🔥🔞صغيرة الاغا🔞🔥بقلمي✏سوسو✏134
نزل للتحت عينيه مغمضين من نار الغيرا والعصب راح جيهة الاحصنة خرج حصانو ركب عليه وبدا يجري بيه يخرج فكل غشو كلامو مزال يرن في وذنو منين خرج هدا ويكتا وهوا يعيطلها الف السؤال في راسو بقا يجري بالحصان دخل طريق الغابة والشتا بدات طيح تشمخ اما مطفاتش نارو لي لداخل كمل يجري مهتم بحتى حاجة.. عندها هيا بعدما خرج قعدت عالرض تبكي بالشهقة على زهرها ديما معوج علاه من صغرها متكملش فرحتها عارفة روحها هيا الغالطة كي مخبراتوش اما حتى هوا غلط في حقها كيفاه يظن انها فرحانة برجعتو وصل نص الليل وهيا على حالتها صوت المطر برا داير حالة وهوا ريحتو مكاش وقفت بسيف من بلاصتها دخلت تكركر في رجليها لبست حوايجها وخرجت وقفت فالشباك تستنى فيه يرجع عيات من الوقفة قعدت عالكرسي جنبها تخمم واش لي راح تعملو باش يبعد عليها عادل واش مرجعو كانت ناسية حكايتو وفرحانة بحياتها معى زوجها وولدها لي جاي فالطريق حطت يدها على كرشها تتحسس فيها الدموع في عينيها معطاهاش فرصة حتى انها تخبرو بحملها داتها عينها عالكرسي ورقدت بالدموعها...رجع من برا معى وجه الصباح بعدما خمم مليح وفرغ راسو من الافكار السلبية طلع لغرفتهم غير فتح الباب قابلاتو قاعدة عالكرسي وحاطة راسها عالطاولة راقدة تبسم عليها وقرب منها حملها بين يديه حطها عالسرير وغطاها دخل لدوش عمل دوش خفيف وخرج لابس بوكسور برك راح لجيهتها دخل معاها فالفراش جبدها لعندو باسها من راسها ورقد حلت عينيها مطمنة انو رجع بخير فطنت وقت حطها عالسرير محبت تعمل حتى حركة مهيش جاهزة تواجهو خلي الصباح رباح وتوريه اللعب مليح.. طلع الصباح عليهم فاقت قبلو دخلت لدوش غسلت وجها وخرجت لبست حوايجها وهبطت للتحت من غير متعمل حس لقات الخدم يجهزو فالفطور شمت ريحة الاومليت قلبها رفرف من الفرحة تشهاتها تاكلها
سارة:بسرعة جيبولي اومليت سخفت عليها
كريمة:يالله ازربو جيبولها طلبها كانت واقفة موراها وسمعت كلامها قربت منها
سارة:اسفة راح نسبقكم اليوم مقدرتش نقاوم ريحتها تبسمت معاها عرفتها تتوحم
كريمة:الظاهر حفيدي جاي فالطريق ولا راني غالطة
سارة:لا مكيش غالطة اما واحد معندو خبر من غيرك ولطيفة حتى رحيم معلابالوش مزال مقتلوش
كريمة:متخميش سرك في بير مراحش نقول حتى تقولي انتي جابولها طلبها وغطست فالصحن تاكل بكل شراهة وهيا متبعتها بفرحة.. فطن رحيم لاح يدو لجيهتها ملقاهاش حاسس راسو راح ينفجر وقف دخل لدوش غسل وجهو وخرج لبس حوايجو ونزل لعندهم لقاها تفطر هيا وامو صبح عليهم سلم على راس امو وزاد قرب منها باسها من راسها معملة حتى حركة عرفها متغشة منو قعد جنبها عيط عالخادمة جات تجري ليه
رحيم:اعملولي قهوا ثقيلة وجيبولي حبة كاشي تع الوجاع راسي راح ينفجر بعدت من قدامهم راحت جيبلو طلبو
كريمة:وشبيك اولدي خير راسك منين يوجع فيك
رحيم:منعرفش ايما يمكن ناقص نوم شاف جيهة مرتو لقاها لاتية بالاومليت مشافتش كامل فيه كملت صحنها شربت كاس العصير ووقفت طلعت لغرفتها
كريمة:شبيها مرتك لا تكون مزعلها اسمعني مليح والله وتزعفها منسامحك
رحيم:يما يهديك ربي علاه حتى نزعفها جابولو طلبو شرب الكاشي وشرب قهوتو محبش يفطر وطلع لحق مرتو...عند يعقوب ولطيفة كانت تمشط في شعرها وهوا يقفل فقفالي الشوميز حتى صونا تيليفونها لقات رقم غريب جاوبت عليه
لطيفة:الو شكون معايا
سعد:صح تزوجتي ونسيتيني موحال نصدق وقفت من بلاصتها مخلوعة
لطيفة:سعد هذا انتا ياك منيش غالطة ويكتا رجعت قرب يعقوب يجري منها يسمع في كلامها حابب يصدق انو اخيرا ظهر
سعد:جيت اليوم كملت عسكريتي رحت لداركم باش نشوفك انتي الاولى قالولي انك تزوجتي وعايشة مرتاحة صح هاد الهدرا
لطيفة:لا كذبو عليك خليني انا لي نفهمك مليح فلي صاير شارلها يعقوب بيدو باش تقولو يتلاقاو
لطيفة:سعد تسمع فيا واش رايك نتلاقاو فكاش بلاصة
سعد:معنديش مانع حتى انا حابب نشوفك خبريني عالمكان ونجي ليك
لطيفة:اوكي نبعتلك ميساج كوبات عليه طايرة بالفرحة
يعقوب:راح نجي معاك ونفهموه معى بعض خلينا نخرجو حركتلو راسها بايه كملو جهزو حالهم وهبطو في زوج فرحانين واخيرا راح تنحل مشاكلهم
💞Sou Søu💞
