🔥🔞صغيرة الاغا🔞🔥بقلمي✏سوسو✏94 واقف يعقوب معى لطيفة فكولوار المشفى وهيا تبكي دموعها محبوش يكفو
لطيفة:علاه يعملو فيها هاد الشي كلو عمرها لا قربت منهم وزيد رحيم مصدقهاش
يعقوب:مستحيل ميصدقهاش اكيد عندو حاجة في راسو خويا ونعرفو
لطيفة:خليك واقف معاها عالاقل تكون نتا معاها تبكي وتشهق عليها تنهد غاضو حالها قرب منها حضنها شوي يهدي فيها...دخلت رنوش من باب المشفى قابلها منظرو وهوا محضن مرتو شدت فالحيط من تفاجأها بيه مكانتش تتوقع تشوفو محضنها جات راجعة في طريقها ودموعها على خدها بعد يعقوب على لطيفة قابلاتو خارجة عرفها شافتو خلاها واقفة وخرج يجري موراها لاحق عليها وصل لعندها شدها من يدها نطرتهالو دارت تحكي معاه
رنوش:نحي يدك عليا عمرك تحلم تزيد تمسني خاين
يعقوب:رنوش اهدي احبي ماشي كيما راكي فاهمة
رنوش:منيش حابة نسمع منك اي كلمة روح لعند مرتك خير خلاتو واقف وراحت جرا موراها يلحقها لقاها ركبت فتاكسي وراحت رجع للداخل معصب من الموقف لي تحط فيه... لداخل عندهم سارة جانة عالخر تعيط وتضبح حتى نفتحو غرزات راسها
رحيم:سارة قتلك اهدي شوفي حالتك كيفاه رجعت
سارة:ندير لي نحب عليه اخرجو كامل عليا
جابر:اهدي انتي راح يصير لي تحبي عليه وراسك
سارة:عمي تعيش خرجهم عليا هوما لي قتلولي ولدي
جابر:خلاص راح نخرجهم منا خليك هادية انتم لزوج يالله برا خلوها تريح
رحيم:يا@@@@ انتو حابين تهبلوني يالله كامل قودو على @@@ حابين ليوم نستجرم فكاش واحد
جابر:نوعدك ادا كانو هوما السبة انا لي راح نحاسبهم
سارة:انتا عالاقل صدقت كلامي عندي ثقة فيك تبسم معاها واخيرا قدر يربح شوي من ثيقتها خرج كريمة وفايزة معاه وهوا موراههم رحيم:سارة علاه عملتي هاذ الشي منظنش يقدرو يعملو هاد الشي كلو
سارة:ايه جنيت خليني وروح لعندهم تبعهم
رحيم:سارررررة صبري عندو حدود عمري لا كذبتك اما قبل ميكمل كلامو دورت وجها لجيهة الصور ماهيش حابة تشوفو
رحيم:ماشي انتي لي حبيتي خوذي راحتك خرج وخلاها وحدها خبط الباب وراح اما هيا غير حست بيه خرج تقعدت عالسرير تبكي على حالهم لي وصلو ليه دخلت عليها الممرضة
الممرضة:اسفة الاغا بعتني ليك باش نظفلك جرحك
سارة:كشغل راه لاتي بيا اعملي لي تحبي عليه قربت منها نظفتلها الجرح وعاودت خيطتهولها عطاتها ابرة مهدئ بأمر من رحيم حابها تهدى شوي كملتلها وخرجت خلاتها وحدها قعدت تستنى فيه يعاود يرجع حتى داتها عينها ورقدت الابرة خذات مفعولها...عندو هوا بعدما خرج مالعندها راح لعند الطبيب تكلم معاه على وضعها وعلى ردة فعلها قالو انو عادي فحالتها بعدما فقدت الجنين خبرو يبعتلها ممرضة تشوف جرحها وتطيها ابرة مهدئ خرج مالعندو راح وقف لبرا فالجنينة يتنفس ويخمم فلي صار مقبيل كان معصب وحكى معاها هكاك خليها وقت تتهدن يراضي صغرونتو وقف شوي ورجع لداخل فتح الباب بالعقل طل عليها لقاها راقدة دخل لعندها عدللها رقدتها غطاها طبع بوسة على راسها وشفافها خلاها وخرج رايح مشوار ويرجع قبل متفطن خرج ركب فطونوبيلتو وديمارا باقصى سرعتو رايح للقصر يفهم حكاية السقوط تاعها...جابر بعدما خرج مالعندهم خبر يعقوب يوصلهم للقصر وهوا خرج ركب فطونوبيلتو وقعد عمل اتصال بتيليفون وبقا يشوف مالداخل طونوبيل حتى شاف رحيم خرج من المشفى تبسم هدا لي حاب عليه عند سارة رقدت شوي وفطنت من قلقها الابرة مخدمتش فيها مليح تقعدت عالسرير شافت فالغرفة ملقاتوش جبدت تيليفونها عيطتلو مردش عليها دخلت لعندها الممرضة سألتها
سارة:وينو رحيم
الممرضة:شفتو قبيل خرج للجنينة الظاهر راه تماك
سارة:ممكن تساعديني نخرج لعندو بلييز تبسمت معاها وقربت منها ساعدتها نزلت من السرير وخرجت لبرا تحوس عليه وقفت سيارة عندها هبط راجل قرب منها يحكي معاها
***:مدام تحوسي على الاغا رحيم
سارة:وي خرجت نحوس عليه انتا من رجالو
***:وي نخدم عندو الاغا راح للقصر معى امو ومرت عمو ووصانا نلتهاو بيك ادا مرجعش حست الدنيا دارت بيها يعني مصدقهاش وراح معاهم وخلاها وحدها جات راجعة للداخل واوب جي طايحة فالرض قرب منها الراجل هزها بين يديه حطها داخل طونوبيل وديمارا بيها
💞Sou Søu💞
