ي ابوي مثل حب متعب للريم ما انت لاقي

البارت 35

ترى بعض المفارق زين ماهو شين
ليا صار المواصل سيئ استخدام

بتفقدني مع الأيام ماهو الحين
انا ذاك اللي تفتقده مع الأيام

انا صاحب عسر ماني بصاحب لين
اصحاب اللين تلقاهم أكوام أكوام

مر اليوم الاول في البر او في مخيم البر وهاذا اليوم الثاني الليل
جلست وانا اشوف الساعه بجوالي ٣ باقي يمكن ساعه ويذن الفجر وقفت وانا اسمع صوت ذيابه ي كثرها هنا طلعت وانا شبعت نوم نايمه من الساعة ٨ كافي
طلعت من المخيم الي به البنات
شفت الجازي اخت عقاب جالسه ومعها ثريا اخت ريا وزوجت مساعد اخو زياد رحت لهم بستغراب/ وش تسوون هنا ما تسمعون صوت الذيابه؟
ناظرن بعض وتكلمت عبير اخت مساعد الي جات تمشي من المخيم/ بنات نتمشى؟؟
وقفت ثريا بحماس للفكره/ لي ساعه احاول اقنع التيسه ذي وهي رافضه!
فتحت فمها الجازي/ انا تيسههه؟؟
ابعدت ثريا وهي تسحب عبير معها/ اي اجل مينن؟
لحقتهم الجازي وانا اشوفهم سحبو علي الصراحه شعور يوجع ان وجودك وعدمك واحد!
لكن ما امداني افكر بشعور أكثر الا والجازي راجعه لي بابتسامه غريبه/ امشي يعني لازم عزيمه!
ما عطوني فرسه اتكلم!
.
.
.
.
ودي ابكي لين مايبقى دموع
ودي اشكي لين مايبقى كلام

جلس سعود وهو بدا يحمل مشاعر اتجاه غصون لن الاحترام يجيب الحب وهي ما قصرت معه محترمه لخر حد لف على جواله اللي اتصل وكان مكتوب رفيق الدرب
تربع بحركه سريعه وهو يشوف لافي هو اللي اتصل عليه له تقريبا اكثر من فتره ما دق عليه
رد بشوق /  الو يا القطوع!!
لكن جاه صوت ثاني وهو يقول/ انت تقرب للافي مسفر ال**…؟
عقد حواجبه بستغراب من ذا الشخص/ اي انا اقرب له من انت؟
رد الشخص بهدوء/ صاحب الجوال سوى حادث في المستشفى""" في مدينه""""
تقدر تجيناا
.
.
.
رما عزام الكوره لفوق ليرجع ويمسكها وهو يضحك على سجى/ الحين بتقنعيني انك لعيبه وانتي الكوره ما تعرفين تشوتيها؟
تكلمت بنرفزه/ جربني طيب!
ضحك وهو يغمز لها بمزح/ جربتك هههههههههههههههه
كشرت يوم عرفت مقصده/ الحين حنا نتكلم عن الكوره!!
ضحك من جديد وهو يشوف وجهها احمر/ وانا اقصد الكوره ورا قلب وجهك هههههههههههههههه ؟
سلكت الموضوع وهي تقول / امش امش ناوي تصوم وهو الليل كله يلعب بدل انه يطلب ربه
لحقها وهو يضحك  ويطقطق معها
.
.
.
_‏يغيب حس الناس .. وتغيب الازوال
‏وتبقى الوحيد اللي على البال طاري   .

