🔥🔞صغيرة الآغا🔥🔞 بقلمي✏سوسو✏ 01
قاعدة فالغرفة بعدما خلاص العرس لي كان عرس كبير سمعو بيه وحظرو كل اهل القرية حتى من بلاد برا جاو حظرو لعرس اغاهم وكبيرهم ... قلبها يدق بالقاوي اليوم بالنسبة ليها موتها موش عرسها مكفاش زوجوها بلا علمها وبسيف عليها زادو خرجوها بلا جهاز علاه الدنيا هكا ظالمتها وماشي في صفها ديما سمعت صوت الزغاريت علا وصوت رجلين يقربو من الغرفة عرفاتو هوا جا وصل وقت موتها اكيد ادا قرر يقتلها ولا ضربها مراحش دافع على روحها لأنها هيا الغالطة في حقو يقتلها احسن ميرجعها لدارهم لكابوس حياتها💔دخل وغلق الباب موراه راح قعد جنبها والتبسيمة على وجهو يديها لي تفرك فيهم مخفاوش عليه دارها حاشمة منو طلعلها الفوال على وجها وقابلاتو بزينها لي يسحر حتى وعاملة مكياج خفيف اما زينها طغى عليه عينيها مالرض مرفدتهمش فيه طلعلها راسها لعندو تقابلو العيون واخيرا هوا شايفها من قبل اما اليوم شي ثاني حاجة مختلفة على لي قبل هيا غير طاحت عينها في عينو قابلوها عينين زرق كيف زروقية البحر واش سمعت عليه من قبل صيتو لاحق لبلاد برا اما عمرها الا تعثرت بيه وشافتو لحية مطراسية زايدة في وهرتو من تفاصيل وجهو قدرت تعرف الي مكاش معاه اللعب وجهو عليه جدية وكاريزما مشافتها عند حد رجولتو باينة من وجهو 😍 فاقت على روحها زربت هبطت عينيها للرض تبسم عليها
رحيم:انا الآغا رحيم نظن تعرفيني وسامعة بيا
سارة:وي سامعة بيك اما منعرفكش عمري الا شتك تهدر بسيف باش تخرج فالكلام خايفة منو وهوا نتبهلها من نبرة صوتها
رحيم:علاه خايفة مني قالولك ناكل فالعيباد انا سكتت مرجعتلوش عاود تكلم معاها
رحيم:تقدري تقومي تغيري ثيابك وادخلي اتوضاي وارجعي لعندي قلبها قريب يطيح بين يديها رعشتها زادت وهوا بدا يدخلو الشك طبعا كبير الاغاوات مخذاش هاد الإسم في باطل معروف بحنكتو وفطنتو يعرف الشي والواحد واش راح يقول قبل ميتكلم معاه شاف جنبو قرعة تع الما وقف فرغ كاس شربو على نفس يهدي في روحو زاد فرغ كاس ثاني وقرب منها مدهولها
رحيم:اشربي هكا باش ينحل لسانك وتهدري واش عندك عارف عندك كلام حابة تقوليه اما نشالله ميكونش لي راه في راسي صح... طلعت راسها ليه تجري كلامو خلعها كيفاه عرف الي هيا عندها كلام شدت الكاس مالعندو شربت شوي ورجعتهولو كمل شربو ورجع لبلاصتو قعد جنبها
رحيم:احكي قبل ميطلع خلوقي عليك اطفلة😠😠
سارة:انا نحب واحد غير وقف من بلاصتو صاعر جانن من كلامها موش قادر يتقبل كلامها كيفاه المرا لي ختارها تكون على اسمو ومرتو تحب واحد غيرو حط يدو على شعرو قريب يقلعو تنهد عاود رجع لعندها
رحيم:مدام تحبي شخص ثاني علاه نهار سألوك قلتيلهم موافقة وكنتي فرحانة علاه مرفضتيش
سارة:واحد مسألني ولا خذا براي حتى العرس مسمعتش بيه حتى لبارح فليل خبروني انو غدوا عرسي وجايين ياخذوني😔زاد جن اكثر شكون هديك لي سمع صوتها فتيليفون تهدر وقالت موافقة معنتها لعبو عليه راح يحقق فالموضوع ويشوف الحكاية بالضبط وياويلهم يكونو لعبو عليهم راح يحاسبهم حساب عسير الاغا رحيم بشحمو ولحمو الناس الكل تهابو وتخافو عمرو لا قدر حد يلعب عليه يجو يضحكو عليه ويحشوهالو 😡😡
💞Sou Søu💞
