أهـــــــــــــــواك قـــــــــــــــلبي

الفصل 11

*بقت روجي في مكانها متجمدة ساقيها لا تحملها
من هول المفاجئة...لم تتوقع قدومه إلى منزلهم و
الان يقف أمام والدها ويطلب يدها :
_روجي...روجي.
*استيقظت من شرودها على صوت والدها الذي ابتسم بدوره قائلا لها :
_تعالى اعقدي حبيبتي.....وقفه عندك ليه.

*ثم التفت محمود إلى عمار الذي يرمقها بطرف عينه الساحرة ويهمس في أعماقه :
_إياك فاكره نفسك ممكن تهربي مني وتبعديني عنك بسهوله...انا هنا.
_اتفضل يابني أعقد نورتنا....بوجودك.

*وبعد قليل...
كانت روجي في غرفتها تبدل ملابسها المنزلية بتنوره بيضاء قصيره تصل إلى حافه ركبتيها وبلوزه سماوية من الحرير وتجمع شعرها للخلف بذيل فرس وصوت أنفاسها الهادر يصل
إلى همس التي هتفت مستغربه :
_وتقوليلي مش بيحبك...ده يا حرام مستحملش وجه يخطبك والله شكله بيحبك.

_يقوم يجي كده من غير معاد يا همس معقول ده بابا اتفاجي بيه قدامه.
*همست روجي بخجل وشفايف ترتجف :
*هزت همس رأسها وهي تبدل فستان صغيرتها التي تصيح بضحكات على امها :
_ماما....هس...هس.
_يووو استنى يا روكا انا هلاقيها منك ولا من العبيطة خالتك.
*شهقت روجي معترضه....وضحكه الصغيرة... لتقترب منها روجي تداعبها :
_انا عبيطة يا روكي...انا مصدومة بس...تفتكري زي
مامتك ما بتقول هو بيحبني قوليلي حاجه يا روكي
انصحي روجه حبيبتك.

*هزت الصغيرة رأسها بتفهم وكأنها تطمن قلبها العليل وابتسمت لها ببراءة الأطفال فتنهدت روجي
تضع كفها فوق صدرها الذي ينبض بخوف :
_طيب ومراته وابنه انا زعلانه منه يا همس هو كدب عليه.
*صححت إليها همس بنفاذ صبر :
_اولا بقا بابا عارف انه جاي هنا...عمار اتصل بأدم
وطلب انه يشوف بابا....الراجل ماشي حسب الأصول.
_وبعدين مراته ايه يابنتي ماهو طلقها وخلصنا وبالنسبه لابنه فيها ايه...هو أول واحد عنده ولد اعقلي
ياروجي وبلاش جنان على فكره عادي ممكن ترفضي عمار الناجي بابا مش هيغصب عليكي
تتجوزي منه بالعافية بس وقتها هتندمي.

*دخلت هدى الغرفة باستعجال وقالت :
_انتم هنا لسه عيب...يلا يا روجي انزلى معايا وانتي يا همس ادخلي ساعدي سلوى في المطبخ
بسرعه.... بسرعه يا بنات.
*وقبل أن تخرج تراجعت هدى مره اخري وضمت روجي صغيرتها إلى صدرها تغمغم لها بسعادة :
_الف مبروك يا روجي باين عليه شاب كويس وابن ناس...ربنا يتمم فرحتك على خير يا قلبي.

*وضع فنجان الشاي بأناقة...وفرك كفيه ببعضهم بتوتر وقال بصوت واثق اجش أمام الحاضرين
بما فيهم روجي التي لا تقل عنه توتر :
_في الحقيقه انا مش بحب الف والدوران حضرتك
انا راجل صعيدي قبل ما كون دكتور جامعي وعشت
في أمريكا فترة كبيرة بس كل ده مكنش له أي تأثير على شخصيتي كراجل صعيدي بيفضل
دخول البيوت من أبوابها.