🔥🔞صغيرة الاغا🔞🔥بقلمي✏رنوشة✏116
وصل رحيم لعند سارة دخل يجري تفاجأ من حالتها شعرها طالع فالسما وهيا تعيط وتضبح قرب منها فرمشة عين جبدها لحضنو مزير عليها باش تهدى غير حست بيه وشمت ريحتو بدات تترخى بين يديه طلب يجيبولها كاس ماء خرجت رنوش تجري جابتولو ورجعت قعدها عالسرير وهوا جنبها جبد الدوا من جيبو عطاها شرباتو بدا نفسها ينتظم بعدما شافوها البنات هدات شوي خرجو وخلاوهم وحدهم طلعت راسها ليه
سارة:سامحني كان قلقتك معايا حابة نرقد درك
رحيم:متعاوديش هاد الهدرا وقتي كلو ليك ماشي ارقدي ترتاحي شوي هادا الدوا يخليك ترتاحي اشربيه صباح وعشية بلاكي تنسايه حطولها عند راسها وهيا دخلت تحت الفراش غطاها وبقا قاعد عند راسها يمسح على شعرها حتى رقدت نزل طبع بوسة على راسها وخرج لعندهم لقاهم واقفين
رحيم:رنوش يعيش اختي دواها عند راسها ذكريها فيه
اسوم:رحيم ممكن نبقاو هنا انا وسامية معاها كي ترتاح نرجعو للفيلا
رحيم:اوكي كيما تحبو انا رايح درك ادا كاشما صرا عيطولي نجي خلاهم واقفين وخرج ركب فطونوبيلتو وديمارا رايح للقصر راح يبدا حسابو ماليوم..عند جابر رجع ميجيش بزاف للشركة وقتو كلو لاهي بسهام كوليوم يخرجو معى بعض حابب يتقرب منها اكثر اليوم متلاقاش بيها صباح حابب يسهرو معى بعض فليل فضل يقعد فالقصر يريح شوي...وصل رحيم للقصر نزل من طونوبيلتو كشاشو طالعة دخل للداخل سمع صوت ضحك جاي من الصالون راح لجيهتو دخل لقا امو قاعدة معى خالتو وولدها وزوجها وقفت امو تجري ليه باش تحضنو توحشاتو عندها شحال مشافتوش غير قربت منو نزللها يديها وبعد عليها قعد عالفوتاي وهيا حست بغصة في قلبها من تصرفو معاها حمحمت ودارت ليهم
كريمة:جيت في وقتك اولدي خالتك جاو يطلبو ايد اختك
خالتو:والله عدنا شحال وحنا حابين نجو حتى ليوم باش قدرنا نجو نطلبوها وينها اسوم علاه منزلتش
كريمة:الدار داركم تجو وقت متحبو رحيم اتصل بختك قوللها جي يمكن راهي تقرا
خالتو:ادا تقرا خليها احنا قاعدين هنا وقت مرجعت تلقانا اختي انا نقولك مالدك رانا مستعجلين العرس في شهر نديروه واش قلتي
كريمة:الطفلة بنتكم معندي علاه نرفض نشوف خاوتها
خالتو:واش قلت انتا يااغا
رحيم:نظن حرام تطلبو ايد وحدا متزوجة لا وتتفاهمو على عرس وحدا متزوجة بواحد غير زوجها انتو هبلتو
كريمة:وخذي واش راك تقول اطفل ويكتا تزوجت هدي
رحيم:ميهمش ويكتا تزوجت المهم ولد الخالة معندكش نصيب عدنا اختي متزوجة
ولد خالتو:اوف هدا وين ريحت حتى انا كنت رافض هاد الزواج ماشي معنتها اسوم ولا انتم نسبكم ميشرفش انا عندي لي نحبها وناويها لداري غير امي رافضتها معرفتش علاه
رحيم:خالتي تاخذي راي زوجيه بلي يحبها احسن
خالتو:صار رجع الغريب سبق من ولدي والله دقيقة منزيدهاش فهاد القصر ونخرج من نروح نطلبلو لي يحبها سكارا فيكم
رحيم:ربي يسهلك طريقك ومتنسايش اعرضينا للعرس وقفت الجنون لحمر يدورو بيها من العصب حاسة روحها تهانت هنا خرجت وموراها زوجها وولدها كريمة تجري موراهم باش يرجعو مسمعولهاش كامل خرج بزربة طالع للفوق وهوا يتذكر في حالة صغرونتو وصل لغرفة فايزة لقاها تحكي فتيليفون قرب منها وهيا رجعت للور خايفة منو شدها من شعرها مزير عليها وجعها عيطت بأعلى صوتها باش يسمعوها مشا يكركر فيها نزلها معاه حتى لتحت وهيا تفرفط بين يديه من الوجاع وخايفة واش راح يعمل فيها شافتو امو وصلو لعندها جرات ليهم تحاول تسلكها منو
كريمة:اطلقها هبلت نسيت هدي مرت عمك جاها صوتو
جابر:خليه يعمل فيها واش يحب حلال عليه
رحيم:يما متخلنيش على كبري كاشما نقولك ونعشي عاصي الوالدين انتي وهيا كنتو السبب فموت ولدي وفالحالة لي وصلت ليها سارة وعلاقتنا جا يوم حسابكم هيا راح نحطها فالقبو لتحت وسط الفيران والحشرات راح تنحرم من الظو ومن كلشي كيما حرمتني من ولدي ومرتي وانتي كيما ساعدتيها وحرمتيني من ولدي لي مجاش لدنيا راكي تحرمتي من ولادك احنا بعدنا عليك وبقيتي وحدك حتى خطبة وفاتحة بنتك مسمعتيش بيهم ومحظرتيلهمش وهدا عقاب كافي ليك سحب معاه من شعرها مخلي امو غارقة في دموعها
💞Sou Søu💞
