🔥🔞صغيرة الاغا🔞🔥بقلمي✏سوسو✏45
طلع صباح جديد عليهم ناظت سارة ناشطة دخلت عملت دوش خفيف وخرجت لبست حوايجها نشفت شعرها متشوقة ويكتا تروح للمعهد شافت جيهتو لقاتو مزال راقد قربت منو قعدت عند راسو تفيق فيه
سارة:رحيم يااغا فيق طلعت الشمس ونتا مزلت راقد حل عينيه بسيف بانتلو جاهزة
رحيم:صباحو اعمري
سارة:قول مساؤو ماشي صباحو يالله فيق
رحيم:مشاء الله عليك صبحتي شاطرة ليوم لحظة اعمري نلبس ونهبطو مزال عدنا وقت تمام وقف خطف بوسة من شفافها وراح غسل وجهو وخرج لبس حوايجو وهبطو معى بعض يفطرو لقاو يعقوب ولطيفة قاعدين صبحو عليهم وقعدو ياكلو معى بعض مرة على مرة يجبدو حديث...
لطيفة:عندك جامعة سارة
سارة:لا انا مدخلتش جماعة رايحة نتعلم رسم وانتي كنتي تقراي ولا نن
لطيفة:وي قريت وكملت قرايتي درت تخصص استاذة كنت نتمنى نقري مي راكي تعرفي العادات هنا
رحيم:يعقوب واش رايك نشوف لمرتك خدمة
يعقوب:اسألها هيا انا علاه
رحيم:ها واش قلتي
لطيفة:والله ياريت عمري مننسا وقفتكم معايا
سارة:اي اي شوفلها ووقت نحتاج شي تفهمني فيه
لطيفة:من عيوني اما يعقوب واش رايك انتا
يعقوب:تمام معنديش مشكل
سارة:اشش راهم جاو اللفعات راح يسمعونا
رحيم:هههه مجنونة خلينا نخرجو ادا كملتي وقفو رايحين لمشوارهم زاد تبعوهم يعقوب ولطيفة هوا خرج راح للشركة وهيا طلعت تفيق اسوم حابة تتقرب منها...مرو يومين عليهم سارة تعرفت على لي معاها فالمعهد الكل داير بيها واقفين على راحة مرت الاغا لي هوا اكبر مساهم ليهم رحيم يديها صباح وكي تكمل يرجع ليها اليوم راحة متروحش عندها يومين فالاسبوع فقط خرج رحيم صباح بكري قال عندو شغل مهم فالشركة خلاها راقدة وقت فاقت ملقاتوش بوزت شفافها كي الاطفال من نهار تزوجو ديما تفيق تلقاه في وجها غير تقعدت صونا تيليفونها عرفاتو هوا
رحيم:كسولة حتى لدرك باش تفيق صغرونتي
سارة:زعلانة منك انا
رحيم:ااا شبي حبي زعفانة مني كاشما درتلك
سارة:هكا تخرج بلا متفيقني تروح بلا متشوفك
رحيم:شفتك راقدة مسخيتش فيك نوضتك وعد احبي منطولش ونرجع
سارة:تمام ونا نستنى فيك كوبات عليه ووقفت غسلت وجها وخرجت عيطت فتيليفون يطلعولها فطورها محبتش تفسد يومها بشوفة اللفعات حابة اليوم حاجة متقلقها راهي في فورمة عالية طلعولها فطورها فطرت وكملت عبات كرشها مليح جاو خذاو الصينية عليها وقفت غلقت الباب بالمفتاح ورجعت دخلت لدوش حابة دوش تدويشة تع عروسة بعدما راحت عليها الدورة وحابة تعملو مفاجأة تذكرت شي خلات البانيو يتعمر وخرجت دخلت تيليفونها معاها عيطت لاسوم ولطيفة لي كانو برا يجيبولها شي تحتاجو اليوم للسهرا كوبات عليها ودخلت البانيو دوش....عند رحيم قاعد فالشركة حاط العقدة بين عينيه فاتح البيسي قدامو ويشوف كلما يشوف منظر يكبس على يدو اكثر ويزيد يعصب عروقو قريب يطرطقو مكانش يتوقع يجي يوم ويشوف هاد المشهد عندو ساعة ولا اكثر وهوا يرجع لنفس اللقطة مقدرتش يستوعب لي صاير وصلت بيهم الدنائة لهاد الحد وقف معصب رايح جاي في مكتبو وكمل عليه الاجتماع لي راح يدخلو عيطتلو السكرتيرة خبراتو على موعدو بعد ربع ساعة جات لراسو فكرة جبد تيليفونو عيطلها...
رحيم:سارة اعمري واش رايك نروحو نقعدو اسبوع نريحو فيه وحدنا
سارة:ياي ياريت والله قلقانة هنا خلينا نروحو
رحيم:تمام شي نصف ساعة ونمر عليك نروحو جهزي حوايجنا واستنايني
سارة:يوه بهاد السرعة ميكفينيش وقت نجهز كلشي
رحيم:جهزي غير اللازم فلازم احبي راح نكونو غير انا ونتي برك
سارة:اوكي وقت تكون جاي عيطلي راح تلقاني نستنى فيك كوبات معاه ودارت كملت جهزت حالها دخلت لدرسينغ فتحت الفاليزة وبدات تحط في حوايجهم معى بعض دخلت لعندها اسوم جابتلها طلبها لقاتها تجهز في ثيابهم
اسوم:وين على خير
سارة:والله معلابالي رحيم عيطلي وقالي جهزي حالك رايحين نقعدو ايام وحدنا
اسوم:ياعيني عالحب بصحتكم اقلبي على كل جبتلك لي طلبتيه
سارة:ميرسي احبي راح ناخذهم معايا
اسوم:ادا كملتي اهبطي معانا رانا قاعدين فالجنينة معى لطيفة وبسمة
سارة:اوكي شوي ونلحقكم خرجت خلاتها تكمل تحظر حالها بعدما كملت كلشي غلقت الفاليزة وخرجت في طريقها تلاقات بالخادمة
سارة:بليييز نحيلنا اللحاف تع السرير معى المخايد غيريهم حركلتلها الخادمة راسها بايه وراحت كملت سارة طريقها وقت شافتها فايزة خرجت تبسمت بخبث وصل وقت القنبلة عيطت فتيليفون لنعيمة
فايزة:انتم جاهزين لحق الوقت راح نبداو
نعيمة:جاهزين نستناو فإتصالك فقط
فايزة:تمام يالله نبداو كوباو يتبسمو لزوج بخبث
💞Sou Søu💞
