🔥🔞صغيرة الاغا🔞🔥بقلمي✏سوسو✏115
جا يوم جديد معاه يدرا واش مخبيلهم راح رحيم للشركة طلب المحامي تاعو عطاه الورقة لي جابهالو محامي سارة باش يشوف خدمتو تكلم معاه
المحامي:اغا ادا حاب نقدرو نحبسو كلشي بتيليفون واحد
رحيم:لا خلي كلشي ماشي كيما راه انتا اعمل لي قتلك عليه اسألي عالمحامي هذاك وقولي واش عرفت عليه خرج وخلاه وحدو صونا تيليفونو جبدو شاف شكون لقاهم من المشفى هز عليهم يجري خبروه انو تحاليل سارة طلعت والطبيب طالبو قلبو خض وسط صدرو من الخوف عليها رفد مفاتحو وخرج ديمارا بطونوبيل يجري للمشفى يشوف واش فيهم التحاليل..عند سارة كانت قاعدة في غرفتها حتى دخلو عليها البنات جاو كلهم ليها حتى بسمة جات معاهم قعدو جنبها وبداو يحكو
اسوم:علاه صار بينكم كل هاد الشي اختي كلنا عارفين حبكم لبعض علاه تحرمو في روحكم من بعض
سارة:مرات الظروف تحكم علينا نعيشو شي مناش حابينو
بسمة:مدام حبكم قوي اتحداو الظروف ونتم معى بعض ماشي كل واحد وحدو
رنوش:والله قتلها هاد الشي اما هيا راسها يابس محبتش تفهم انو راجل كيف رحيم ميتعوضش
سارة:راسي راح يتفلق منيش عارفة واش ندير هوا مقت حتجتو معايا خلاني وكذبني
سامية:سارة خليني نفهمك في كلشي صار معاك الظاهر فاهمة غالط احبي رحيم يحبك من قلبو وعمرو لاخمم يخليك ولا يكذبك بدات تحكيلها كلش بتفصيل جنبت تحكي على جابر كيف ماوصاوها والبنات يسمعو فيها وحالين فامهم من شي لي يسمعو فيه اما هيا حالتها حالة دموعها على خدها شلال بدا راسها يتزير عليها حاسة روحها في دوامة دور...لحق رحيم للمشفى يلهث دخل ديراكت سأل عالطبيب داوه لعندو كان يستنى فيه دخل قعد مقابلو والخوف باين من وجهو تكلم معاه
رحيم:خير دكتور طمني واش بيها مرتي
الطبيب:اغا الظاهر مرتك شربوها مهلوسات لقينا كمية تع مخدرات لباس بيها عطاوها دوا قاوي وكثرولها منو
رحيم:لا قول غير هاد الكلام يعيشك مستحيل مرتي يصير فيها هاد الشي ويوصلوها للمخدرات واش راح يصير فيها درك كاين خطر على حياتها
الطبيب:لا اطمن مكاين حتى خطر عليها ولو بالقليل اما راح تتعرض لنوبات قلق راح ترجع تتصرف بأفعال ماشي تاعها وقت تكون تحت الظغط تاعهم اما وقت يروح المفعول تاعهم ترجع عادي
رحيم:هاد الايام صايرا غريبة حتى الطلاق طلباتو زعما يكون هاد الشي من تأثير الدوا
الطبيب:اكيد من تأثيرو راه متحكم في عقلها وتعمل تصرفات غصب عنها ساعفها شوي
رحيم:واش نقدرو نديرو فحالتها هدي عندها دوا ولا نن تقدر تتعالج منو
الطبيب:كونك مطمن من هاد الناحية ايام برك نشالله وترجع كيف مكانت راح نكتبلك دوا خليها تشربو باإنتظام اكيد راح تتعرض للضغط من راسها ومخها درك يرجعو يطلبو عالدوا لول وقت ميلحقهمش راح يحكمها سطر في راسها وتدخل في هيستيرية هدا قبل متتعود عالدوا هذا يومين نشالله توالفو وتتكالما بيه اطمن مد يدو جبد الباطة تع دوا عطاهالو ووقف خرج يتحلف فلي وصلها لهنا اشد العقاب ركب فطونوبيلتو وديمارا...عند سارة حاسة سطر كبير في راسها جاتها كريز تع عياط بدات تعيط وتضبح وتنتف في شعرها مقدرتش تتحمل وجاع راسها البنات نخلعو فيها كيفاه في دقيقة تحولت قدما حاولو يكالموها ويهوها مقدروش غاضتهم كيفاه راهي دير جبدت اسوم تيليفونها بزربة عيطت لرحيم لي كان يسوق
اسوم:رحيم وينك اجري رانا عند سارة حالتها موش مليحة رانا خايفين عليها
رحيم:خليكم معاها خمس دقايق نكون عندكم لاح تيليفون وعفس فيتاس رايح طاير لعندها الظاهر كلام دكتور لحقو ليه
💞Sou Søu💞
