🔥🔞صغيرة الاغا🔞🔥بقلمي✏سوسو✏12
بعدما تعشاو خرجو معى بعض هيا طايرة من الفرحة اول مرة في حياتها تقضي يوم كيما هذا وهوا يشوف فيها وفرحان قدر ينسيها شوي فلي عاشتو ويشوف ضحكتها وصلو لطونوبيل باش يركبو حست بدوخة خفيفة والارض لعبت بيها عيطت بإسمو وجات طايحة فالرض جرا ليها خايف عليها لقاها مغمى عليها وجها هارب منو الدم حاول يفيقها اما والو مفاقتش هزها بين يديه حطها داخل طونوبيل راح لجيهتو ركب وديمارا بأقصى سرعتو للمشفى عينيه مناحهمش منها خايف. عليها يدو على خدها يتلمس فيه...في نص طريق بدات تحل في عينيها بشوي حلتهم وعاودت غلقتهم باش تفطن مليح عاودت حلتهم شافت جيهتو وتكلمت
سارة:وين رانا واش صارلي
رحيم:اهدي اعمري مبيك شي رايحين للمشفى
سارة:اهاء منروحش خلينا نرجعو للدار بلييز
رحيم:موحال نرجعو قبل منطمن عليك
سارة:اطمن متخافش موالف يصيرلي هاد الشي
رحيم:زدتي عطيتيني سبب اخر باش نروحو للمشفى لازم نعرف علاه صار معاك هكا سكتت مرجعتلوش اصلا تاعبة موش قادرا تهدر وهوا مراحش يدير برايها وصلو للمشفى هبط وراح لجيهتها كان راح يحملها اما رفضت قالت تقدر تمشي على رجليها دخلو للداخل جاوه لي تماك يجرو يشوفو واش خصو تكلم معاهم
رحيم:جيبولي احسن طبيبة هنا تفحص مرتي بسرعة راحو يجرو من قدامو ينفذو امرو مشاها قعدها على كرسي تماك وهوا قعد جنبها يستناو فالطبيبة شوي وجاتهم لحقت لعندهم دخلتهم لغرفتها باش تفحصها قعدت عالمكتب وهوما مقابلينها
الدكتورا:خير اغا واش بيها
رحيم:كانت لباس بيها في دقيقة طاحت مغمى عليها
الدكتورا:مدام موالف يصير معاك شي كيما هدا ولا نن
سارة:وي كنت قريب كوليوم يغمى عليا بعدها بشوي نفيق مي منحس بحتى وجاع
الدكتورا:خلينا فالاول نعملو بعض التحاليل بعدها نفحصك وقفت خرجت تنادي للمرضة تعمللها التحاليل بقات معاه تفرك في يديها خايفة مفهمش حالها
رحيم:سارة علاه خايفة
سارة:من التحاليل
رحيم:وعلاه خايفة منهم مخبية عليا شي اه
سارة:لا ماشي هكا انا نخاف من الإبرة لي يعملوها وهبطت راسها حاشمة ضحك بالصوت عليها طلعت صغيرة عن حق وقف قرب منها شدها من يدها وحكا
رحيم:انا معاك اقلبي عمرك متخافي من شي لازم تعمليهم باش نطمن عليك دخلت عليهم الممرضة باش تعمللها التحاليل قربت منها وبدات تعمللها فيهم وهوا مطلقش من يدها شادها زيرت على يدو كأنها تاخذ فالقوة منو شوي وكملت الممرضة وخرجت
رحيم:نوجعتي احبي
سارة:شوي برك هبط لعندها باسها من بلاصة الإبرة
رحيم:هادي راح تنسيك فيها تبسمت معاه وهوا ذاب في ابتسامتها الساحرة دخلت عليهم الطبيبة وقفتها معاها باش تفحصها شافت فيه غمضلها عينيه باش متخافش راحت معاها قعدت عالسرير وبدات تفحص فيها وهوا مراقبهم من برا بعينيه...شوي ورجعو ليه تكلمت طمن فيهم
الدكتورا:اطمنو صحتها عال العال مزال نشوفو نتائج التحاليل فقط وبعدها تخرجو تنفسو واخيرا براحة قعدو يستناو فاتحاليل قاعدة تاكل في شفافها عادة عندها وقت تكون تستنى تاكلهم مراقب كل تصرف تعملو اما حركتها هذي شعلت نيرانو عليها وهوا يشوف فيها تاكل في شفافها متمني يكون فهاد اللحظة هوا لي ياكلهم تماك يوريلها مليح الماكلة على اصولها بعد ساعة دخلت الممرضة في يدها التحاليل حطتهم عالمكتب وخرجت فتحتهم الدكتورا وبدات تقرا فيهم ملامح وجها تغيرت من لي تقرا فيه كملت قراتهم مليح
الدكتورا:تحاليلك كلها مليحة الا واحد اغا طلع عندها فقر دم حاد واذا متعالجتش منو قادرا تخسر حياتها
رحيم:عندو علاج ولا نن منين جاها هاد الشي
الدكتورا:الظاهر متاكلش بزاف هاد الشي خلاه يهبطلها بزاف مي اطمنو متخافوش اذا تبعت واش نقوللها راح تشفى منو نشالله
رحيم:راح نعمل كلشي تقوليه المهم تشفى
الدكتورا:اولا ممنوع عليها التعصب والقلق بعدي عليهم لثنين ثانيا الاكل ثم الاكل الصحي والمفيد لازم تاكلي كلشي فيه فيتامين وتشربي الحليب خصوصي وقت تكوني راح ترقدي معى العسل انا راح نكتبلك على دوا وفيتامينات يساعدوك شوي بعد شهر ارجعي نزيدو نعملو التحاليل ونشوفو اه عندك تخدمي شغل الدار ولا تعبي روحك لانك راح تتعبي اكثر خصوصي وقت تشربي الدوا لازم تشربيه وتريحي
سارة:اوكي مفهوم نقدرو نروحو ولا مزال شي
الدكتورا:لا كملت بعد شهر موعدك عطاتهم وصفة الدوا وخرجو لبرا ركبو فطونوبيل يسوق فالسكات قلبو تقطع عليها هاد الشي كلو بسبة باباها ومرتو خليهم جايين ايامهم ويشوفو شي ميعحبهمش اما هيا ملقات متقول عارفة هاد الشي بسبة اهلها لي كانو يخلوها ايام بلا اكل معندها مدير غير تدعي في سرها عليهم ربي ياخذلها حقها فيهم لقا صيدلية في طريقهم مفتوحة ڨارا طونوبيل وهبط يشريلها الدوا خمس دقايق وكان رجع حطو وعاود ديمارا راجعين للقصر الدنيا ظلامت وطاح الليل هكا احسن باش يلقاهم كلهم راقدين وميبداوش فسين وجين هوا موش خايفهم.اما ميحبش الضغط عليه خصوصي وهيا فالحالة هدي قدامو مراه طايق حتى واحد
💞Sou Søu💞
