🔥🔞صغيرة الآغا🔞🔥 بقلمي✏سوسو✏02
رايح جاي فالغرفة العصب حاكمو من ساسو لراسو تكيف باكي دخان ومهداش شاف فيها لقاها مزالت قاعدة على حالها استغفر يحاول يهدي في روحو رجع قعد جنبها وسألها....
رحيم:احكيلي الصح صار بينكم شي انتي وهوا؟؟
سارة:لا ورحمة امي تحت التراب مصار شي في حياتي ادا خرجت وتلاقيت بيه جوابها ريحو شوي
رحيم:وينو هوا دك
سارة:معندي حتى خبر عليه سمعت الي هوا حرق البلاد وقت حتاجيتو راح وخلاني
رحيم:قومي غيري ثيابك وصباح رباح اليوم تعبنا غدوا نزيدو نحكو مليح فالموضوع...وخلي هاد الشي سر بينا منحب حتى واحد يعرف لي صار اليوم صباح اكيد راح يجو يسألوك عالعلامة قوليلهم روحو احكو معى الاغا مفهوم
سارة:مفهوم اغا
رحيم:انتي راكي مرتي عيطيلي رحيم فقط هيا قومي غيري ثيابك هاوليك دريسينغ روم...حمارت وصفارت وجها رجع الوان واش راح تلبس دك مرت بوها عطاتها غير القش القديم تاعها وكلو مهرهر ميوالمش عروسة نهار دخلتها ولا مقام الاغا😔 وقفت تمشي رجل لقدام ورجل لور دخلت للداخل وقعدت عالكرسي تماك تخمم واش دير حاشمة منو يكفيها انها حرماتو من حقو الشرعي راح تكمل عليه بلبستها قعدت دايرا يدها على خدها تخمم...بعدما شافها دخلت للداخل وقف معصب محبش يخوفها من اول يوم ليها معاه وقف مقابل الشباك شعل ڨارو وقاعد شافها طولت لداخل رمى الدخان عفسو برجلو ودخل لعندها لقاها قاعدة بروبتها وتخمم استغرب منها قرب لعندها يسأل فيها...
رحيم:علاه مبدتليش وشبيك وجها حمار من الحشمة الهدرا هربت من فمها تفرك فيديها بتوتر دار في بالو حاشمة ولا خايفة منو
رحيم:قومي فزي غيري ثيابك متخافيش مراحش نقرب منك مو الاغا رحيم لي يقرب من وحدا غصب عليها
سارة:اهاء موش خايفة منك اما...اما.. مقدرتش تتكلم من حشمتها هبطت دمعة يتيمة على خدها مخفاتش عليه قرب منها اكثر مسحالها بكف يدو حط يدو على خدها يتحسس فيه حابها تحس بالأمان وتحكيلو لي بيها تكلم معاها بحنية 😍
رحيم:شبيها مريتي احكي متخافيش مني
سارة:😭😭اسفة يااغا اما ملقيت حتى لبسة توالم مقامك حوايجي كلهم مهرهرين 😔😔وقف متفاجأ وفنفس الوقت غاضو حالها كيفاه هدا مرتو وعلى اسمو متلقاش واش تلبس فتح الدريسنغ روم يشوف في ثيابها جبدهم بالواحد يقلب فيهم يشوف ويرمي فالرض عروقو تزيرو قريب يطرطقو من العصب رجع ليها قعد على ركبتو وتكلم
رحيم:شوفي فيا بلا خوف وبكا قوليلي شكون لي عطاك هاد الثياب اه انطقي😠😠
سارة:والله مشفت شي انا هدي مرت بابا هيا لي حطتهملي في فاليزة وقاتلي هدا جهازك سامحني اغا😞
رحيم:اشش انتي معندك حتى دخل نوعدك راح نحاسب لي كان سبة فهاد الشي وقت نقول كلمة نوفيها خليك هنا شوي ونرجعلك طابس باسها من راسها وخرج للغرفة جبد تيليفونو عيط لواحد من رجالو تكلم معاه بعصب
رحيم:في يدك ربع ساعة تروح لاقرب مول جيبلي بيجامة وترجع بسرعة...
***؛مفهوم اغا ربع ساعة نكون عندك كوبا عليه وقعد رايح جاي العصب ياكل فيه اما هيا دموعها لا حبو يكفو تبكي بساكت وتلعن في زهرها علاه يعني هيا موش كيف البنات لخرين كل طفلة تحلم تخرج من دار باباها معزة مكرمة فرحانة بجهازها وبعرسها اما هيا معاشت حتى حاجة من هذو الامور كون جات يماها عايشة مراهش صرا فيها كل هاد الشي زادت نقمت على بوها وكرهت مرت باباها اكثر واكثر اما راه جا لي ياخذلها حقها منهم من اول ليلة عندو حست بالأمان معاه لي فقداتو منهار موت امها😔
💞Sou Søu💞
