ي ابوي مثل حب متعب للريم ما انت لاقي

البارت 7

بعد مرور ثلاث ايام حقت العزاء كان اهل الديره يسوون عشاء وغدا وفطور مدت ثلاث ايام
ايوا نسيت اقول لكم ميثى درت عن اهلها قال لها  عمه مسفر اكيد انها بكت الا انهارت من البكي.
ــــــــــــــــــــ
تكلم ابوه بحزم/ يا لافي بنت عمك يتيمه مالها سند و ولد العم ماله الا بنت عمه
وتراني خطبت ميثى الك
البنت مسكينه تحتاج محرم لها عشان يوقف معها اما انا فصرت كبير وعاجز وابي ازوجك اياها عشان اذا مت احفظ أمانة اخوي الي تركها عندي!
تكلم بضيقه/ بس انا ي يبه احب الريم وانت تعرف ومحيرها لي واكيد بدون ما تقول ميثى مثل اختي وبكون لها سند ي يبه بس صعب اتزوجها الريم متربعه بقلبي!
تكلم بحزم ينهي السالفة/ انا كلمت مطلق وقال لي خل ولدك يتزوج بنت عمه هي احق به من بنتي!
طلع برى البيت متضايق مررهه
شاف سعود قدامه
جاء سعود له وشافه ضايق/ وش بلاك ي لافي
رد بهدوء/ وش بالي ي سعود بيزوجوني بنت عمي ثم اشر على قلبه
وقلبي ي سعود مابه الا الريم..
رد سعود بهدوء/ لا تعذب حالك ي لافي وروح نام يمكن ترتاح
لف لافي وشاف نص الديره قد ناموا ثم لف على سعود
/
الناس نامت وانا ياسعود سهران
والعين تبي النوم و النوم يجفيها

و قلبي حزين و الخاطر مهوب طربان
و النفس مالقت ياسعود من يسليها

اشتقت وانا من كثر الشوق تعبان
و بكيت و عيني مالقت من يواسيها

ضمه سعود وهو يشوف الضيق في عيون صديقه
.
.
.
في الساعة ثنتين الليل الناس نايمين وهي فارشه سجادتها وتبكي بحرقه على حالها من الساعه ١٢ الى الساعه ٢ وهي على السجادة قامت وراحت على سريرها وشافت غزال نايمه ونامت ميثى والدموع تريد أن تتحرر من عيونها الحزينه...
ــــــــــــــــــــــــ
وفي الصباح
الساعه ٦
جالسين الشياب في بيت الشعر وشبو النار وهم حولها
عزام وهو يصب القهوه لهم/ غريبه ي عمي وين عيالك؟
رد مسفر/ وافي عند الحلال ام لافي الله يهديه ساهر الليل كله عند سعود سعد.
لف مطلق بغضب/ ابعد ولدك عنهم ترى ما فيهم خير!
مسفر عقد حواجبه  / وليه أن شاء الله ترى الي اذاك سعد مو سعود اما لافي ترى يمشي مع سعود مو سعد وبعدين ترى سعود رجال بما تعنيه الكلمة!
مطلق بحزم/ اسمع ي مسفر ابعد انت واهلك كلهم عن اهل سعد واذا رفضت فا ابعد عني انا واهلي!
رد بهدوء وبرود/ لك الي بغيت ي مطلق بكره يجيك الرد!
ــــــــــــــــــــ
وهم في الطريق رايحين للمحل حق ابوهم
ساهي بستغراب/ ليش ابوي يكره سعد ؟
نواف بلا مبالاة/ يمكن عشان مشاكل او شي الا اسمعوا
لف عزام/ همم ايش عندك؟
نواف/ لافي بيتزوج ميثى
اليوم الفجر سمعت ابوه يقول لبوي وازيدك من الشعر بيت الي فهمته ان لافي يتسلا بقلب اختي!
يعقوب بغضب / والله ليندم وش على باله يوم يلعب على اختنا؟
عزام بغضب شديد/ والله ليندم تشوفون وش كثر ترسم الريم احلام عليه وهو بكل بساطة وسهولة يلعب بقلبها ؟
ساهي/ ما عليكم نتفاهم معه بعدين!
ــــــــــــــــ
المغرب رجعوا العيال من المحل
شافوا لافي وراحوا يمسكوه واضربوه ضرب قوي وهم يرددون الله ياخذك يوم انك تلعب بقلب اختنا
والله لتندم ومن ذا الكلام وجاء وافي ودخل مضاربه معهم لين فرقوا بينهم اهل الديره
.
.
.
دخل مسفر عند مطلق وهو معصب بالمره/ شوف يا مطلق ايش سوى عيالك في عيالي ما هقيتها منك بعد هذه العشره عيالك يضربون عيالي اللي بيننا يا مطلق انتهى واخوك اعز منك ومن الحين انا وسعد مع بعض ومالي فيك حاجه وطلع معصب من البيت!
ــــــــــــــــــــ
في ذي المواقف الشيطان شاطر ويفرق بين الاحباب ويخلي بينه عداوة وكره وحقد حتى لو الموضوع صغير يكبر مع الايام!
ــــــــــــــــــــ
جالسه تبكي بحرقه وهي تسمع اخوانها يقولون
_ كان يتسلا بها يبه وش على باله
_ يلعب بقلبها والله لو اشوفها الا اذبحه
_ حسبي الله عليهم

غدير بضيق/ ي عمري ما يستاهل ذا الحقير دموعك!
غصون بهدوء/ خلاص امسحي دموعك وخليك قويه
عزام بغضب/ اخخخ لو اشوفه مره ثانيه ترى بذبحه!
غدير بنفعال/ اخخخخ بس وحنا نحسبه العاشق الولاهان طلع كذاب خراط من عنده لا حب ولا بطيخ
هتيف وهو تناظر غدير/ ي زينك وانتي ساكته ولفت على الريم اسمعي ي رورو ما عليكي منه ما جابته ام الي نزل دموعك ترى خالتي وأبوي متضايقين عشانك!
يعقوب بغضب/ لو اني زايد عليه الضرب أكثر
ساهي بهدوء/ دموعك توجعنا ي عمري امسحيها ذا الكلب ما يستاهل
لفت لهم ثم ابتسمت والدموع في عيونها/ جعلني ما اخلى منكم ي احلى خوات واخوان في الدنيا.
ــــــــــــ
جالس مع حريمه بغضب/ يحسبني ما اعيش بدونه ؟
هو قال لي ابي ازوج ولدي لميثى قلت والريم قال بنت عمه احق وسكت ما ابي اكبر السالفة بس دام لافي يتسلا الا يستاهل اكثر.
نوره بهدوء/ ي ابو عزام صلي على النبي وهدي شوي
الجازي/ صادقه خليها على ربك الله يعوض بنتي برجال احسن منه
نوره/ بنتك الكل يتمنى نظره منها والله يقوي قلبها ي رب
الكل/ امين
..
..
..
صح هم يعارضون فكرت الحب بس شافوا حب لافي المحترم للريم وافعاله الي تثبت لهم انه ما يلعب بقلبها بس طلع يلعب بقلبها مثل ما هم يقولون!