ي ابوي مثل حب متعب للريم ما انت لاقي

البارت 15

عندما تفقد شخص غالي تشعر بالقلق والتوتر والخوف والحزن والضيقه وربما اكثر من هاذا!
 
مر على موت امي اسبوع وضعي زي ما هو
اما بنسبه لبو زياد فمدري عن شي الخوف من انه يقتلني نفس امي!
.
.
.
اشرقت شمس جديد معلنه عن بد يوم جديد من ثاني اسبوع لموت الجازي!
كان جالس يتقهوه بهدوء يمكن يظهر لناس انه الحين احسن لكن مستحيل كل ما راح لبنته تدهور حاله!
ابو فهد بهدوء/ خليني اقابلها يمكن اقدر اطلعها من الحاله الي هي فيها!
رد فهد بصوت واطي ما سمعه غير سعود الي جنبه/ تتدلع دلوعت ابوها
قام عزام ياخذ طريق لريم
في ذي الفتره
رجعت علاقات اهل الديره مع مطلق حلوه
ابو لافي رجع يد بيد مع مطلق!
.
.
.
دخل شافها جالسه على سريره تناظر في الفراغ!
ابو فهد وهو يجلس جنبها/ اسمعي ي حبيب عمك قدامك شخص شاف من الدنيا كثير على بالك اني استسلمت لدموعي وحجزت نفسي زيك؟ لا طبعاً لما كنت شاب حبيت ام فهد الي ما كانت من ديار نجد ولا من القبيله كنت ابغاها حلال لي بس وقتها حصل مشكله وتبرا مني ابوي ويوم رحت عند اهل البنت طلعوا اهلها ميتين وهي وحيده ماله احد تزوجتها بدون حفله ولا خربيط تزوجتها بدون ما اسمع كلمة مبروك من احد! ليته كذا كنت سكتت مريت بظروف ما يعلم بها الا الله دخلت السجن وطلعت
شافها تناظره بستغراب
فكمل كان عندي ديون كثيرة بسبتها دخلت السجن ما كان عندي احد يساعدني حله الله ومرت الايام الصعبه بس على بالك امك راح ترضى بحالك كذا؟
تبغين امك تتعذب بلقبر ؟
الريم بهدوء/ ليش تتعذب ؟
ابو فهد بحنان/ لما يموت شخص ونبكي عليه يتعذب بسبب اننا نبكي عليه
شهقت وهي تحط يدها على فمها/ يعني امي كانت تتعذب بسبتي
مسح على رأسها وهو يوقف/ لا ي حبيبت عمك امك ادعي لها عشان تكون مستانسه يلا ارجعي الريم الي الكل يتكلم عنها!
ردت بهدوء /وش صار على ابو زياد
تكلم بهدوء/ عايش لسا!
.
.
.
تروشت ولبست ومشطت شعري ونزلت لهم لقيت خواتي الي ما تخلو عني لقيت بنات عمتي الي ما بعدو عني وخالتي لا ذي امي الثانيه ما خلتني احس اني فقدت امي
وعمتي الي  تحاول تبعد الحزن عني صح محد ياخذ مكان احد بس عادي لو حاول يغطي مكانه!
.
.
.
ومرت الايام يوم بعد يوم و شهراً بعد شهر ومرت سنه كامله والريم احسن مما تتوقعون
عزام بغضب/ حظريه ما ابيها
ابو عزام بغضب/ لا ترفع صوتك علي فاهم بعدين الولد ما له الا بنت عمه!
رد بهدوء/ ما ابيها ي يبه افهم سجى ما هي من ثوبي!
رد بحزم/ تجي من ثوبك اذا سنعتها وما ابي ازعل عمك مني لا تكسر كلمتي بعد ما عطيتهم كلمه!
طلع وهو في قمة غضبه!
تكلم ساهي بهدوء/ كان اخذت رأيه ي يبه!
رد ابو عزام/ ورع ما يعرف مصلحته كثر ما اعرفها انا!
يعقوب بمزح/ يعني بيتزوج عزام ويتركنا عوانس
بلع ريقه من نظراتهم
ساهي بحزم/ قوم اقلب وجهك جيب هتيف والريم من عند ريا!
يعقوب بقهر/ليش انا ؟
ساهي بحزم/ يعقوب!
يعقوب وهو يوقف/ انتبه لا يطق لك عرق ي حمار
وطلع قبل يسمع رد منهم!
................
جالسات يسولفون
ريا بهدوء وسعاده/ والله فرحت لها كثير
هلا بهدوء/ ترى هي مغصوبه لقيتها تبكي
ريا بستغراب/ تبكي ليش؟ عزام شخص ماشاءالله عليه ليش تبكي منه؟
هتيف بقرف/ ما بلعتها بنت العم ذي مايعه مره كنت اتمنى عزام لشهد بنت عمتي
الريم بهدوء/ كلهن حلوات ودام ذا اختيار عزام فا خليه براحته
غدير بقهر/ تبين تقنعيني ان عزام راضي ؟
هتيف بكره/ اكيد موب راضي على ذي الحظريه!
.
.
.
جالس جنب ابوه ما فيه فايده اخخخ
ابو لافي بحزم/ عزمتي الحريم ما عاد باقي وقت على العرس ( حفل زفاف)
ام لافي/ كل شي ضبطته والعروس جاهزه حتى بس ننتظر يوم السبت بفارغ الصبر!
وافي بحزن على اخوه/ ميثى راضيه على زواجه سكت لما تكلم ابوه بنبره حاده/ اكيد راضيه اجل لافي فيه عيب يوم ما ترضى!
هز راسه بلا وسكت!
.
.
.
انتشر الخبر
يقرا الدعوة الي جت نوره
( يسرنا ويسعدنا دعوتكم لحضور حفل زفاف ابننا الشاب لافي مسفر ال***  على ابنتنا الشابه ميثى سفر ال*** وذالك بمشيئة الله يوم السبت الموافق٦/٧/*** ..
اللهم بارك لهم وبارك عليهم وجمع بينهم بخير )
رد بهدوء/ الله يبارك لهم
نوره بهدوء/ أمين يارب!
..
..
..
..
رد بهدوء وبرود/ راح ازوجك لها ي سعود
رد بضيقه/ بس لافي يحبها!
رد بحزم/ لافي زواجه يوم السبت خلاص الريم ما عاد هي له!
سعود بفقدان امل/ يعني خلاص بتخطب الريم
هز ابوه راسه وسكت
.
.
.
طلع متضايق وشاف صديق عمره لافي
جلسوا مع بعض كان وده يقول بس خايف ومتردد جاء بيتكلم بس سكت لما قال لافي

ياسعود صدري ضايق اليوم ياخوك
والجرح ماهوب جرح فرقى الولايف

كل مازرعنا ورد يطلع لنا شوك
وكل ماهقينا خير شفنا الحسايف

لا ي لافي لا كيف تشكي لي وانا باخذ حبك كيفف؟؟
.
.
.
الا هنا بوقف معليش لن البارت قصير بس بحاول اطوله المرات الجايه