🔥🔞صغيرة الاغا🔞🔥بقلمي✏سوسو✏104
طلع صباح جديد عليهم خرج رحيم بكري وهوا عندو بصيص امل انو يلقاها خذا رقم اللوحة في يدو ووزعها على كامل رجالو يحوسولو عليه قعد في مكتبو دخلو عليه يعقوب وصحابو
سامر:واش اصاحبي كاشما زدت لقيت ولا والو
رحيم:لقيت رقم السيارة لي خطفوها فيها
يعقوب:اووو ويكتا صار هاد الشي ونا لاخبر
رحيم:لبارح فليل لقيتو كنت راقد محبيتش نوضك
يوسف:المهم وصلنا لشي جديد اطينا رقم السيارة حتى حنا نبحثو عليه مدلهم الرقم وخرجو لزوج خلاوه غير معى خوه
يعقوب:كاشما زدت لقيت تان
رحيم:ههه وي لقيت اما تصور واش لقيت عمي كان يراقب فينا ووقت خطفوها كان يشوف فيهم وغير ديماراو راح موراهم
يعقوب:@@@@ كلو منو انا نوريلك اللعب كيفاه
رحيم:لا خليه يفرح هاد اليمات انا نعرف شغلي معاه
يعقوب:اوكي انا خارج امبعد نرجع خرج وخلاه وحدو.. عند سارة فاقت صباح حاسة روحها احسن من قبل غير فطنت جات صورة رحيم بين عينيها دخلت عليها سامية لقاتها قاعدة
سارة:توحشتو اسامية معرفتش واش ندير بلا بيه
سامية:اكيد راح تتوحشيه بعد كل هاد الحب لي بينكم
سارة:منيش عارفة اما حاسة روحي ظالماتو
سامية:فالاول انتي طيبي امبعد نخمو معى بعض واش نديرو معاه هيا اوقفي فطورك واجد تبسمت معاها ووقفت تغسل وجها وسامية خرجت لبرا تذكر في كلام جابر معقول يكون لعب عليها وتمسخر بيها قعدت عالكرسي وتذكرت نهار جاها لدارها وقاللها كاين وحدا صبية اهل زوجها ظربوها وخلاوها تسقط وزوجها جا في صف اهلو ادا تقدر تخليها عندها يمات حتى يوجدلها مسكن خاص بيها تقعد فيه وطبعا هيا صدقت كل كلامو ورحبت بيها في دارها هيا طول عمرها تستقبل وتساعد المحتاجين اما معرفتش انها مرت الاغا رحيم حتى جات لعندها وقت حكاتلها حكايتها معاه لبارح صارت تشك في كلامو لازم تتأكد منو لانو اللعب معى الاغا ماشي ساهل خرجت من شرودها وقت قعدت سارة جنبها بداو يفطرو فالسكات كل وحدا فيمن تخمم...فاتو خمس ايام عليهم بطلوع الروح سارة كل مرة حالتها كيفاه مرة تحس روحها توحشاتو وحانة ليه ولاايامو ومرة تتمنى اسمو متسمعوش مفهمتش واش هاد الحالة لي هيا فيها سامية حبتها بزاف معرفتش واش ديرلها باش تخليها مرتاحة حتى جابر رجع ميجيش يهدر فتيليفون برك يسأل عليها.. اما رحيم لي يشوفو ميعرفوش اللحية هايجة في وجهو التبسيمة هربت منو طول الوقت يشوف غير في صورها هوا ورجالو طول الوقت يحوسو على السيارة كان قاعد في مكتبو معى الظراري حتى صونا تيليفونو
**:اغا قدرنا نوصلو لوين راحت السيارة هداك النهار وقف من كرسيه وصحابو معاه خايفين من لي يسمع فيه
رحيم:اتكلم ازرب وين
***:راح نبعتلك العنوان ميساج كوبا عليه رفد مفاتحو وشاف فيهم
رحيم:واخيرا عرفنا محلها وخرج لحقو عليه ثلاتهم وديماراو باقصى سرعتهم للعنوان لي لحقو مسافة الطريق وكان قدام باب الدار لي هيا فيه نزلو اربعتهم قربو من الباب طبطب وهوا يدعي لربي تكون هنا فتحت عليهم سامية لي كانت قاعدة فصالون معى سارة قابلوها اربعتهم اولهم الاغا بلعت ريقها من الخوف منو دزها بعيد عليه ودخل قابلاتو صغرونتو قاعدة وقفت بزربة غير شافتو بقاو مدة يشوفو في بعض حتى جات طايحة فالرض متغاشية زرب لقفها بين يديه قبل مطيح
💞Sou Søu💞
