي الفتره انشغلت عنك بس يعلم الله
أني كنت افكر فيك كل ساعه !
ناظرت فيه ثم سكت ليكمل هو بغزل/
لا شفتك أنسى الزمان الشينّ وعيوبه
‏حتى السوالف معك ربي محليها
ناظرت فيه لبتسم واردف بشعر قراته ذات يوم واليوم انطبق علي/
ودي ابكي لين ما يبقى دموع
ودي أشكي لين ما يبقى كلام

من جروح صارت بقلبي تلوع
ومن هو احرمت عيوني منام

انطفت في دنيتي كلا الشموع
والهنا ما يوم فيي دنيتي دام

قربتي طارت متى وقت الرجوع؟
كلعام امني احلامي بعام

أن شكيت الحال محد لي سموع
وأن شكيت الناس زادوني هموم .
وقف قدامي وجلس على ركبته ضمني له بقوه حسيت اني بدخل داخله ليهمس لي بهدوء/ اسف والله اسف
في ليله ممطره وفي الصحراء قرروا ابطالنا يفتحون لبعض صفحه جديده
.
...