🔥🔞صغيرة الاغا🔞🔥 بقلمي✏سوسو✏25
لحقت العشية وصل رحيم لألمانيا خرج من المطار لقا رجالو لي تماك معى صاحبو يستناو فيه قرب منو صاحبو
يوسف:اوو الاغا بجلالة قدرو جا شرفنا عالسلامة خو
رحيم:شتك طولت هنا جيت نديك معايا ولا الالمانيات داولك عقلك
يوسف:اواه مكاش كيما بنات بلادي لافالزين ولا العقلية
رحيم:خلاص مالا رجلي على رجلك نرجعك للبلاد ونزوجك هاد المرة
يوسف:انا وراسك زوجني خوك باير قدامك شاهي نذوق الحلاوة كيفك ضحكو معى بعض ركبو فطونوبيل وديمارا للاوتيل وين حاجز شوي ولحقو ريڨل امورو وطلع للغرفة دخل حط فاليزتو جبد تيليفونو قعد عالفوتاي تماك وعيط لمحبوبتو لي توحشها وحابب يسمع صوتها... ملي دخلت لغرفتها وهيا راقدة فاقت على صوت تيليفونها قفزت تجري شافت شكون. لقاتو رقم تع برا عرفاتو هوا
سارة:رحيم هدا انتا
رحيم:ايه انا اعمري الظاهر كنتي راقدة
سارة:وي كنت راقدة طمني عليك لحقت بخير
رحيم:اطمني احبي هدا وين لحقت وعيطت نخبرك ونسمع صوتك توحشتك
سارة:حتى انا توحشتك
رحيم:اي قلبي ياناس صغرونتي توحشتني
سارة:اي رحيم يزي راني نهدر مني صح
رحيم:عارف اعمري نخليك درك امبعد نعاود نعيطلك وهاي بوسات اقلبي ليك
سارة:تمام امبعد نشالله اسمعني رحيم عندك تقرب من البنات ولا تشوف فيهم
رحيم:عينيا خليتهم عندك انا منهار شتك وحبيتك حرمت عليا نسا العالم كونك هانية احبي ضحكت وكوبات عليه وقفت غسلت وجها وخرجت لبست جبة تع دار طويلة كيما وصاها وهبطت للتحت لقات اسوم وبسمة قاعدين قعدت معاهم فتحت اسوم تيليفونها وراتلها صورهم وبعثتهم لعندها فتيليفون وراولها كيفاه تزيد تخدم بيه فتحولها فيس وانستغرام باش تحكي معى رحيم وتشوفو دخلوها لقروبات تع حكايات لي داخلين فيهم هوما(رجعوها من جماعتنا رحيم يقتلنا كي يرجع😂😂) فهمت كلشي بالخف راسها خفيف ترفد ليه ليه دخل عمو ليهم لقاهم قاعدين معى بعض تبسم واخيرا شافها قاعدا للتحت بلا زوجها قعد معاهم مستغل الفرصة وعينيه عليها يطلع ويهبط فيها يكيل فيها مالفوف للتحت مقدرش يشوف شبر من جسمها غطات روحها مليح الظاهر موصيها قبل ميروح...
جابر:واش رايكم يابنات نخرجكم تتعشاو برا
اسوم:واو فكرة هايلة
بسمة:بابا ماشي من عوايدك تخرجنا مي موافقة وقفو يجرو طالعين يغيرو ثيابهم شافو فيها لقاوها قاعدة في مكانها متحركتش...
اسوم:سارة هيا اوقفي خلينا نخرجو معى بعض
بسمة:هيا اجري قبل ميغير بابا رايو ويبطل
سارة:لا انا منروحش روحو انتم وحدكم بصحتكم
جابر:علاه متروحيش راح نفرحو بزاف كي جي وزيد شوفي البنات كيفاه تحمسو
سارة:لا اسفة منقدرش نجي معاكم مقلتش لرحيم
جابر:رحيم راح يرفض تخرجي معانا هيا نوضي وقفت من بلاصتها وهوا فرح من عينيه
سارة:لا سامحني عمو راني نستنا في رحيم يعيطلي وخرجت مخلياتو يغلي وحدو طلعو البنات يجرو يحضرو روحهم شوي وهبطو خرجهم بسيف عليه..،.دخلت لغرفتها دخلت للمسنجر بعثت لرحيم لي وراتلها اسوم الفيس تاعو خلاتلو ميساج باش يعرفها ووقفت دخلت لدوش توضات وخرجت راحت لدريسينغ روم لبست شورط وبيستي وفوفهم ملابس الصلاة وخرجت تصلي عندو هوا بعدما كوبا عليها دخل دوش يريح شوي خرج جا لعندو صاحبو قعدو حكاو شوي بعدها راح وخلاه يريح جبد تيليفونو يعيطلها تفاجأ وقت لقا ميساج منها فامسنجر فتحو يجري بلا ميستنى عيطلها بالكام كانت تما وين كملت صلاة راحت تجري لتيليفون عرفاتو هوا رجعتلو غير شافها بحوايج الصلاة طيرتلو طرف العقل لي عندو
رحيم:سبحان الله على جمالك احبي واش تلبسي يواتيك اما هادو رجعوك ملاك اقلبي جاوك يهبلو
سارة:كنت نصلي بيهم
رحيم:تقبل الله اعمري ها قوليلي كيفاه حتى فتحتي الفيس وشكون عطاك تاعي
سارة:والله الفضل يرجع كلو لاسوم وبسمة حبيباتي
رحيم:واخيرا دارو حاجة تنفع يستاهلو كادو مالعندي واخر مرة نزيد نسمعك قلتي لشخص اخر حبيباتي ولا نقطعلك هدوك الشفاف
سارة:قلتها لبنات برك ماشي رجال ولا كاش واحد
رحيم:ياو ميهمنيش بنات ولا رجال تعرفيني نغير عليك اعمري تعشيتي ولا مزال
سارة:مزال عمك خرج البنات يتعشاو برا عزمني معاهم ونا رفضت نروح
رحيم:برافو صغرونتي عندك تخرجي معى حد غيري هيا اوقفي اهبطي جيبي عشا ليك وارجعي ناكلو معى بعض حتى انا مزال متعشيتش واش قلتي اقلبي
سارة:ياس موافقة دقيقة ونرجعلك عاودلي
رحيم:نن خليك عندك تيليفون بلا متكوبي لازم نكون معاك لحظة بلحظة وخليك بهاد الحوايج بلا متبدليهم تبسمت معاه ووقفت هبطت للتحت وتيليفون في يدها قريب طاحت فالدروج قاعدة مركزة معاه بدا يعيط معاها باش تنتبه اكثر وصلت للمطبخ لقات الخدم تماك خبرتهم يجهزولها الاكل ويحطوه في صينية وهوا عيط لخدمة الغرف يطلعولو اكل باش ياكل معى صغرونتو
💞Sou Søu💞