حست بطنها مغسها من الجوع
وقفت وهي ناويه تروح تاكل لها شي دخلت المطبخ وهي ما شغلت النور العجز لعب فيها ولا فيها حيل تشغل النور اول ما فتحت الثلاجه وطلعت الجبنه والتوست صرخت وهي تحس بيدين حول خسرها مستحيل يكون غازي توه كان نايم
/ يمههه غازييي
ضحك وهو يضمها/ عيون غازي هههههههههههههههه
تنهدت براحه/ حسبي الله خوفتني
ابتسم/ تخافين وغازي موجود ؟
عقدت غدير حواجبها بستغراب/ يمههه غازييي شوف!
لف غازي بخرشه من صراخها ولف بسرعه لما شافها تضحك/ ي شينك مزحك ثقيل!
ضحكت غدير/ نفس مزحك هههههههههههههههه
.
.
.
‏على شانك رفيقي يا رفيقي ما عليّ خلاف
‏تعاندني الليالي و ألمحك جنبي وأعاندها .

.
.
.
كملنا مشي وهم يسولفون حتى الجوال ما اخذت قلت بخوف من اصوات الذيابه/ بنات بنرجع!
ضربتني الجازي على كفي بمزح/ امشي بعيد هم وبعدين المخيم قريب ما عليك!
سكت وانا مالي رغبه اجادل
وابعدنا مره عن المخيم
وقفت وانا اربط نعالي/ ابك ذي مره مزعجه كل شوي تنفك مدري شبلاهااا
ما سمعت منهم رد رفعت راسي ما اشوف الا سواد وقفت مفزوعه/ يمهه وبسم الله وينكم!!
.
.
.
.
جالس معها بنفس الخيمه هي نايمه يذكر امس جاب له خيمه صغيره له ولها طلبته ولا قدر يرفض لها طلب غمض عيونه وهو يشوفها نايمه يذكر كيف تزوجها ويعرف ان الي ببطنها مهوب ولده لكن تزوجها لجل يستر عليها ولجل ينقضها من ابوها يتاثر من البنات الي يغتصبون كله من سالفة اخته خلته يتاثر مره تزوجها ولا احد يدري عنها غيره وغير ابوه اوامه وامهااا
وقف وهو يسمع صوت الذياب وضحك البنات الي قريب!
طلع من الخيمه وهو مستغرب/ وش مطلعكم اخر الليل ؟
تكلمت الجازي بلعثمه/ هاه اي كنا نلعب!
عقد حواجبه/ تلعبون اخر الليل ؟
رفع راسه لزياد الي جا/ وش صاير وش له الاجتماع ؟
تكلمت ثريا بخوف وهي تسمع الذياب وبنفس الوقت خايفه على الريم/ الريم هناك!
عقدو حواجبهم بستغراب وتحولت نظرات الجازي وعبير الى الخوف هم سحبو ثريا معهمم تكلم متعب بسرعه وهو يبي يطرد الفكره الي برأسه/ الريم وينهاا؟
محد تكلم ليصرخ بصوت اعلى/ وينهاا الريممم؟؟
تكلمت ثريا بخوف وهي تشر على الاتجاه/ هناك تركن..
ركض وهو ما انتظرها تكمل
وخلفه زياد الي لحقه بعد ما أخذ السلاح لو تطيح بيد ذيب او حرامي او شي ي عزتي لها
تجمد متعب وهو يسمع صوت الذيب يقرب ركض وهو يصرخ بسم الريم عل الذيب يسمع صوته ويجي يمه ويترك الريم تجمد وهو يشوف الي قدامه الي خاف منه حصل
.
.
.
ركب الطياره وهو يتوجه لخويه اين كان ذا لافي رفيق دربه من زمان كان يتصل على ابوه ولا حصل رد دق على غصون الي ردت على طول
/ غصوني اسمعي روحي لمك انا مسافر!
عقدت حواجبها/ مسافر؟
تكلم بسرعه/ اي لافي سوو حادث لحد يعرف تمام؟
تكلمت بهدوء/ الله يشفيه وتمام!
.
.
.
.
تنفس ببطى وهو يحس بضيق متاكد هاذي حوبت الريم!
جا بيتحرك لكن جسمه عوره ورجع محله ولا تحرك غمض عيونه الي حتى تعوره اذا فتحهاا
.
.
.
.
تفاعلوا
ورايكم بالبارت ؟